Црна хроника
Маж пријавил дека соселанецот го застрелал во ногата, тој пак тврди дека мажот самиот си пукал
Драма се случувала вчера во скопското село Петровец, каде двајца мажи и една жена завршиле со повреди по расправија.
Имено, 39-годишен маж со иницијали Е.Л, кој бил повреден, во полицијата пријавил дека во селото Петровец се расправале со 19-годишниот Х.С., кој со пиштол му пукал во ногата.
Сепак, кога полициските службеници излегле на терен во селото, го пронашле Х.С., со повреда на главата од тап предмет. Тој, пак, пред полицијата изјавил дека бил нападнат од Е.Л., кој потоа сам си пукал во ногата.
Повредена е и неговата сестра, но и за неа, од полицијата велат дека не е познато како се здобила со повредите.
На тројцата им била укажана лекарска помош во Градската општа болница „Св.Наум Охридски“ и Комплекс клиники „Мајка Тереза“ во Скопје.
Од МВР информираат дека по увидот, за настанот е известен Јавен обвинител и се преземаат мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведено лице од Битола барано со потерница
Денеска во 14.50 часот во Битола, полициски службеници од СВР Битола, врз основа на наредба од Основен суд Битола, го лишија од слобода С.Р.(31) од Битола, кој бил баран со потерница за издржување казна затвор од една година и шест месеци.
Лицето, како што соопшти полицијата, ќе биде спроведено во казнено поправната установа Затвор Битола.
Црна хроника
Малолетници се степале во автобус на ЈСП
Денеска во 11.30 часот во СВР Скопје, М.М.(53) од с.Стајковци, скопско, пријавил дека на 30.09.2024 околу 13.55 часот во автобус на ЈСП на подрачјето на Центар, неговиот малолетен син и двајца негови малолетни другари биле физички нападнати од други малолетници, кои употребиле и тврд предмет.
Според МВР се преземаат мерки за расчистување на случајот.
Црна хроника
Уапсен малолетник: со нож повредил друг малолетник во скопски Карпош
Вчера во 12.00 часот во Скопје, полициски службеници од Полициската станица Карпош лишиле од слобода малолетник од с.Чајлане, скопско, поради сомнение дека околу 07.30 часот на подрачјето на Карпош, по претходна расправија, со остар предмет нападнал малолетник од с.Семениште, скопско, и му нанел убодна рана.
По целосно расчистување и документирање на случајот, ќе биде поднесена соодветна пријава, соопшти полицијата.