Регион
17 лица починаа во Грција за една недела од сезонски грип, меѓу нив и четиригодишно дете

Во Грција за време на сезонската епидемија на грип починаа 38 лица, а лекарите предупредуваат за важноста на вакцините и антивирусните лекови.
Веб-страницата „Прото тема“ објави дека во изминатата недела во Грција се пријавени уште 17 смртни случаи од грип, како и 51 нов случај на сериозни заболувања, кои бараат хоспитализација. Вкупниот број заболени од грип во Грција досега е 151, само минатата недела имало 100 нов случаи. Најмладата жртва на грип оваа зима во Грција е четиригодишно девојче, а најстариот имал 91 година.
Експерти од Националната организација за јавно здравје (ЕОДИ) во епидемиолошкиот извештај забележуваат многу висока активност на сезонскиот вирус на грип во Грција предупредувајќи дека претстои натамошно зголемување на бројот на пациенти и дека треба да се преземе заштита против тоа.
Од 151 сериозно заболени лица, 136 се на одделенијата за интензивна нега. Од вкупниот број регистрирани пациенти, само 55 (36,4 проценти) биле вакцинирани против грип. Научниците велат дека двата вида грип А се активни, а секој се смета за опасен од разни причини.
Подвидовите А (H1N1) и А (H3N2) се присутни, првите влијаат на повеќе млади луѓе предизвикувајќи сериозна болест, а вторите влијаат на постарите лица и повеќе се поврзани со фаталниот исход.
Експертите посочуваат дека моќно оружје за заштита од вирусот на грип е почитувањето на мерките за лична хигиена и вакцини против грип за оние со висок ризик. Тие предупредуваат дека грипот ќе достигне кулминација на почетокот од следниот месец и ќе продолжи да кружи до крајот на март, а оние во ранливите групи ќе имаат време да се вакцинираат и да се заштитат од болеста.
Антивирусен лек во првите 24 часа од почетокот на симптомите го намалува или дури целосно го спречува ризикот од потенцијални компликации, пишува „Прото тема“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.