Забава
Николас Кејџ во барањето за развод по само четири дена од бракот: Бев премногу пијан
Во своето барање за поништување на бракот, кој траеше само четири дена, холивудскиот актер Николас Кејџ тврди дека бил премногу пијан кога се согласил да се жени со Ерика Коике судејќи по документите од судот. Коике, наводно, сега бара пари од него.
Глумецот во барањето вели дека немал можност да размисли за своите дела кога стапил во брак со помалку познатата актерка, дека не бил способен до таа мера да се согласи на брак, пренесе „Јуес викли“ цитирајќи ги документите од судот.
„Пред добивање на дозволата за венчаница и учество во церемонијата на венчавката пиеле многу и се опијаниле“, се наведува во судските документи, во кои се додава дека Кејџ, поради алкохолизираната состојба, кога таа сугерирала да се венчаат, тој импулсивно реагирал без способност за препознавање или разбирање на своите постапки.
Педесет и петгодишниот актер навел дека Коике не ја открила целосната природа и опсегот на својот однос со друга личност, како и целосната природа и опсег на своето криминално минато, кое, наводно, вклучува дополнителни активни кривични постапки. Во судот Кејџ направил сцени, а „Дејли мејл“ успеал да направи видеоснимка од инцидентот.
Првиот брак на Николас Кејџ траеше шест години, од 1995 до 2001 година, вториот брак со ќерката на Елвис Присли, Лиса Мари, во 2002 година, траеше само 107 дена. Штом официјално се развел, Кејџ повторно се оженил. Неговиот трет брак е со Алис Ким, кој траеше најдолго, дури 14 години, и со неа има син, Кал-Ел. Кејџ има и син со поранешната девојка, актерката Кристина Фултон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Храната што го штити мозокот и го намалува ризикот од деменција
Научниците истакнуваат дека исхраната силно влијае на здравјето на мозокот. Лошата храна може да ја зголеми воспаленоста и да го забрза когнитивното опаѓање, додека правилната исхрана го намалува ризикот од деменција и Алцхајмерова болест.
Според експертите, најкорисни намирници за мозокот се:
Авокадо – богато со здрави масти кои ја подобруваат енергијата на мозокот и ги намалуваат васкуларните ризици.
Брокула – содржи сулфорафан, силен антиоксиданс со противвоспалително дејство.
Боровинки – богати со флавоноиди кои ја подобруваат неуропластичноста и протокот на крв во мозокот.
Јајца – жолчката е богат извор на холин, важен за памтењето и функцијата на нервниот систем.
Масна риба (лосос, сардини, скуша) – богата со омега-3 масни киселини што го намалуваат штетниот бета-амилоид.
Лиснато зеленчук (спанаќ, кељ) – полн со витамини, минерали и антиоксиданси; го подобрува когнитивното функционирање.
Туна – содржи тирозин за создавање допамин и норепинефрин и креатин за подобра хидратација на клетките.
Куркума – има силно противвоспалително и неурозаштитно дејство.
Ѓумбир – антиоксидативен и противвоспалителен, корисен за когнитивни функции.
Ферментирана храна – кефир, јогурт, кисела зелка; ја поддржува „оската црева-мозок“ и здравиот микробиом.
Забава
Скандал во Италија: Статуата на Павароти „заробена“ во мраз, вдовицата огорчена
Во италијанскиот град Пезаро избувна скандал откако бронзената статуа на Лучијано Павароти заврши заробена во мразот на новогодишното лизгалиште. Ситуацијата дополнително се влошила кога градоначалникот ги повикал лизгачите да му „дадат петка“ на тенорот додека минуваат покрај него, што ја разгневило неговата вдовица, Николета Мантовани.
Таа изјавила дека поставувањето на многу грдото лизгалиште околу споменикот е навреда и непочитување кон сеќавањето на Павароти. Фотографиите од статуата до колена заглавена во мраз предизвикаа бурни реакции на интернет.
Questa è la grandissima idea della Giunta comunale di #Pesaro che ha deciso di ridicolizzare la figura di #Pavarotti davanti al Teatro Rossini inserendo la sua statua in una pista di pattinaggio.
Maestro Pavarotti abbia pazienza: in Comune non sanno quello che fanno. pic.twitter.com/2Fn94WCqUZ
— Nardelli (@Massi_Nardelli) November 29, 2025
Мантовани изјавила дека е разочарана, лута и вознемиренам нагласувајќи дека ваквата поставеност го нарушува имиџот и почитта што тенорот ја заслужува.
Градоначалникот Андреа Бианкини подоцна се извинил, признавајќи дека градската управа направила грешка и дека не постоела намера за навреда. Сепак, преместувањето на статуата не е возможно пред отворањето на празничната атракција, бидејќи би било скапо и ризично за споменикот.
Статуата во природна големина, откриена минатата година како трајна почест на Павароти, сега е „заглавена меѓу огради и празнични светилки“, пишува Il Resto del Carlino.
Забава
Безос и Санчез донираат 102 милиони долари за помош на бездомниците
Џеф Безос и Лорен Санчез ќе донираат 102,5 милиони долари за организациите што им помагаат на бездомните семејства во САД. Санчез во емисијата Good Morning America соопшти дека парите ќе бидат распределени преку фондацијата „Day One Families Fund“ и ќе одат кај 32 непрофитни организации низ целата земја.
Таа изјави дека целта е да им се помогне на семејствата да се стабилизираат и повторно да го изградат својот живот.
„Во можност сме да донираме повеќе од 100 милиони долари и тоа за многумина претставува огромен чекор напред“, рече Санчез, додавајќи дека ова е само почеток на долгорочната иницијатива.
Донациите годинава стигнале во сите сојузни држави, со поддршка од тим локални советници кои ги препознаваат потребите на заедниците.
Безос и Санчез се венчаа во јуни во Венеција, на церемонија со многу познати личности. Тие се во врска од 2019 година, а Безос ја запроси во 2023 година.

