Забава
„Д фестивал“ и официјално избран меѓу топ-10 најдобри фестивали во Европа
„Д фестивал“, водечкиот летен фестивал во Македонија, е официјално избран меѓу топ-10 најдобри фестивали во Европа за претстојните Европски фестивалски награди (European Festival Awards 2025), најпрестижното признание на европската фестивалска индустрија.
„По завршувањето на јавниот избор во кој за номинираните фестивали гласаше публиката од цела Европа, нашиот фестивал влезе во потесната листа на 20 најдобри, а потоа, по гласовите на меѓународно жири, составено од водечки експерти од музичката индустрија,’Д фестивал’ се пласира и во финалниот shortlist на најдобрите 10 фестивали во својата категорија – историски успех и огромно признание за македонската независна фестивалска сцена“.
Според европските стандарди за музички фестивали, „Д фестивал“ е во најтесниот избор во категоријата „Најдобар мал европски фестивал“, односно со капацитет 10.000 посетители дневно, а во финалето е заедно со фестивали од Швајцарија, Данска, Италија, Холандија, Романија, Бугарија и Србија.
„Д фестивал“ влегува во финалето со најдобрите во 2025 како единствен настан од Македонија, а во децениската историјата на фестивалските „оскари“ тој е втор македонски фестивал што успеал да се искачи до листата на 10 најдобри по „Таксират“, кој се запиша во оваа селекција со своите изданија во 2016 и 2022 година.
Пласманот, како што велат од организацијата, меѓу најдобрите фестивали во Европа претставува силна меѓународна валидација за долгогодишната посветеност на фестивалот – за уникатниот програмски концепт, продукција, уметничката програма, доживувањето за посетителите и развојот и брендирањето на нови локациски идентитети.
Победниците во секоја категорија ќе бидат објавени на официјалната церемонија на Европските фестивалски награди, што ќе се одржи на 14 јануари 2026 година во Гронинген, Холандија.
„’Д фестивал’, основан во 2011 година, е препознатлив како единствениот open-air фестивал во Македонија, кој се одржува секоја година со тридневна мултидимензионална програма. Фестивал што секоја година гради уникатна фестивалска заедница, посветена на слободниот креативен дух, инклузивноста и одржливите практики.
Годинава, сепак, останува забележана и како една од најтешките во историјата на фестивалот. Неколку месеци пред одржувањето на настанот трагедијата што ни се случи во Кочани остави длабока траума и трага врз целата музичка сцена и заедницата. По трагедијата во Кочани, ‘Д фестивал’ се посвети на хуманитарната мисија откажувајќи се целосно од приходот од влезниците и го донира во соработка со иницијативата Support Кочани. На хуманитарниот ‘Д фестивал’ оваа година во Штип настапија: Д систерс оф мерси, Соулфлај, Инер Сркл, Томи Кеш, Кирил Џајковски, Буч Кесиди, Мизар, Архангел, Фолтин, Прљаво казалиште, Љубојна, С.А.Р.С., Драган Мијалковски, Дина Јашари, Паркети, Пијан Славеј, Доуп Куќата и уште десетици други музички артисти од Македонија.
Следното издание на ‘Д фестивал’ веќе е закажано за 26-28 јуни во Штип, а објавен е и првиот хедлајнер – IDLES – британските панк-рок ѕвезди и моментно еден од најважните live-бендови во светот. Во зенитот на својата кариера пристигнуваат првпат кај нас! Во продажба се и првите влезници „Ран Корморан“, достапни на веб-страницата и на благајните на Мк тикетс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Прогласени 10-те победнички во националниот избор за “Жена на годината 2025” во Македонија
На свечена церемонија исполнета со инспиративна атмосфера и многу позитивна енергија денеска во Скопје се одржа прогласувањето на победничките во македонскиот избор за “Жена на годината 2025”.
Наградени беа вкупно 10 дами, кои со својот професионален и општествен ангажман секојдневно и во континуитет поставуваат високи стандарди на деловно и етичко однесување и оствариле забележителни резултати во годината што одминува.
Изборот за „Жена на годината“ започна со онлајн номинирање кое беше отворено за целата домашна јавност, при што беа поднесени вкупно 600 номинации. Од сите нив беше формирана листа на финалистки, по 5 во секоја категорија, за кои потоа гласаше жири-комисија составена од претставници на медиуми, образовни институции, организатори и соработници.
Лауреатот македонска Жена на годината 2025 го понесе Рисима Рисимкин, авангардна македонска кореографка за современ танц.
