Забава
Младите Максим Цониќ и Ева Јакимовска македонски претставници на проектот „Фудбал за пријателство“ во Москва
Деца од 211 земји и региони од целиот свет ќе пристигнат во Москва на 8 јуни (петок) како дел од 6. сезона на меѓународниот општествено-одговорен проект наменет за деца – „Фудбал за пријателство“.
За прв пат реализиран во 2013 година од страна на компанијата „Газпром“, водечки партнер на ФИФА, УЕФА и Светското првенство во фудбал Русија 2018, овој проект кој промовира мир, пријателство, еднаквост и здрав начин на живот, годинава во Москва ќе обедини рекорден број претставници од целиот свет и околу илјада деца.
Покрај официјалната поддршка од страна на ФИФА, УЕФА, Меѓународниот Олимписки Комитет и Обединетите Нации, голем број светски асови, тренери, ТВ ѕвезди, уметници и фудбалски легенди, како Франц Бекенбауер, Дидије Дрогба, Марк Ван Бастен, Мишел Салгадо, Дирк Кајт, Виктор Баија, Бранислав Ивановиќ и Јуриј Лодигин, лично придонесоа за глобалната популарност на проектот „Фудбал за пријателство“.
Претставници од Македонија годинава ќе бидат дванаесетгодишните млади амбасадори – Максим Цониќ, фудбалер од подмладокот на ФК „Вардар“ и Ева Јакимовска, млада новинарка која ќе известува за настаните кои ќе се случуваат во Русија.
„Се радуваме на можноста да патуваме во Русија, да запознаеме и да другаруваме со голем број на деца од целиот свет како дел од интересните активности кои ни претстојат во рамки на програмата ‘Фудбал за пријателствo’ во Москва“, изјавија Ева и Максим, најавувајќи го нивното патување во Русија.
Завршната манифестација на годинешната програма, која ќе се одржи пред самиот почеток на Светското Првенство, ќе ги обедини во Москва децата и останатите учесници кои ќе бидат дел од предвидените активности: меѓународен турнир во мешани детски тимови на Пријателството, Меѓународен детски прес-центар од кој ќе известуваат младите новинари, школа за деветте клучни вредности на проектот и меѓународен форум “Фудбал за пријателство“.
Воедно, последната вечер од престојот во Русија, сите деца и возрасни кои се официјални учесници во проектот ќе присуствуваат на церемонијата по повод отварањето на Светското првенство и првиот фудбалски натпревар помеѓу репрезентациите на Русија и Саудиска Арабија.
Покрај основните цели на проектот – развој на младинскиот фудбал, промовирање на толеранцијата и почитувањето на различните култури и националности помеѓу деца од различни земји, оваа година е покрената и засебна глобална Еколошка иницијатива – со цел да се заштитат ретките животински видови како амурскиот тигар, црвената панда, балтичката фока, големиот смоквин папагал и лемурот со црвено крзно.
Како најава на почетокот на финалните активности за оваа сезона на проектот, во Центарот на Фудбалската Федерација на Русија официјално беше претставен и Купот на деветте вредности – единствен трофеј во спортот кој со гласање го доделуваат деца од целиот свет. Овој трофеј ги слави основните вредности на „Фудбал за пријателство“ – еднаквост, пријателство, фер игра, здравје, мир, посветеност, победа, традиција и чест.
Претставен во присуство на Потпретседателот на Фудбалската Федерација на Русија, Никита Симонјан и останатите високи функционери на Федерацијата и Светското Првенство, овој неверојатен трофеј – дело на славниот германски вајар Ахима Рипингер – ќе биде доделен на една од 32. репрезентации за која ќе гласаат децата учесници во проектот „Фудбал за пријателство“. Трофејот ќе биде изложен во Музејот на Фудбалот на Руската Федерација од почетокот на јуни, а тимот на кој ќе му биде доделен ќе биде прогласен на завршната церемонија во рамки на Меѓународниот Детски Форум, кој ќе се одржи на 13 јуни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) „Дознав дека сум бремена на 44 години – и доживеав нервен слом“
Познатата актерка Клер Дејнс (46) не крие дека доживеала „емотивен слом“ кога дознала дека е бремена по трет пат. Актерката ја роди својата ќерка Шеј во 2023 година, но неодамна се сети колку била во паника на почетокот.
Клер гостуваше во подкастот „Good Hang“ и зборуваше за своите искуства, вклучувајќи ја и бременоста.
„Го повикав гинекологот во солзи, тоа беше чист нервен слом. Не планиравме ништо од ова, имав 44 години и мислев дека е физички невозможно“, рекла актерката.
За да биде уште почудно, на Клер не ѝ било толку лесно да ги добие своите два сина, кои имаат 13 и 7 години, па затоа мислела дека природното зачнување во петтата деценија не е можно за неа.
„Многу се мачев со мојот втор син, имав два циклуса на ин витро оплодување. Одеднаш почувствував чудно чувство на срам, како да ми беше забрането да имам секс. Беше лудо“, искрено рекла таа.
Сепак, Клер брзо се адаптира и сега ужива во тоа што е мајка на три деца, секое во различна фаза од својот живот.
