Познатата пејачка Селин Дион објави дека боледува од ретка невролошка болест – Синдром на вкочанета личност. Таа веќе некое време страда од мускулни контракции, поради што ѝ е отежнато безбедното стоење или движење. Поради ова пејачката откажа бројни турнеи и сега реши да им се обрати на своите фанови ширум светот.

Селин објави видео на својот профил на Инстаграм и откри дека боледува од ретка невролошка болест која погодува еден човек од милион луѓе во светот.

„Поздрав на сите. Извинете што ми требаше толку долго да се вратам кај вас. Многу ми недостигате сите и едвај чекам да разговарам со вас на сцената. Не бев подготвена да кажам што било претходно, но сега сум подготвена. Имам здравствени проблеми долго време и ми беше многу тешко да се соочам со предизвиците и да зборувам за сето она низ кое поминував“, започна пејачката и додаде:

„Неодамна ми беше дијагностицирана ретка невролошка болест наречена „Синдром на вкочанета личност“, која погодува еден човек од милион луѓе. Иако сè уште учиме за оваа ретка болест, сега знаеме што ги предизвикува грчевите што ги имав“ рече таа.

Селин Дион истакна дека откажала осум концерти закажани за летото 2023 година.

Оваа болест се карактеризира со вкочанетост на мускулите во телото и зголемена чувствителност на бучава, допир и емоционален стрес. Тоа предизвикува грчеви во мускулите, како што објасни ПР тимот на пејачката во соопштението.

Селин во последно време страда од мускулни контракции, поради што не може нормално и безбедно да се движи низ сцената. Бидејќи е во рацете на експерти, веруваме дека наскоро ќе се опорави и ќе се врати на она што најмногу го сака – концертите, беше речено.

Најтешката форма на болеста резултира со целосна блокада на движењето и ги оневозможува моторните вештини и говорот. Не постои лек, но има третмани кои можат да ја забават прогресијата на болеста.

Актерот Дензел Вашингтон е познат по улогите во хит филмови како „Малколм Икс“, „Филаделфија“, „Праведникот“, „Ден за обука“, но има една улога за која жали што ја одбил.

Вашингтон откри дека жали што ја одбил главната улога во филмот „Седум“, која му беше доделена на Бред Пит.

„Ми понудија улога во „Седум“. Ја одбив. Бред Пит заврши како главен актер во тој филм. Навистина погрешив со тоа. Има доволно улоги за мене и се чини дека тие се појавуваат доволно редовно. Откако го освоив Оскарот, добивам повеќе понуди иако меѓу нив има многу ѓубре. Секогаш е тешко да се најде добар материјал“, додаде тој.

Оскаровецот моментално го снима третиот дел од филмот „Праведниците“, кој треба да излезе во септември следната година.

Неколку пати во годината на социјалните мрежи почнува да кружи кастинг листата за култниот филм на Квентин Тарантино, Pulp Fiction („Евтини приказни“). И секоја година оваа листа станува вирална.

„Мојот список со желби за екипата на ‘Евтини приказни’ кружи на интернет. Не знаев точно кого сакам за оваа или онаа улога, па направив огромен список со еден куп имиња”, рече тој во поткаст, додавајќи дека единствено сакал имињата да бидат одобрени.

Списокот содржи имиња на актери кои Тарантино ги имал предвид за одредени улоги во филмот, од фаворити до втор и трет избор, а на фановите едно име им паднало в очи.

Џони Деп бил на кастинг листата за улогата на Пампкин, но како втор избор. Миленик на Тарантино од самиот почеток бил Тим Рот, кој на крајот ја доби улогата.

Интересно, Тарантино откри во поткастот дека Деп не бил неговиот прв, па дури ни втор избор (тоа бил Кристијан Слејтер), но неговото име го форсирале од раководството на студиото.

Деп бил причина за конфликт меѓу Тарантино и коосновачот на „Орион пикчрс“ и поранешен директор на „Тристар пикчрс“, Мајк Медавој, кој не сакал да го одобри снимањето.

Интересно е тоа што Тарантино сметал дека Деп нема да биде доволно профитабилен, па го прашал Медавој: „Со Џони Деп во улога на Пампкин во овој филм, во воведната и завршната сцена, мислиш ли дека ќе заработи пари на благајните? Тој во тоа улога?“

Медавој одговорил: „Нема да заработи ниту цент, но ќе ме направи среќен“.

На крајот, Тарантино успеа во својата визија. „Мирамакс“ го презеде филмот, а Тим Рот ја доби улогата.