Забава
Нумерологија на ангелите: што значи да се видат броеви што се повторуваат
Ангелската нумерологија се однесува на броеви што се повторуваат и имаат посебно значење. Што значи кога гледате три единици или три четворки?
Веројатно сте виделе исти бројки или повторувани комбинации неколкупати – на пример, го земате телефонот и гледате 1:11 на екранот. Или ќе купиш нешто и ќе видиш дека чини 111 денари или ќе помине автомобил со бројот 111 на регистарската табличка. Примери има безброј…
Многу луѓе веруваат дека во тоа време ни зборуваат ангели, кои имаат некои важни пораки за нас. Се верува дека секој од нас при раѓањето добил свој личен ангел чувар – неговото невидливо присуство штити, предупредува на опасности и нè води на вистинскиот пат. Најчесто ангелите испраќаат совети во форма на знаци – во овој случај, повторување броеви. И што точно значат тие бројки?
Број 111
Ако ја видите оваа бројка, тоа значи дека треба да верувате во себе и во поголемиот план на вашата душа. Бројот 1 во нумерологијата е знак на решителност. Вашиот ангел чувар ве охрабрува да излезете од зоната на удобност, да ја надминете мрзливоста и да почнете да дејствувате.
Број 222
Бројот 222 симболизира рамнотежа – треба да ги ослободите сите стравови и нервози бидејќи сте на вистинскиот пат. Дополнително, бројот 222 навестува доаѓање важна личност во вашиот живот, која ќе ви помогне да разберете која е вашата мисија и како да живеете на вистински начин.
Број 333
Тројката е симбол на љубовта и креативното изразување. Ако често го гледате бројот 333, вашиот ангел чувар ви кажува да се поврзете со нови луѓе и да бидете поактивни. Немојте само да седите дома и да чекате добри можности да ви паднат од небото. Среќата тропа на вашата врата – отворете ја.
Број 444
Според ангелската нумерологија, три четворки укажуваат на тоа дека дојде моментот кога универзумот ќе ги тестира вашите сила, волја и одлучност. Не откажувајте се сега – само еден чекор ве дели од успехот и посреќниот живот.
Број 555
Подгответе се за неочекувани пресврти и авантури. Бројот 555 покажува дека го имате целиот свет на дланка. Добри луѓе и поволни можности ќе влезат во вашиот живот. Шанса како оваа не треба да се пропушти.
Број 666
Ангелската нумерологија ги толкува трите шестки како знак дека е време да се промени правецот на движење. Доколку е потребно, оставете сè зад себе и почнете од нула. Кажете му збогум на минатото и сето она што го попречуваше вашиот раст и развој на сите полиња. Земете го вашиот живот во свои раце.
Број 777
Ако често го гледате бројот 777, ангелите ве предупредуваат никому да не му ги откривате вашите планови. Време е да ги извадите розовите очила и да се спуштите на земјата. Не се сите ваши пријатели и не мислат сите добро за вас. Одделете ја пченицата од плевата.
Број 888
Во ангелската нумерологија бројот 8 означува бесконечност. Ова е поволна комбинација на бројки, што укажува на патување, движење или нова работа. Ќе следуваат големи промени во вашиот живот и, конечно, ќе пристигне наградата за сето добро што сте го направиле досега.
Број 999
Комбинацијата од три броеви девет укажува на завршување важен циклус во вашиот живот. Всушност, пред да преминете во нов циклус, универзумот ќе ве тестира за да види дали добро сте ги совладале сите лекции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бебе Лазања го најави својот прв солистички концерт
Бебе Лазања го најави својот прв солистички концерт. Ќе настапи во Загреб на 12 септември 2024. „Едвај чекам да се видиме и да танцуваме! Мјау“, напиша тој на социјалните мрежи.
„Вистинскиот победник на Евровизија“, „Дојди во Полска“, „Се надевам дека ќе се видиме во Шпанија“, „Дали ќе дојдеш во Велика Британија?“, „Кога ќе одиш во Германија?“, пишуваат неговите обожаватели во коментарите.
Претходно, тој најави турнеја в година, а до крајот на оваа година ќе настапи во Хрватска. „Сакаме да правиме концерти на домашниот пазар и потоа на почетокот на следната година планираме европска турнеја, ќе има малку Европа и оваа година, но в година удираме во Европа, а засега ќе се дружиме со мештаните“, вели Марко.
Тој најави нови песни. „По сѐ што се случи, почнав да размислувам малку да пишувам на хрватски. Мислам дека слушателите ќе се изненадат, тоа е прилично хаотично“, вели Марко.
Во Умаг ќе пристигне в среда. „Со нетрпение очекувам да се видам со луѓето. Секогаш е емотивно, особено сограѓаните, кои нѐ поддржуваа цело ова време“, рече тој.
