Забава
Неизбежна средба: Анџелина и Бред набргу ќе претстават нови филмови во Венеција
Анџелина Џоли и Бред Пит ќе ги претстават своите нови филмови на годинешниот филмски фестивал во Венеција, што значи дека неизбежно ќе се сретнат, пренесува „Холивуд рипортер“. Освен на суд, овој пар одамна немал блиска средба лично.
Познатата актерка доаѓа на 81. издание на фестивалот во Венеција за филмот „Марија“, во кој ја толкува главната улога на оперската пејачка Марија Калас. Од друга страна, нејзиниот поранешен сопруг пристигнува како една од главните ѕвезди на филмот „Волфс“, во кој глуми со Џорџ Клуни.
Двојката последен пат се појави заедно на Филмскиот фестивал во Венеција во 2007 година кога Анџелина прошета на црвениот тепих како придружба на Бред пред премиерата на вестернот „Убиството на Џеси Џејмс“.
Анџелина и Бред се запознале на снимањето на филмот „Господин и госпоѓа Смит“ во 2005 година по што почнале врска и се венчале во 2014 година. Поради, како што изјавила оваа позната актерка, непомирливите разлики меѓу нив, Анџелина поднела за развод во 2016 година.
Разводот беше финализиран во 2019 година. Излегува дека парот цело време бил во интензивна битка за старателство. Бред барал заедничко старателство над децата наспроти инсистирањето на Анџелина на единствено старателство, со тоа што тој имал само права за посета. Се вели дека парот постигнал спогодба во 2018 година кога адвокатот на Анџелина изјавил за „Ројтерс“ дека „договорот за старателство е постигнат и потпишан од двете страни и од судијата“. Сепак, правната битка продолжи до ден-денес со разни пресврти.
Ќерките Вивиен и Захара се откажаа од презимето на својот татко, а ова неодамна го направи и 18-годишната Шајло. Барањето за промена на името дојде откога извор близок до семејството изјави за „Пипл“ дека Пит нема контакт со своите возрасни деца, но сепак ги посетува помладите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Тие повторно ќе блеснат силно: Четири хороскопски знаци ќе се радуваат како никогаш досега
Астролозите тврдат дека вратите на среќата, новите можности и позитивните промени се отвораат за одредени хороскопски знаци во наредниот период.
По месеци неизвесност и стагнација, ѕвездите конечно им испраќаат бран добра енергија што би можел да влијае на љубовта, работата, финансиите и личниот развој. Додека некои конечно ќе ги пожнеат плодовите од своите напори, други хороскопски знаци одеднаш ќе се најдат во ситуации што можат да им го променат животот на подобро.
Лав
Прв меѓу нив е Лавот. Лавовите се соочуваат со период во кој повторно ќе блеснат во полн сјај. Нивната харизма и самодоверба доаѓаат до израз, а тоа би можело да ги доведе до деловен успех и нови познанства.
Многу Лавови ќе почувствуваат силен бран на мотивација, па затоа ќе им биде полесно да донесуваат одлуки што ги одложувале долго време. Во љубовта, можат да очекуваат искрени разговори и постабилни врски, додека слободните би можеле да сретнат личност која целосно ќе ги освои.
Бик
Биковите исто така ќе почувствуваат голема промена. По еден турбулентен период, Бикот ќе доживее долгоочекуван мир. Финансиската состојба би можела значително да се подобри, а трудот вложен во претходните месеци конечно ќе почне да се исплати.
Ѕвездите им советуваат да бидат отворени за нови можности бидејќи тие би можеле да го означат почетокот на едно многу успешно поглавје. На приватно ниво, можат да очекуваат повеќе хармонија и чувство на сигурност што им е исклучително важно.
Стрелец
Среќата ќе им биде наклонета и на Стрелците. Стрелците влегуваат во период полн со возбуда, патувања и нови искуства. Енергијата што ќе ја почувствуваат ќе им помогне да излезат од својата рутина и да преземат смели чекори што досега ги избегнуваа.
Можни се големи промени на деловниот план, но и неочекувани средби што ќе им донесат инспирација и оптимизам. Љубовниот живот би можел да цвета, особено за оние кои се подготвени да преземат ризици и да се отворат за нови емоции.
Риби
Рибите исто така ќе почувствуваат позитивни вибрации. Рибите конечно ќе имаат чувство дека работите се склопуваат точно како што посакувале. Нивната интуиција ќе биде посилна од вообичаеното, па затоа лесно ќе препознаваат добри можности и ќе избегнуваат непотребни проблеми.
Ова е идеално време за нови почетоци, креативни проекти и донесување важни одлуки. Многу Риби ќе почувствуваат големо емоционално олеснување и внатрешен мир.
Забава
(Видео) Поради натпреварувачката од Финска, прекршено евровизиско правило кое важи веќе 28 години
Финската виолинистка, Линда Лампениус, добила ретка можност и специјално одобрување во финалето на овогодинешната Евровизија 2026 во Виена да свири во живо. Со ова, по речиси три децении, е направен исклучок од строгото правило на Евровизија според кое инструменталната придружба на сцена мора да биде однапред снимена.
Таа и пејачот Пет Парконен ја претставуваат Финска со песната „Лиекинхеитин“, која се смета за еден од фаворитите.
Организаторите ѝ дозволиле исклучок поради значењето на виолината во настапот. Линда изјавила дека виолината е нејзиниот глас во песната и дека конечно ќе може да „пее“ на сцена.
Инаку, правилото за забрана на свирење во живо постои поради брзите смени меѓу настапите и намалување на технички ризици. Вокалите сепак мора да бидат изведени во живо.
Пред оваа одлука, последниот настап со вистински инструменти во живо бил во 1998 година. Во Бирмингем, претставникот на Македонија, Владо Јаневски, ја изведе песната „Не зори, зори“ во придружба на вистински оркестар. Тој настапи последен таа вечер со оркетар. Нгеовиот настап всушност има два историски моменти. Интересно да се напомене е и дека Јаневски беше првиот евровизиски претставник на Македонија.
Забава
(Видео) Разликата во годините меѓу нив се топи: Мистериозниот холивудски пар не може да ги контролира своите страсти
Холивудскиот пар Стенли Тучи (65) и Фелисити Блант (44) со години привлекуваат внимание со својата мистериозност, а само повремено познатиот актер зборува за својата љубов кон Фелисити.
Нивната разлика во години е често тема на дискусија, а самиот Стенли еднаш проговори за тоа.
Со оглед на тоа што ретко се појавуваат во јавност, а уште поретко разменуваат нежности пред сите, бакнежот од црвениот тепих беше вистинска сензација.
Фелисити и Стенли прошетаа на премиерата на втората сезона од серијата „Ривали“, и како што се опишуваат на социјалните мрежи, изгледаа среќни и заљубени како да се на нивниот прв состанок.
За оваа пригода, Фелисити избра црвен елегантен фустан, кој го комбинираше со масивна огрлица, додека Стенли беше во сиво одело.
Насмевките, бакнежите и добрата соработка со новинарите ги однесоа на височини и сакале или не, тие повторно се главна тема на социјалните мрежи, но и на порталите.