„Постои околу петгодишна разлика помеѓу секое дете. Тоа е доста тешко патување, имам тинејџер и мало дете“, додаде таа.
Забава
Плачат без причина: Овие хороскопски знаци знаат само за солзи
Чувствителноста се покажува многу отворено кај некои луѓе, честопати преку солзи што доаѓаат побрзо отколку што би сакале.
Не станува збор секогаш за големи проблеми, туку за мали нешта што емоционално ги преоптоваруваат. Сè што е потребно е погрешен збор, погрешен тон или лош ден за емоциите да излезат од контрола. Ваквите реакции не се нужно знак на слабост, туку на интензивно доживување на сè околу нив.
Според астрологијата, луѓето родени под овие хороскопски знаци најчесто плачат за работи што им изгледаат незначителни на другите.
Рак
Луѓето родени под овој знак плачат за мали нешта речиси рефлексивно. Доволно е некој да заборави да испрати порака, да ги погледне на погрешен начин или да каже нешто без размислување. Тие сè сфаќаат лично и ретко успеваат рационално да ги одвојат своите емоции од ситуацијата. Солзите често им доаѓаат сами, дури и кога се свесни дека претеруваат. После тоа, се чувствуваат полесно, но дотогаш нивните емоции веќе ја презеле контролата.
Риби
Луѓето родени под овој знак може да плачат поради песна, филм, туѓа приказна или лоша атмосфера во собата. Нивните солзи честопати немаат специфична причина, туку доаѓаат од внатрешен емоционален вишок. Малите нешта што другите едвај ги забележуваат предизвикуваат силна реакција кај нив. Честопати тие самите не можат да објаснат зошто плачат, само знаат дека нешто ги погодило. Нивните емоции брзо ја преминуваат границата на рационалноста.
Вага
Луѓето родени под овој знак плачат кога е нарушен мирот, дури и ако станува збор за банална ситуација. Ситна расправија, нечиј ладен коментар или чувството дека не им угодиле на сите е доволен поттик. Тешко се справуваат со непријатните емоции и честопати не можат да ги обработат без солзи. Плачат дури и за работи што никогаш нема да се случат, но ги замислуваат како вистинска закана. Нивните солзи најчесто се резултат на внатрешен немир, а не на вистински проблем.
Забава
Најпопуларните бои за нокти за 2026 година: Пет нијанси што сите ќе ги бараат оваа година
Трендовите во бојата на ноктите повеќе не се само естетски каприц – тие стануваат мал ритуал на смиреност, суптилен моден потпис, детаљ што многу зборува за стилот – со други зборови, нови трендови за убавина.
Овогодинешната палета совршено ја балансира ненаметливата елеганција и силниот карактер, комбинирајќи безвременска софистицираност со модерна, урбана атмосфера.
Според експертите, овие пет нијанси ќе доминираат во салоните во текот на целата година.
Cloud Dancer
Уште пред официјално да започне 2026 година, Pantone јасно стави до знаење каде се насочени трендовите. Cloud Dancer, совршено избалансирана, млечно-бела нијанса, ја симболизира потребата за мир и нови почетоци во свет што не познава пауза.
Оваа нежна, речиси етерична бела боја веќе ја освои и модната и козметичката сцена – само погледнете го маникирот на Кендал Џенер, која прва го носеше, а цела армија вљубеници во трендот ја следеа. Минимализам што изгледа луксузно, без никаков напор.
Milk Chocolate
Елегантно и апсолутно безвременско – кафеавата боја останува безвременски класик. Во 2026 година, фокусот е на кремасти, посветли нијанси кои потсетуваат на млечно чоколадо.
Иако традиционално се поврзуваат со есен и зима, професионалците предвидуваат дека овие „чоколадни“ тонови ќе се видат и во лето, како помека, потопла и помалку драматична алтернатива на црната.
Carbon Black
Тешко е да се каже дека црните нокти некогаш излегле од мода, но оваа година се враќаат со уште поголем интензитет.
Се очекува црните маникири да бидат барани во текот на целата година – можеби поради нивниот „остра“ природа, можеби како одговор на долгогодишната доминација на млечните и неутралните нијанси. Во секој случај, пораката е јасна: црната се врати. Црната покажува самодоверба, без компромис.
Cool Blue
Според Pinterest Predicts, ладно сината е бараната нијанса на 2026 година – боја која лесно би можела да ја симне бордо нијансата од тронот.
Оваа ладна, чиста сина боја изгледа софистицирано, но во исто време и модерно и свежо. „Ледените“ тонови ја освојуваат и модата и убавината, а најлесниот начин да се вклучите во трендот е со бебешки, прашлив или ледено син маникир кој веднаш го воздигнува секој аутфит.
Sage Green
Позната и како millennial green, sage green е пригушена, светло зелена нијанса што потсетува на лисја од жалфија. Оваа боја совршено се вклопува во поширокиот тренд на внесување смирувачки, природни тонови во секојдневниот живот. Дискретна, но ефикасна, идеална е за оние кои сакаат нешто различно, а сепак да бидат софистицирани и ненаметливи.