Забава
Хороскопските знаци со силен мајчински инстинкт
Хороскопските знаци со силен мајчински инстинкт ќе бидат нежни и со децата кои не се нивни. Тие едноставно се топат во нивно друштво.
Кај овие жени од Зодијакот мајчинскиот инстинкт се буди веднаш штом ќе дојдат во контакт со децата. Тоа може да го видите во нив и кога немаат деца, а штом ги имаат, се претвораат во најдобрите мајки што некогаш ќе ги запознаете.
Хороскопските знаци со силен мајчински инстинкт
Бик
Претставниците на овој знак претставуваат силни и стабилни луѓе. Тие припаѓаат на земјените знаци, тие се природни негуватели кои сакаат да инвестираат во работи и да гледаат како луѓето растат. Жените Бикови се полни со љубов, грижа, негување и трпение што ги прави одлични мајки.
Рак
Жените во овој знак имаат силен мајчински инстинкт и се исклучително љубезни, грижливи и емотивни. Полни се со силни емоции кои се карактеристични за оваа улога, а нивните деца сигурно нема да се жалат на недостаток на грижа или внимание и се многу нежни во однесувањето.
Девица
Хороскопските земјени знаци се познати како воспитувачи. Девиците, како и жените Бикови, имаат особини на трпение, упорност и се многу успешни во тоа некој да се чувствува згрижен покрај нив. Тие се многу снаодливи и независни, а тоа во комбинација со нивната грижлива природа ги прави добри мајки кои добро ги воспитуваат децата.
Јарец
Јарците се генерално добри родители и секогаш водат по примери. Тие се силни, упорни и приземни и ништо не препуштаат на случајноста, дури и кога станува збор за всадување на посакуваните квалитети кај децата и нивно воспитување на добар начин. Тие се заштитнички, полни со љубов и крајно дисциплинирани што ги прави урамнотежени родители.
Риби
Рибите се исклучително сочувствителни и љубовни. Таа навистина се труди да разбере и да создаде простор за емоциите на своето дете и да подига емоционално интелигентни деца кои се слободни во своите креативни определби. Тие се секако еден од најдобрите примери за мајчинство.
Забава
„Моето момче ме изневери, мене, погледнете ме, ова не се филтри, а тој ме изневери“: снимка од девојка ги разбесни луѓето на интернет
Каролин Луск на социјалните мрежи сподели видео во кое признава дека била изневерена. Меѓутоа, наместо сочувство, многумина ја обвинија неа.
Оваа прекрасна русокоса зборува за сето она за што девојките обично зборуваат сами со себе или во солзи им го раскажуваат на пријателите. Меѓутоа, наместо емпатија, нејзината приказна предизвика лавина критики.
@carolinelusk pretty people get hurt too 🙁 #fyp #foryou #foryoupage ♬ original sound – clusk
„Ако имате лош ден, само запомнете дека ме изневерија. Бев измамена“, вели девојката со проѕирни сини очи и руса коса и потсетува дека моментно снима без филтер, иако изгледа речиси совршено.
„Ова се моите вистински очи и јас сум измамена“.
„Ако некој ве изневерил и се чувствувате несигурни, знајте дека не се работи за вас бидејќи и јас бев изневерена, па сигурно не може да биде за вас“, вели таа.
„Можете да кажете: Можеби таа е лоша личност, но, за жал, јас не сум. Јас сум духовита и неверојатно паметена и повторно ме изневерија. Некој беше во врска со мене и јас му бев целосно посветена, ќе се омажев за него, но тој ме изгуби засекогаш“, објаснува таа, а истото видео го објави и на „Тик-ток“.
Ова видео на мрежите собра стотици коментари, а на повеќето им пречеше тоа што девојката постојано нагласуваше дека „колку и да имаме лош ден, да се потсетиме дека е изневерена“.
„Ако ви е дијагностицирана смртна болест, немојте да бидете тажни. Дали знаевте дека ТАА била изневерена? Не е толку лошо, ракот може да се излекува, тоа е измама засекогаш“, рекол еден од корисниците.
На „Тик-ток“ речиси сите корисници рекоа дека таа звучи исто како Рори Гилмор од познатата серија Gilmore Girls.
„Звучиш како Рори Гилмор“.
„Ме потсетува на Рори Гилмор и Кевин од „Сам дома“.
А други рекоа:
„Забелешка: Секогаш се работи за тебе, душо“.
„Мислам дека разбирам зошто ја изневерувал“.
„Таа вели дека е добра личност, а првото нешто што го истакна е својот изглед. Да, не ти верувам“.
„Жално е што тоа се случи, но таа верува дека е една од ретките што го доживеале тоа?“
„Леле, тоа мора да биде најлошото нешто што му се случило на некого“.
„Почнав да верувам дека ова е пародија“, се дел од коментарите за видеото.