По дебаклот за купување билети за северноамериканската турнеја на Тејлор, „Ерас“, и откако „Тикетмастер“ ја откажа општата продажба на билети поради големата побарувачка и недоволните залихи на билети, голем број фанови сега ја тужат компанијата, дознава „ТМЗ“.

Според истиот извор, компанијата за продажба и дистрибуција на билети е тужена за „измама, местење цени и кршење на антимонополските прописи, како и намерна измама, откако препродавачите, односно брокерите на билети, откупиле голем број билети.“

Во тужбата е наведено – имајќи предвид дека Ticketmaster е вклучен и на примарниот пазар и на секундарниот пазар за продажба на билети –  тие свесно им дозволиле на таканаречените скалпери на билети (брокери за билети) да влезат во претпродажба на концертите.

Во меѓувреме, Ticketmaster претходно им се извини на Тејлор и нејзините фанови, по дебаклот пред продажбата.

Компанијата за продажба и дистрибуција на билети наиде на силни критики  откако најави откажување на општата продажба на билети.

Актерот, режисер и продуцент Џорџ Клуни, пејачката-текстописец Ејми Грант, поп-дивата Гледис Најт, композиторката Тања Леон и ирскиот поп-рок бенд „Ју-ту“ беа славени во неделата за нивниот придонес во уметноста на приемот во Белата куќа во пресрет на почесното шоу на Центарот Кенеди.

Манифестацијата, сега во својата 45. година, им оддава признание на ѕвезди од музиката, театарот и екранот за нивниот придонес во американската култура.

На свечениот прием во Белата куќа присуствуваше и претседателот Џо Бајден со сопругата Џил.

На приемот за петте почестени, претседателот Џо Бајден се обрати поединечно на секој од нив, пофалувајќи ги нивните индивидуални таленти и нагласи дека тие го отелотворуваат духот на земјата.

„Да се видиме себеси еден во друг, да се обединиме во заедничка кауза – вечерва славиме навистина исклучителна…група уметници“, рече Бајден.

Церемонијата на доделувањето на наградите сите големи телевизиски американски мрежи ќе ја емитуваат на 28 декември.

Анџелина Џоли продолжува да го критикува Бред Пит среде долга бракоразводна битка, при што фокусот сега е ставен на сопственоста на нивната винарница Шато Миравал во јужна Франција.

Пит (58) ја обвини Џоли (47) дека го продала својот дел од винарницата со намера намерно да нанесе штета со тоа што влегла во продажба со тотален странец и на тој начин го прекршила нивниот договор.

Според „Радар-онлајн.ком“, кој дојде до судските документи, Анџелина ги критикува тврдењата на Бред како „несериозни, злонамерни и дел од проблематична шема“. Истиот извор дознава дека нејзиниот адвокатски тим изминатава недела давал ажурирани информации.

Пит тврдеше дека и двајцата се согласиле да не го продаваат својот удел во имотот без меѓусебно одобрување бидејќи и двајцата се сопственици.

Во документите се додава: „Тврдењата на Пит дека тој и госпоѓа Џоли имале таен, непишан, неискажан договор за право на согласност за продажба на нивните интереси на имотот директно се спротивни на писмената евиденција и, меѓу другите правни недостатоци, го прекршуваат Статутот за измами и јавни политики.“

Ова доаѓа откако неодамна повторно се појави е-пошта каде Џоли го објасни образложението зад нејзината одлука да го продаде својот дел од имотот.