Ако овие нијанси се нешто што треба да се земе предвид, 2026 година ќе донесе маникири кои не се само убави за гледање, туку и вистинско мало ремек-дело на стилот – тивки, луксузни и совршено во согласност со модерното темпо на живот.
Кривична пријава за „даночно затајување“ против фирма од Струмица и двајца управители
СВР Струмица до Основното јавно обвинителство Струмица поднесе кривична пријава против правно лице од Струмица, В.Ј. (35) и С.П. (44),...
Граѓаните да ги ажурираат своите податоци за „Безбеден град“ на посебниот шалтер во МТВ или во станиците за технички преглед
Министерството за внатрешни работи ги потсетува граѓаните дека на посебниот шалтер во Одделот за граѓански работи, во зградата на МТВ...
Америка сериозно размислува за напади врз Иран, има неколку опции, објави Ројтерс
Американскиот претседател Доналд Трамп разгледува опции против Иран, кои вклучуваат целни напади врз безбедносните сили и нивните водачи за поттикнување...
(Видео) Агентите на Служба за имиграција добија нови инструкции по смртта на двајца Американци: „Избегнувајте контакт“
Агентите на американската Служба за имиграција и царина (ICE) во среда добија нови инструкции да избегнуваат контакт со „агитатори“ додека...
(Видео) Откриено каква течност е употребена за напад врз американската конгресменка
Еден маж е уапсен откако ја испрскал американската конгресменка Илхан Омар со течност за која подоцна се утврдило дека е...
Мерц: Влезот на Украина во ЕУ во 2027 година не доаѓа предвид, тоа не е можно
Германскиот канцелар Фридрих Мерц изјави дека пристапувањето на Украина во Европската Унија во блиска иднина не е можно. „Пристапувањето на...
Индија ги намалува царините за увоз за европски луксузни автомобили
Индија веднаш ќе ги намали царините за луксузни европски автомобили од 110 проценти на 30 проценти според новиот трговски договор...
Поради протест блокирани повеќе гранични премини за влез и излез од државата на товарни возила
Поради протест блокирани се повеќе гранични премини за влез и излез од државата на товарни моторни возила. Како што известуваат...
(Видео) Симнете ги розовите очила и погледнете ги работниците – порачаа синдикатите до функционерите на протестот за повисоки плати, се бара 600 евра минималец
Со транспарентот „Протестираме за плата“, голем број граѓани излегоа на улиците за да го поддржат протестот на Сојузот на синдикатити...
Ако не се реши проблемот со превозниците, ќе трпи цела Европа, порача Николоски од Загреб
Заменик-претседателот на Владата и министер за транспорт Александар Николоски порача дека доколку не се изнајде решение за проблемот со превозниците...
Бојан Маричиќ избран за нов претседател на Државната изборна комисија
Поранешниот вицепремиер за евроинтеграции и министер за правда во Владата на СДСМ, Бојан Маричиќ, е избран за нов претседател на...
Запленети 150 килограми марихуана, ја транспортирале со шлеп возило од Струга до Свети Николе
Јавен обвинител донесе наредба за спроведување на истражна постапка против три лица за кои постои основано сомнение дека сториле кривично...
По ревизорскиот извештај, Обвинителството отвори предмет за Општина Охрид
Јавното обвинителство отвори предмет по извештајот на Државниот завод за ревизија за Општина Охрид, во кој утврди дека се граделе...
(Видео) Филипче: Имам информација дека следи ново задолжување од 300 милиони евра
Претседателот на СДСМ, Венко Филипче, на одговор на новинарско прашање информираше дека следува ново задолжување од 300 милиони евра, a...
Левица: Премиерот со џемпери од по 2.000 евра барањата за минимална плата ги прогласи за „политичка агенда“
Левица го осуди настапот на премиерот Мицкоски, со кој легитимните синдикални барања за зголемување на минималната плата ги оцени како...
По срамниот настап во Собранието, Џихан Ахмед ја повлече кандидатурата за членка на комисијата за заштита од дискриминација
Џихан Ахмед ја повлече својата кандидатура за член на Комисијата за спречување и заштита од дискриминација, откако нејзиниот настап во...
Независниот полициски синдикат против мешање на политиката и партиите во работничкиот протест
Згрозени сме од мешањето на политиката и поддршката која опозициските партии преку повици и мобилизирање на членството оркестрирано ја даваат...
Затоа за граѓаните на Македонија нема покачување на платите, не работат „приватно“ како Мицкоски, велат од СДСМ
„ВМРО го вработилo, па така во „приватниот бизнис“ Христијан Мицкоски бил директор на ЕЛЕМ, па советник на Груевски, па еве...
„Обвинителството да не молчи, Заев и Филипче ги злоупотребиле државните институции за насилно преземање на болницата Жан Митрев“, велат од ВМРО-ДПМНЕ
„Сведоштвото на Жан Митрев јасно покажува дека Заев и Филипче брутално ги злоупотребиле институциите. Заев и Филипче смислиле план и...
Фицо шокиран од Трамп: „Тој е опасен и полудел“
Словачкиот премиер Роберт Фицо им рече на лидерите на Европската унија на самитот минатата недела дека неговата средба со Доналд...