Во продолжение, следува листата со овогодинешните победнички во сите категории од изборот „Жена на годината 2025“:
1. Жена на годината – Рисима Рисимкин
2. Жена со трајни вредности – Индира Кастратовиќ
3. Жена менаџер на годината – Јелена Спасова
4. Жена со најголеми достигнувања во науката и технологијата – Венера Крлиу
5. Млада жена менаџер на годината (до 40 години) – Ениса Кадрии
6. Жена со најголеми достигнувања во културата – Наталија Теодосиева
7. Жена со најголеми достигнувања во спортот – Ангела Мојсовска
8. Жена со најголеми достигнувања за општеството – Моника Ризовска Таневска
9. Жена со најдобар стил – Наташа Петровска
10. Инфлуенсерка на годината – Миа Арабаџиевска (@mia.arabi)
Во конференцискиот дел на настанот, свои предавања одржаа: Павле Зимбаков, Сузанне Пазит Гева, Елена Бубало, Данчо Димков и Марина Анчевска . Организатори на „Жена на годината“ (www.zenanagodinata.mk) се Маркетинг365 и Касиа Евентс. Овогодишни покровители на настанот се: Империјал Тобако, Ананас, Фабу, Тиквеш, Енерџи Студио, Нескафе, Бизнис Академија Смилевски, Савекс, Семанта, Скопска Пивара и други.
Забава
Денешниот датум 12.12. е еден од најмоќните во годината – направете неколку симболични чекори за да ве следи среќа
Датумот 12.12. во нумерологијата се смета за еден од посилните во годината поради повторувањето на бројките и нивната симболика. Според нумеролозите, овој ден е поврзан со засилена интуиција, промени и завршување на еден животен циклус.
Бројот 12 симболизира транзиција – спој на индивидуалноста и иницијативата (1) со рамнотежата и партнерството (2). Нивниот збир дава број 3, кој се поврзува со креативност, комуникација и изразување. Кога датумот се повторува, како на 12.12., се верува дека оваа енергија е засилена.
Нумеролозите наведуваат дека 12.12. е погоден ден за донесување одлуки, затворање на стари ситуации и јасно дефинирање на насоката за наредниот период, особено пред крајот на годината. Денот се поврзува и со потребата за поставување граници, искрена комуникација и интроспекција.
При збир на целиот датум (1+2+1+2) се добива бројот 6, кој симболизира хармонија, дом, семејство и одговорност, поради што 12.12. често се поврзува со емотивна зрелост и приватниот живот.
Според нумеролошките и духовни толкувања, датумот 12.12. може да се искористи преку едноставни, симболични чекори кои не вклучуваат сложени ритуали. Простување и отпуштање – на хартија да се запишат работите што биле товар во текот на годината, а потоа безбедно да се уништи, со симболично „отпуштање“ на товарот. Јасна визуелизација – во 12:12 часот, со затворени очи, да се замисли една конкретна желба како веќе остварена, со фокус на чувството што таа го носи. Чин на добрина – да се направи нешто убаво за непозната личност, како симбол на давање и поврзаност.
Во текстот се споменува и т.н. „техника на огледало“, при која лицето гласно изговара позитивна порака пред огледало, што се толкува како психолошка поддршка за надминување на сомнежите и зајакнување на самодовербата.
Според овие толкувања, 12.12. се гледа како симболичен момент за носење одлуки и лична посветеност, без чекање на почетокот на новата година.
Забава
(Фото) Повторно облече проѕирна кошула и покажа сè: „Вистинска бомба“
Пејачката Дуа Липа секогаш наоѓа начин да привлече внимание, главно на социјалните мрежи. Покрај своите вокални способности, таа може да се пофали и со беспрекорен стил, а атрактивните, малку провокативни изданија се нејзин заштитен знак.
И се чини дека повторно играше на таа карта…
Неодамна објави компилација од жешки фотографии на Инстаграм, во различни пози. Сепак, вниманието го привлече нејзината облека, поточно, проѕирна маица со златни детали што откриваа „проблематичните“ делови од телото.
Липа намерно го оставила градникот дома и ги покажала своите атрибути.
Својот стајлинг го комплетираше со миди здолниште со интересен принт, чанта од кожа и крзно и преголеми златни обетки.
Што се однесува до фризурата, таа се одлучи за модерна, неуредна пунџа, како и шминка во земјени тонови што совршено го заокружија овој необичен моден изглед.
Следеа коментари на Инстаграм.
„Вистинска бомба“, „Прекрасна си“, „Ја обожавам таа кошула“, се само неколку…
ЕУ ја потврди одлуката за замрзнување на руските средства на неопределено време
Денес, Европската унија ја потврди одлуката за замрзнување на средствата на руските централни банки лоцирани во Европа на неопределено време....
