Бизарно
(Видео) Руски попови од авион прскаа со света вода за да го спасат градот од блуд и разврат

Православни свештеници од руската федерална област Твер на необичен начин се обидоа да ја спасат својата заедница од гревови како што се консумација на алкохол и разврат. Тие се качиле во авионот и врз градот истурале света вода со цел да го прочистат од зли духови.
Попот Александар Горјачев и уште двајца членови на Руската православна црква необичниот воздушен благослов го извршиле минатата среда, во спомен на рускот ден на трезвеноста.
Тие се качиле во мал авион и со себе понеле 70 литри света вода што ја истуриле врз градот. За осветената вода велат дека ќе им помогне на луѓето со зависност од алкохол и дрога.
Локалните медиуми пренесуваат дека во авионот, заедоно со свештениците, била и брачна двојка која тврди дека сопругот на чудесен начин се излекувал од алкохолизам.
„Секоја болест доаѓа од вирус, а вирусот е демон. Затоа, секоја болест пред се е и духовна болест“, изјавил отецот Горјачев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Бизарно
(Видео) Разводнување на почвата – необичен феномен по земјотресот во Хрватска

По земјотресот во Хрватска, беше снимен необичен феномен, при што земјата распука и почвата стана течна.
Разорниот земјотрес со јачина од 6,2 степени според Рихтеровата скала вчера ја погоди областа Петриња во Хрватска, а се почувствува и во соседните земји.
Покрај Петриња, кој е во урнатини, и Сисак беше оштетен од потресите во низа.
Вчера во тој град беше снимено видео што покажува необичен феномен на разводнување на почвата, што се случува за време на силни земјотреси, пренесува „Новости“.
На снимката може да се забележат исплашени мештани, кои стојат на отворено, додека во земјата се отвораат пукнатини под нивните нозе и почвата станува течна.
Иако на неупатените им се чини дека можеби се излеала канализацијата, всушност, механичките својства на почвата се менуваат, при што таа ја губи својата цврстина и станува течна.
Овој феномен настанува поради попуштање на сврзаноста меѓу честичките на почвата, а е предизвикан од зголемениот притисок предизвикан од земјотресот.
Феноменот е познат подолго време, особено неговиот негативен ефект, кога почвата целосно ги губи својата издржливост и капацитетот на носивост.
Во 1964 година, по земјотресите во Јапонија и на Алјаска, деструктивниот ефект бил забележан од сеизмолози и градежни инженери.
Бизарно
Селото со најбезобразно име повторно цел на крадци

Веднаш по објавата на веста дека властите на селото „Факинг“ во Австрија, донеле одлука да го променат името во „Фугинг“, таблата со името на местото повторно е цел на крадци.
Ловците на сувенири ја искористиле можноста, пред да биде променето името од 1 јануари, ја украле таблата со називот „Факинг“, кое има свое значење на англиски јазик, поради што ова место во Австрија стана познато ширум светот.
Некои крадци, кои допатувале од соседна Германија, биле фатени на дело.
На порталите за продажба преку интернет се појавиле понуди за таблата со името на местото „Факинг“, за која се бара 2.499 евра. Откако лицето што ја поставило понудата, било навредувано од многумина и барале од него да го повлече огласот, соопштено е дека се работи за копија на знакот тежок 4,5 килограми, изработен во Виена.
Бизарно
Тројца тинејџери се заглавиле во сушална за алишта – ги извлекле пожарникари

Пожарникари спасија тројца тинејџери кои се заглавиле во индустриска машина за сушење алишта, додека си играле во напуштената перална во округот Есекс, кој се наоѓа северо-источно од Лондон.
Службата за пожар и спасување била повикана во напуштената перална во петокот, откако тројца тинејџери влегле во машината.
Двајца веќе биле во сушалната кога третиот се „заглавил во вратата“ додека ползел, објавија спасувачките служби.
Шефот на противпожарната служба, Глен Џексон рекол дека тимовите морале да помогнат на третото момче да влезе во машината пред да ја отстранат вратата и да ги ослободат сите тројца.
„ Користевме цела низа опрема за да го ослободиме зглобот на жртвата и да му дозволиме да ползи во машината“, рекол тој.
Потоа пожарникарите успеале да ја поместат вратата и да ги ослободат сите тројца тинејџери, кои потоа ги презела брзата помош.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира