Забава
Бен Афлек го наоѓа патот назад откривајќи ја вистината за зависноста од алкохол
Новиот филм на Бен Афлек, The Way Back („Патот назад“), го прикажува актерот во улогата која премногу добро ја знае – алкохоличар кој поминува низ семејни расправии и развод пред да пронајде обновена надеж во животот.
По откривањето на вистината за сопствената борба со алкохолот, трите обиди за рехабилитација и пропаднатиот брак со актерката Џенифер Гарнер, Афлек доби неочекувана улога на портпарол за зависност.
„Бев малку изненаден од тоа колку моето закрепнување од зависноста од алкохол – улога што, всушност, ја играм во овој филм – ги допре луѓето“, вели Афлек (47).

„Задоволен сум. Нема ништо херојско тука, но можеби е корисно за луѓето да видат дека не е крај и дека постои пат назад“, рече тој.
„Патот назад“, кој ќе почне да се прикажува во американските киносали в петок, 6 март, на Афлек му донесе добри критики, ако не и најдобри досега, по серијата површни перформанси како Бетмен. Тој го играше суперхеројот Бетмен во три продолженија по неговиот филм „Арго“, кој во 2013 година освои „Оскар“ за најдобар филм.
Афлек во „Патот назад“ игра кошаркарски тренер во средно училиште, кој се обидува да ја задржи контролата врз својот живот додека се бори со алкохолизмот и бракот, кој се распаѓа.
И самиот Афлек во повеќе наврати беше на рехабилитација поради неговата зависност од алкохол.
Режисерот Гевин Оконор изјави дека за време на снимањето дозволил Афлек слободно да ги покажа своите емоции.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Генијален трик: Со даска за пеглање спакувајте подарок како професионалец
На сите кои сакаат да пакуваат подароци, овој трик со даска за пеглање и метла може многу да им користи.
Празниците се период кога се купуваат и подаруваат најмногу подароци, а ако сте меѓу оние што обрнуваат посебно внимание на деталите, тогаш пакувањето сигурно ви е важен дел од процесот.
View this post on Instagram
Сепак, ако имате повеќе подароци за пакување, тоа може да стане непрактично, иако е забавно. Токму затоа во помош доаѓа — даската за пеглање.
Како изгледа овој трик во пракса, можете да видите во видеото.
Забава
Колку често треба да водите љубов за да бидете здрави
Сексот не е само пријатен, туку може да има и значајни здравствени придобивки, а ефектите зависат од тоа колку често се практикува. Професорката по сексуално и репродуктивно здравје, Кајл Велингс истакнува дека редовната сексуална активност може да го подобри имунитетот, менталното здравје и здравјето на срцето.
Истражувањата покажуваат дека секс еднаш до двапати неделно ја зголемува заштитата од инфекции.
Според студиите, исто така, секс еднаш во неделата позитивно влијае на линијата; 2 пати неделно – зајакнување на имунитетот; 3 пати неделно – двојно помал ризик од срцев удар; 4 пати неделно – подобар тен; 5 пати неделно – повеќе енергија, оптимизам и креативност.
Забава
Џејми Ли Кертис: Направив пластична операција на 25 години и се каам
Познатата актерка Џејми Ли Кертис откри дека направила пластична операција на 25 години и дека тоа денес го смета за една од најголемите грешки во животот. Одлуката ја донела по навредлив коментар на снимање во 1985 година, по што направила корекција на подочниците, но, како што вели, зажалила веднаш.
Таа истакна дека искуството ја поттикнало да стане силен поддржувач на природниот изглед и самоприфаќањето, предупредувајќи дека естетската индустрија и филтрите на социјалните мрежи создаваат нереални стандарди за убавина.
Кертис неодамна изјави дека масовната употреба на филери и операции претставува „геноцид над генерација жени“, додавајќи дека ваквите трендови го бришат природниот човечки изглед. Таа јавно ги советува и своите ќерки да не прават интервенции на лицето, нагласувајќи дека „кога еднаш ќе се вмешаш во лицето, нема враќање назад“.
Фото: depositphotos

