Забава
Бред и Анџелина се смирија, но најстариот син го избегнува

Холивудскиот актер Бред Пит се обидува да им се приближи на своите деца, кои ги има со својата поранешна сопруга Анџелина Џоли и со која веќе четири години е во процес на споделување на старателството. Додека тоа му успева со помладите наследници, неговиот однос со најстариот син Медокс е сè уште напнат.
Уште во 2002 година Анџелина го посвои тогаш едногодишното момче Медокс од Камбоџа, а неколку години подоцна и малата Захара од Етиопија.
ПО почнувањето врска со Бред, славниот актер ги прифати нејзините посвоени деца, а и тој самиот ги посвои. Така, денес, двајцата го носат неговото презиме, исто како и нивното трето посвоено дете, 16-годишниот Пакс.
Покрај тоа, Пит и Џоли имаат уште три биолошки деца – 14-годишната Шајло и 11-годишните близнаци Вивиен и Нокс.
По бурниот развод во 2014 година, сите деца останаа да живеат со својата мајка и многу повеќе беа приврзани за неа.
Сепак, во последните две години 56-годишниот Бред се обидува да го надомести изгубеното време и да ја обнови врската со своите наследници. Додека другите деца го прифаќаат тоа и не кријат колку им недостига татко им, најстариот син Медокс одбива да стапи во контакт со Бред.
Минатата година 18-годишниот Медокс отиде да студира во Јужна Кореја, а на аеродромот го испрати неговата позната мајка – Анџелина. Медиумите пишуваат дека Медокс и Бред не биле во контакт со години, тие не се гледаат ниту, пак, разговараат на телефон.
Во меѓувреме, 16-годишниот Пакс исто така престана да комуницира со својот татко јасно покажувајќи на чија страна е.
Неодамна, Бред беше фатен како го напушта домот на Анџелина, а странските медиуми објавија дека сопружниците ги олабавиле затегнатите односи во корист на своите деца и дека ќе се трудат да одржат пристоен однос за да ги одгледуваат заедно своите наследници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Уште еден топол ден и уште една жешка фотографија од познатата актерка

Британската актерка и модел Елизабет Харли (60) ужива во уште една летна сезона.
Освен што гордо ги покажува новите дизајни на бикини од нејзината лична колекција костими за капење, ова лето таа гордо го покажува и својот емотивен партнер – музичарот Били Реј Сајрус.
Сега, по којзнае кој пат, таа ја искористи можноста да се огласи преку Инстаграм и, како и обично, објави атрактивна фотографија.
Убавицата носи едноделен костим за капење со „анимал“ принт, кој е вистински хит меѓу жените оваа сезона.
Интересен е и детаљот во пределот на градите, златниот ланец кој го нагласува деколтето на актерката.
Беше забележлива блескавата насмевка што им ја подари на своите обожаватели на социјалните мрежи, како и очилата како совршен додаток на овој летен стајлинг.
Забава
(Фото) Совршени летни фризури за жени над 60 години

Модерни, лесни и едноставни за одржување – ова се фризурите што дефинитивно ги посакувате оваа сезона.
Барате совршена фризура за жешките летни денови? Еве некои од најатрактивните и најпопуларните, кои се особено добри за жени со тркалезно лице. Важно е како ќе ја стилизирате: изберете лелеави, слоевити и разиграни текстури.
Совршени летни фризури за жени над 60 години: Топ 7 најатрактивни
1. Пикси
Безвременската пикси фризура е класика меѓу најподмладувачките фризури. Идеална е за тркалезни лица, бидејќи обезбедува волумен на врвот на главата, додека страните се мазно исечени, што визуелно го стеснува лицето. За уште подобар ефект, оставете го челото откриено и додадете лесни слоеви со движење на темето.
2. Боб
Боб фризурата е секогаш во мода, но за тркалезни лица изгледа подобро ако е малку подолга од линијата на брадата. Ова го избегнува нагласувањето на ширината на лицето. Во комбинација со странична разделба што додава волумен на врвот, дополнително го издолжува лицето.
3. Долг боб со долги слоеви
Оваа подолга верзија на боб совршено ги издолжува цртите на лицето. Долгите слоеви од средината на косата до краевите додаваат текстура и движење, без да додаваат волумен на страните. Лесен е за стилизирање и благодарение на малку постепената форма, дава многу подмладувачки ефект.
4. Микро-пикси
Посмел избор, но исклучително ефикасен за жени кои сакаат визуелно да го издолжат своето лице. Совет од експерт: Избегнувајте строго залижан стил, особено ако имате многу светло руса, сива или црна коса, бидејќи тоа може да додаде години на вашиот изглед. Наместо тоа, одлучете се за текстуриран и разбушавен изглед за свеж и модерен ефект.
5. Бикси за кадрава коса
Совршена комбинација од боб и пикси, бикси за кадрава коса ја одржува должината под брадата, визуелно издолжувајќи го лицето. Кадриците природно додаваат движење и волумен на фризурата, придонесувајќи за помлад изглед без премногу напор.
6. „Шеги“ Боб
Смела комбинација од класичен боб и разбушавена фризура. Пократките слоеви создаваат волумен, додека краевите остануваат меки и лесни. Идеално за жени кои сакаат динамичен изглед и зголемен волумен.
7. Асиметрична бикси
Оваа верзија на Бикси е за права или малку текстурирана коса. Асиметријата е во тренд – едниот дел е подолг од другиот, а аголните шишки што се протегаат преку челото помагаат да се истенчи лицето и да изгледа помладо. Дополнителен бонус? Лесна е за одржување и не бара многу стилизирање.
Забава
„Мали ноќни разговори“: Северина ги разнежни своите обожаватели, покажа како ја поминува вечерта

Северина објави серија фотографии на Инстаграм на кои покажа во чие друштво ја поминува вечерта, а фотографиите ги разнежни нејзините следбеници.
Имено, друштво ѝ правеше слатко куче, пудлица која спиеше во нејзиниот скут. Пејачката сподели фотографии на кои позира во опуштена домашна облека и без шминка на лицето.
„Мали ноќни разговори“, напиша таа со објава која го привлече вниманието на нејзините следбеници. „О, мед“, „Одлични се. Пудлиците се прекрасни души“, „Душо“ и „Слатки“, се само дел од коментарите од обожавателите.