Британската режисерка Емералд Фенел укажа на некои мани на блокбастерот „Џон Вик“ и на жанрот филмови за одмазда, генерално.

Фенел, која го напиша сценариото и го режираше Promising Young Woman („Ветувачка млада жена“), посочи една мана кај „Џон Вик“, кој го наведе како пример на филмови за одмазда.

Таа смета дека „Џон Вик“, иако вели дека е нејзин омилен филм, можеби претерал малку кога станува збор за одмазда.

Нејзиниот филм, мистериозна трилер-драма, се фокусира на ликот на Каси Томас (Кери Мулиган), која носи тешка одлука да ја остави зад себе својата светла иднина кога нејзината најдобра пријателка станува жртва на силување. Каси се обидува да ги казни одговорните за она што се случило. Филмот, спој на мрачен хумор и лична драма, е пофален и од критичарите и од публиката.

iQiyi, кинескиот одговор на „Нетфликс“, ќе понуди бесплатни филмови и телевизиски емисии во некои области во текот на новогодишниот празник, откако Пекинг ги повика стриминг-платформите да ги укинат сите претплати имајќи предвид дека многу луѓе се заглавени дома за да помогнат во борбата против пандемијата.

Новата година е најважниот празник во Кина. Тогаш традиционално милиони луѓе се упатуваат кон своите родни места, но властите во последните неколку недели воведоа строги антивирусни мерки откако беа пријавени стотици нови случаи со коронавирус.

Владата ги советуваше луѓето да останат дома или таму каде што се во моментов, стравувајќи дека масовните движења можат дополнително да го шират вирусот.

iQiyi, чиј родител е гигантот пребарувач „Баиду“, соопшти дека ќе овозможи категорија „бесплатно гледање“ што ќе биде достапна во Пекинг и блиската провинција Хебеи, со содржини кои обично се ограничени на членовите.

Американската пејачка Халзи се појави на социјалните мрежи во средата за да открие дека го чека своето прво дете, и сподели фотографија на која се гледт трудничкиот стомак.

„Изненадување!“, напиша таа во својата објава на Инстаграм и додаде неколку емотикони со шише за бебе, виножито и ангел.

Веста навистина ги изненади фановите на Халзи, бидејќи за 26-годишната пејачка се сметаше дека не е во врска со никого пред објавувањето на нејзината бременост.

Сепак, таа во својата објава го означи сценаристот Алев Ајдин, сугерирајќи дека тој е нејзиниот мистериозен партнер и татко на бебето.