На официјалниот профил на музичката ѕвезда беше објавена фотографија од минатите времиња и нејзината дружба со колегите Тони Цетински, Масимо Савиќ и Дадо Топиќ. Овој убав спомен создаден во 1997 година пред концертната изведба на рок-операта „Губец-бег“ ги одушеви пејачите, но и нивните следбеници на социјалните мрежи.

„Време кога луѓето, едноставно, се сакаа, поддржуваа и се почитуваа меѓусебно. Благодарам, Јосипа Лисац. Прекрасно сеќавање на изведбата во живо на легендарната рок-опера ‘Губец-бег’“, напиша Тони Цетински кај кого оваа фотографија предизвика чувство на носталгија.

„Времето лета, (фото)спомените извираат. Благодарам за ова изненадување, Јосипа Лисац!“, ѝ порача Масимо Савиќ на својата сакана колешка Јосипа Лисац, една од најголемите хрватски уметници.

Иако за неа подолго време се шпекулира дека има направено многу пластични операции, оскаровката Џејн Фонда конечно го потврди тоа.

Осумдесетгодишната актерка Џејн Фонда, која е позната и како голем љубител на фитнесот, неодамна призна дека направила неколку пластични операции. Таа истакнала дека го направила тоа за да го ублажи уморниот изглед.

„Драго ми е дека изгледам добро за моите години, но имам пластични операции. Нема да лажам. Ми здодеа да личам како да сум постојано уморна, дури и кога не бев“, рекла Фонда.

Сепак, таа додала дека не е горда на тоа што го коригирала лицето на овој начин.

„Од една страна го мразам фактот што сакав физички да се сменам за да се чувствувам подобро. Би сакала да не е така. Сакам постари лица, лица кои се живи. Го сакам лицето на Ванеса Редгрејв. Би сакала да бев похрабра, но не сум“, рекла актерката.

Семејството на Оливер Драгојевиќ им се обрати на сите оние кои се обидуваат или можат да се обидат да заработат во име на легендата за хрватската музика.

„Семејството на покојниот г. Оливер со ова се обраќа до јавноста, како и до сите оние кои во негова чест сакаат да организираат какви било настани или неговото име и уметничка креативност да ги користат за свои потреби или потребите на нивните компании. Сакавме да обрнеме внимание на фактот дека според Законот за заштита на лични податоци, особено врз основа на Регулативата на Европската Унија бр. 2016/679 на Европскиот парламент и на Советот од 27 април 2016 година за заштита на поединците во однос на обработката на личните податоци и за слободното движење на тие податоци, секое неовластено користење и обработка на лични податоци се смета за незаконско”, соопштија во средата.

„Забележано е дека постои тенденција за користење на името на починатиот г. Оливер Драгојевиќ во различни комерцијални цели, што според цитираниот закон и прописите донесени од ЕУ е незаконски. Со оглед на одредбите од Законот за заштита на личните податоци, како и во алтернативните и одредбите од Законот за облигационите односи, Ве молиме личните информации од г. Оливер Драгојевиќ, особено вклучувајќи го неговото име, да не ги користите за целите на промоција, маркетинг, концерти, изложби и други слични настани, без претходна писмена согласност од неговото семејство”, се вели во понатамошниот текст.

Во случај на неовластено користење на лични податоци, особено името на г. Оливер Драгојевиќ, заради стекнување имотна корист, врз основа на одредбите од Законот и други прописи, ќе бидеме принудени да преземеме соодветни постапки за заштита на личните права и надомест на штета без никаква најава или предупредувања”, беше заклучено.