Аљаска ова лето беше на удар на незапаметени топлотни бранови. Научниците предупредуваат на влијанието на климатските промени на рибниот свет, бидејќи забележани се бројни угинати примероци на неколку видови лосос.

Стефани Квин-Дејвидсон, директорка на рибната компанија Јукон, рекла дека кон крајот на јули однела група научници на експедиција долж реката Којокук, каде мештаните ја предупредиле за угинати лососи.

Alaska has been in the throes of an unprecedented heat wave this summer, and the heat stress is killing salmon in large numbers https://t.co/vGn3x6cw1I

— CNN (@CNN) August 17, 2019

Тие избројале 850 мртви лососи, но процениле дека вкупниот број најверојатно е четири до десет пати поголем. Барале докази за можно труење или зараза, но ништо не нашле, а со оглед дека нивното угинување се поклопило со топлотниот бран, заклучиле дека топлотен стрес е причина за масовното угинување.

Топлотниот бран е посилен од што се очекувало.

„Температурата на водата достигна рекордна вредност истовремено со температурата на воздухот“ велат експертите.

Научниците од 2002 година ја следат температурата околу заливот Кук, јужно од Енкориџа, и до сега таа не надмината 24,5 степени Целзиусови. Оваа година на 7 јули температурата достигна 27,5 степени.

Поп-дивата Мадона (60) неодамна го објави новиот албум наречен „Мадам X“, па веројатно поради тоа е постојано присутна во медиумите во изминатите два месеци.

Пејачката напорно вежба за своите настапи во склоп на турнејата „Мадам Х“, и тоа со таква леснотија што во исто време може да ги гледа вестите на својот мобилен телефон. Таа на својот инстаграм-профил објави видео кое во краток период имаше речиси 800.000 прегледи.

„’Мадам Х’ се подготвува за денот“, напиша Мадона во описот на објавеното видео.

„Како можете да бидете толку флексибилни на 61 година?“, еден од нејзините обожаватели го коментираше видеото.

Турнејата за која пејачката се подготвува ќе почне во Њујорк на 12 септември.

Поранешниот боксерски шампион во супертешка категорија Мајк Тајсон купи ранч во Калифорнија на кој ќе произведува марихуана. Во деловниот потфат му помага поранешната НФЛ-ѕвезда Ебен Бритон.

Во својот поткаст „Hotboxin with Mike Tyson“, Челичниот Мајк зборуваше за љубовта кон канабисот, кој не само што го продава туку и го употребува.

View this post on Instagram

Tending to our garden #selfcaresunday 🌿

A post shared by Tyson Ranch (@tysonranchofficial) on Jul 7, 2019 at 9:00am PDT

„Што пушиме месечно? Околу 40.000 долари (36.000 евра)“, признал Тајсон.

View this post on Instagram

The Original OG. Link in bio.

A post shared by Tyson Ranch (@tysonranchofficial) on Aug 14, 2019 at 10:53am PDT

„Не знам, пушиме околу десет тони месечно“, рече Ебен Бритон.

Ранчот на Тајсон се простира на околу 16 хектари во Калифорнија, каде што употребата на оваа дрога е легална. Секој месец тој продава канабис во вредност од 450.000 евра на амбулантите во Калифорнија и Невада користејќи го во медицински цели. Челичниот Мајк сака да направи туристичка атракција од неговиот ранч.