Свет
Холанѓаните последни во ЕУ ја започнаа вакцинацијата
Холандија денеска започна со вакцинација против коронавирус, скоро две недели по повеќето земји од Европската унија, а здравствените работници први ќе ја добијат заштитата.
Сана Елкадири, медицинска сестра во домот за лица со деменција, прва ја прими вакцината на Фајзер / Бионтек.
Холандската влада е под жестока критика дека доцни со вакцинацијата.Премиерот Марк Руте во вторникот пред парламентот рече дека властите се фокусирале на вакцината на Оксфорд и Астразенека, која е лесна за употреба, но сè уште не е одобрена во ЕУ, а не на вакцината на Фајзер / Бионтек. Оваа вакцина е потребно да се чува на екстремно ниски температури и е единствена којашто досега е одобрена во ЕУ.
Европската агенција за лекови денеска ќе разгледува уште една вакцина направена од Модерна.
„Многу сум разочаран што заостануваме две недели од другите земји“, рече холандскиот премиер. Во Холандија, скоро 12.000 луѓе починаа од ефектите на коронавирусот од почетокот на пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.