Забава
„Исусе! Што?!“ – Викторија Бекам ја вознемири прашањето дали е подготвена да стане баба
Изгледа дека Викторија Бекам (49) се уште не e подготвена да стане баба. Таа се вознемири кога ја прашаа дали е подготвена за внуци на недамнешното интервју за подкастот на магазинот Vogue.
За време на интервјуто, Викторија одговори на многу прашања на водителката во врска со работата и семејството. Викторија сподели како таа и Дејвид бараат еден од нив да остане дома со Харпер.
Со оглед на тоа што има три возрасни сина, новинарката ја праша како Викторија се справува со тоа, дали им дава совети за нивниот емотивен живот, дизајнерката рече дека се грижи таа да е тука за нив и дека клучот е во комуникацијата. И тогаш точно во 7:10 часот се појави прашањето дали е подготвена да стане баба. што всушност покажа како Викторија се чувствува за тоа.
„Исусе! Што?! Мислам дека сè уште не се случува, освен ако не знаеш нешто што јас не знам, сè уште нема такво нешто“, рече таа.
Инаку, најстариот син на поранешната музичарка и дизајнерка и нејзиниот сопруг Дејвид Бекам, Бруклин, е во брак со актерката Никола Пелц (29) од април 2022 година. По венчавката тогаш 24-годишникот изјавил дека би сакал да стане татко и има десет деца со сопругата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Спектакуларно затворање на Денови на општина Ѓорче Петров
Со спектакуларен концерт заврши одбележувањето на „Денови на Општина Ѓорче Петров“.
Преубава атмосфера на завршувањето на Денови на Општина Ѓорче Петров во реонскиот парк на вчерашните настани кои траеја до доцните вечерни часови. Позитивна енергија, одлична музика и насмеани лица го собраа сиот позитивен импулс од настапите на Даниел Дан, Мијата, Куку Леле и Паркети. Сите изведувачи, од Даниел Дан и Мијата до Куку Леле и Паркети, ја креираа незаборавната атмосфера, исполнета со енергични настапи и хитови кои ги разиграа присутните, претворајќи го концертот во спектакл што долго ќе се памети.
На овој вечерен концерт му претходеа неколку дневни настани кои започнаа со детскиот фестивал „Поточиња“, „Баскерфест“ и караванот „Македонијо во срце те носиме“. На радост на најмалите, Детскиот фестивал „Поточиња“ на отворената сцена собра најмногу симпатии и љубопитни погледи кај дечињата кои во еден глас како химна ги пееја сите фестивалски хитови. Познатиот уличен фестивал „Баскерфест“ го раздвижи платото пред корзото и го преполни реонскиот парк. Жонглери, кловнови и многу други интересни содржини приредија вистинско шоу за сите генерации.
Ѓорчепетровци уживаа во македонските музички бисери во интерпретација на македонските доајени Миле Кузмановски, Наум Петрески, Ламбе Алабаковски, Бојана Скендеровски и Мина Блажев, кои преку најубавите македонски мелодии оставија музички аманет да го зачуваме највредното што ни го оставиле генерации пред нас.
„Многу народ на едно место и програма за сите генерации, паркот беше центар на културно-забавни збиднувања каде имаше само позитивни вибрации, добра македонска музика и детски насмевки. Во изминатиот месец одржавме многу настани од областа на културата, забавата и спортот, кои беа посетени со публика од сите генерации и пренесоа порака дека на Ѓорче му недостигаат вакви настани. Општина Ѓорче како досега, ќе работи на уште поголемо подигнување на квалитетот на културата и спортот и ќе биде центар на вакви случувања во иднина“, велат од општината.
Забава
(Видео) Касандра се врати на Балканот
Колумбиската актерка Кораима Торес, позната по улогата на Касандра во истоимената хит-серија, вчера пристигна на аеродромот „Никола Тесла“ во Белград. Торес во Србија доаѓа работно. Ќе ѝ се приклучи на актерската екипа на српската серија „Игра на судбината“ и ќе ја игра една од главните улоги.
Среќна сум и возбудена, рекла актерката, која на насобраните им праќала бакнежи и додала дека Србија има посебно место во нејзиното срце.
View this post on Instagram
За време на прикажувањето на латиноамериканската теленовела, со која стекна огромна популарност, Торес заедно со колегата Хенри Сото, кој го играше ликот на Ранду, го посети Балканот. Меѓу другото, во 1998 година имаа турнеја во Македонија, каде што се сретнаа со фановите во Скопје, Охрид и во Битола.
Забава
Новата мис на Турција исмеана поради нејзиниот изглед: „Ако таа е мис, тогаш можам да се кандидирам за претседател“
24-годишната Идил Билген е новата мис на Турција и ќе ја претставува својата земја на изборот за мис на светот, кој ќе се одржи на почетокот на 2025 година.
View this post on Instagram
По победата на натпреварот, нејзините фотографии се проширија на социјалните мрежи. Многумина во коментарите напишаа дека Идил не заслужува да победи и дека изборите биле наместени, а троловите ја исмеваат поради нејзиниот изглед.
View this post on Instagram
„Сестро, можеш да продолжиш да мислиш дека си убава, цела Турција ја знае вистината“, „Ако таа е мис, тогаш можам да се кандидирам за претседател“, „Навистина не сакаме таа да нè претставува на светскиот натпревар“ , „Извинете, но подобро да земевте девојка од улица“, „По сите критики, почнаа да ја фотошопираат“, „Само излезете на улица, првата девојка што ќе ја видите ќе биде поубава од неа“, се нижат коментарите на „Инстаграм“.