MSCHF, компанија со седиште во Бруклин, на пазарот пушти во продажба патики кои ги нарече Jesus shoes (Патиките на Исус), кои и покрај високата цена на продажба од 3.000 долари, се распродадоа за рекордно време.

Станува збор за преработена верзија на патиките Најк Air Max 97s со христијански симболи – крст и света вода. Тие имаат света вода од реката Јордан и се осветени од свештеник, пишуваат медиумите. Крстот, пак, е ставен врвките на десната патика.

Патиките имаат и мирис на темјан, еден од подароците што тројцата свети кралеви му ги донеле на Исус кога се родил.

Туристи кои како дел од својата тура патувале кон одморалиштето Балито во Јужна Африка биле изненадени кога на нивниот пат се појавила џиновска змија.

Медиумите јавија дека огромен јужноафрикански питон запрел неколку автомобили што се движеле кон Мозамбик.

Веднаш штом возилата запреле, змијата се сoкрила под чамец кој бил нa еден од автомобилите.

Кога туристите се обиделе да ја повлечат змијата од под чамецот со лесно влечење за опашката, таа се качила на џип во кој имало луѓе, по што настанала општа паника, а ситуацијата е регистрирана и на видеозапис.

Зебрата што избега од циркус во Германија е застрелана на автопат кога предизвикала сообраќајни незгоди и материјална штета, потврди полицијата во средата.

Два зебри избегале од циркусот во близина на североисточниот град Тесин во средата наутро. Едната била безбедно фатена, но другата побегнала и по неа се трагало неколку часа. Таа била забележана на автопат околу 8 часот изутрината предизвикувајќи сообраќајна незгода меѓу два автомобила што се движеле еден до друг.

Никој – вклучувајќи ја и зебрата – не бил повреден во несреќата, но автопатот бил привремено затворен, соопшти полицијата. Бегството на зебрата ја кренало полицијата на нозе.

Полицијата твитна предупредување до возачите дека има зебра на автопатот и да внимаат при возењето.

#Achtung, freilaufendes #Zebra behindert im Bereich Tessin/ Sanitz den Verkehr.

▶️Auf der A 20 gab es bereits einen Unfall.
▶️Auch ein Streifenwagen wurde beschädigt.

Besondere Vorsicht rund um die A 20, ASS Tessin. Zuletzt wurde das Zebra auf der K 24 gesehen.

— Polizeipräsidium Rostock (@Polizei_PP_ROS) October 2, 2019

Тие се обиделе да ја фатат зебрата, но таа почнала да бега, при што оштетила едно возило кога се качила на хаубата. Оштетено било и патролно возило на полицијата, а еден полицаец е полесно повреден.

Зебрата била бркана до околната ледина, бил повикан и нејзиниот тренер од зоолошката градина за да ја фати, но безуспешно. На крајот била повикана Единицата за итни случаи за спасување животни по што зебрата била застрелана.

Неколкумина го коментираа твитот на полицијата прашувајќи зошто зебрата не била успиена наместо да биде убиена.

„Точните околности за пукањето сè уште се испитуваат“, се вели во соопштението за полицијата.