Ѓорѓиевски: Скопје конечно добива Луна Парк
Градоначалникот на Град Скопје, Орце Ѓорѓиевски, денес ја најави долгоочекуваната реализација на проектот за новиот Луна Парк, значајна инвестиција што...
Советниците на ВМРО-ДПМНЕ со иницијатива до советите за документ дека ќе нема мигрантски кампови
Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во...
Двајца млади скопјани најдени починати – едниот во напуштена куќа во Центар, другиот во дом на пријател во Кисела Вода
Двајца скопјани на возраст од 25 и 36 години биле пронајдени починати во текот на изминатото деноноќие. Според информациите од...
Мал авион се урна во Мавровското Езеро, едно лице повредено
Мал авион денес се урна во Мавровското Езеро. Во авионот имало две лица, од кои едното е повредено, потврдија од...
(Видео) „Наместо студен камен, никнуваат дрвја што ќе растат“ – засадени 63 јавори во спомен на починатите во „Пулс“
Во Кочани се засадени 63 јавори, по еден за секој млад живот згаснат во пожарот во дискотеката „Пулс“. „Овој чин...
84-годишник се обидел да убие жена во хотел во Куманово, поведена истрага
Основното јавно обвинителство Куманово донесе Наредба за спроведување истражна постапка против едно лице поради обид да изврши кривично дело –...
Над 40 автошколи под сомнение дека договарале цени за обука
Постојат индиции дека 40 авто – школи во земјава договарале цените за обука на возачи. Комисијата за заштита на конкуренцијата...
Спасовски 3 месеци го кочел затворањето на станицата за технички преглед во Сарај и овозможил незаконски профит од 90.000 евра, ЈО да реагира, бара ВМРО-ДПМНЕ
„Оливер Спасовски овозможил противзаконско богатење на фирма во Сарај, со што фирмата се здобила со противправна имотна корист во висина...
Почината жена пронајдена во дупка во атарот на гостиварско Неготино: за едно осомничено лице одреден краткотраен притвор
Јавен обвинител од Основното јавно обвинителство Гостивар во текот на ноќта изврши увид во атарот на гостиварското село Неготино, каде...
СДСМ: Милошоски најавува мигранти за пари, ама со променет статус во економски работници
„Планот на ВМРО-ДПМНЕ за примање мигранти во Македонија е целосно разоткриен. И не се само пишувањата на британските и светските...
(Видео) Шефот на НАТО: „Ние сме следната цел на Русија, немаме време“; Москва одговори
Генералниот секретар на НАТО, Марк Руте, денес ги повика сојузниците да ги засилат одбранбените напори за да спречат војна што...
(Видео) Австралиец скокаше од авион, падобранот се заглави во опашката: драматичен инцидент на 4.500 метри
Австралиското биро за безбедност на сообраќајот (ATSB) објави снимка од падобранец чиј падобран се заплеткал во опашката на авионот среде...
(Видео) Убиецот на Чарли Кирк првпат се појави пред суд
Мажот обвинет за убиство на десничарскиот активист Чарли Кирк, 22-годишниот Тајлер Робинсон, се појави за прв пат лично на суд...
САД воведуваат нови санкции врз Венецуела, насочени кон внуците на Мадуро и нафтениот сектор
САД го зголемуваат притисокот врз Венецуела со нови санкции насочени кон тројца внуци на претседателот Николас Мадуро, меѓу другите. Двајца...
(Видео) Земјотрес со јачина од 6,7 степени ја погоди Јапонија, забележано слабо цунами: пристигнуваат снимки
Земјотрес со јачина од 6,7 степени ја погоди североисточна Јапонија, што ја натера Јапонската метеоролошка агенција да издаде предупредување за...
Трамп ја презеде контролата врз регулативата за вештачка интелигенција
Американскиот претседател Доналд Трамп потпиша извршна наредба насочена кон централизирање на регулирањето на вештачката интелигенција на федерално ниво за да...
Ѓорѓиевски најавува враќање на празничниот дух, на 15 декември почнуваат настаните на плоштад „Македонија“
На 15 декември почнуваат предновогодишните настани на плоштад „Македонија“. „Градот Скопје со радост најавува дека годинава празничниот дух повторно се...
„Јавноста бара одговори, а добива уште една сцена на политичка формалност“, велат од Блупринт групата за реформи во праводуството за комисијата за Кочани
Јавноста бара одговори, но наместо одговорност, добива уште една сцена на политичка формалност. Семејствата уште еднаш беа оставени да гледаат...
Муцунски: Оваа Влада ниту водела, ниту ќе води политика за прифаќање мигранти во каква било форма
Владата е целосно посветена на економскиот развој и на подобрување на квалитетот на живот на граѓаните. Градиме партнерства што носат...
