Забава
Откриено колку заработил принцот Вилијам за една година: наследил и мал град
Како дел од војводството Корнвол, принцот Вилијам го наследил и малиот град Паундбери, еден вид социјален и архитектонски експеримент на татко му.
По смртта на кралицата Елизабета Втора во септември 2022 година, на принцот Вилијам му беше доделено профитабилното војводство Корнвол.
Принцот Вилијам ги доби титулата војвода од Корнвол и придружниот имот, кој во претходната година, според последните извештаи, заработил дури 30,4 милиони долари.
Тој ги наследи овој профитабилен имот и титулата од својот татко откога Чарлс стана крал во септември 2022 година, а тоа е војводство кое, всушност, е приватна кралска земја, каде што принцот Вилијам и неговото семејство имаат право да организираат „службени, добротворни и приватни активности“.
Војводството Корнвол се проценува на 1 милијарда долари, покрива приближно 531 квадратен километар и опфаќа приближно 20 окрузи. Во 1337 година бил основан од кралот Едвард III за приватни потреби, но денес на него има многубројни мали бизниси, кои му носат поголем профит на принцот Вилијам.
Имено, постојат мали семејни бизниси, кои одгледуваат добиток, овошје и зеленчук на своите фарми, потоа станбени области и недвижности за деловни и комерцијални цели, како и километри реки, шуми, брегови и каменолом.
Се очекува војводството да се управува „на начин што е еколошки и финансиски одржлив и од значајна вредност за локалната заедница“, се вели во извештајот за 2023 година.
Војводата од Корнвол доброволно плаќа данок на доход на годишниот вишок на приход што го добива по одбивањето на деловните трошоци. Имотот е ослободен од данок на доход бидејќи не е посебно правно лице.
Како дел од војводството Корнвол, принцот Вилијам го наследил и малиот град Паундбери, еден вид социјален и архитектонски експеримент на татко му. Имено, се работи за вештачко гратче, кое е изградено од темел според принципите на традиционалната британска архитектура, со голем број станбени, деловни и комерцијални простори, пренесува „Тпортал“.
Овој пристап промовира заедница во која луѓето може да живеат, работат и да купуваат во иста област намалувајќи ја потребата за патување со автомобил и охрабрувајќи го населението да пешачи и да поминува време во многуте паркови и градини.
Кралот Чарлс Трети инсистира на принципите на одржлив развој, вклучително и користење обновливи извори на енергија, зачувување на ресурсите и изградба на енергетски ефикасни згради.
Сепак, Кејт и Вилијам за време на серијата турнеи во 2023 година, во кои целосно го посетија величествениот имот, покажаа дека не станува збор за уште една титула и дополнителен имот од кој ќе го жнеат профитот, туку за земјиште чија вредност навистина знаат да ја препознаат.
Сепак, иако заработката од нешто повеќе од 30 милиони долари звучи одлично, во реалноста тој мораше да му даде половина на Чарлс, а потоа уште половина за понатамошни инвестиции. Причината е едноставна – тој го наследил војводството во средината на фискалната година по што управителите на имотот побарале од него да остави дополнителни 8,67 милиони долари како капитал за понатамошен развој.
Покрај тоа, извештаите тврдат дека идниот британски монарх од кралицата Елизабета Втора ја наследил веројатно омилената улога на покровител на Фудбалскиот сојуз, во која особено ќе ужива како жесток фудбалски навивач.
Пред и за време на ЕП имавме можност да видиме колку страсно ја прифати оваа задача и верно ги следеше избраниците на Саутгејт од подготовките до (уште едно) изгубено финале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Сребрените панталони на Меланија Трамп предизвикаа дебата на интернет: „Несоодветни“
Американскиот претседател Доналд Трамп и првата дама Меланија Трамп се појавија на гала вечера во чест на гувернерот во Вашингтон, а нејзиниот моден избор повторно предизвика изненадување. Меланија, која некои во јавноста ја сметаат за модна икона, овој пат беше критикувана за комбинацијата што ја избра.
Melania Trump wearing silver pants and stilettos with a black top at tonight’s governor’s dinner pic.twitter.com/EqAyVjlowF
— Emily Goodin (@Emilylgoodin) February 22, 2026
За вечерата, Меланија носеше сребрени метални панталони од луксузниот бренд Dolce & Gabbana, кои чинеа 2.395 долари (околу 2.000 евра). Ги искомбинираше со црна блуза со долги ракави и машна, исто така од истата модна куќа, која чини 2.245 долари (околу 1.900 евра). Стајлингот го комплетираше со високи потпетици од Christian Louboutin и големи дијамантски обетки.
Дел од публиката ја критикуваше за тоа што не го почитуваше дрескодот „black tie“. Според Vogue, „black tie“ за жени генерално значи вечерни фустани до подот. Токму затоа што не се придржуваше до класичните упатства, брзо почнаа да се појавуваат коментари за Икс.
Не недостасуваа критики: „Го кажав тоа и претходно и ќе го кажам повторно – некој треба да го смени нејзиниот стилист. „Black tie“ не значи дека е подготвена за дискотека“, „Несоодветно за ваков настан“, „Нападно и кичесто – дефинитивно не е „black tie“. Никој од нив нема вкус“, „Изгледа како да оди на пикник. Каква штета“, „Убава е, како и секогаш, но јас сум старомодна и бирам фустани за вакви настани“, се само дел од коментарите.
Сепак, некои луѓе застанаа во нејзина одбрана: „Меланија е единствена. Носи што сака и го сака она што го сака. Не се облекува за да ги импресионира другите, туку за да се изрази себеси. Мислам дека изгледа одлично и тешко е таа да изгледа лошо“, „Ми се допаѓа што избра панталони за вечера. Прекрасни се и знае како да го извлече сè што носи“, „Навистина ми се допаѓа оваа комбинација. Прекрасна е, како и секогаш“, пишуваше во коментарите.
Забава
(Видео) Тиктокер го провоцираше Бјелогрлиќ во кафуле во Белград, актерот му го исфрли телефонот од рака
Во едно кафуле во центарот на Белград се случи инцидент во кој познатиот актер и режисер Драган Бјелогрлиќ му го исфрли мобилниот телефон од раката на тик-токерот Александар Шулц, кој го снимаше и го провоцираше.
Dragan Bjelogrlić napao tiktokera u kafiću Glumac i reditelj Dragan Bjelogrlić našao se u centru incidenta nakon što je, prema snimku objavljenom na društvenim mrežama, pokušao da otme telefon tiktokeru Aleksandru Šulcu, poznatijem kao Lepi. #nisvesti #srbija #vesti #viral pic.twitter.com/QGKq0K6TZ1
— Niš Vesti (@NisVesti) February 24, 2026
Шулц, познат на ТикТок како „Лепи“, му се приближи на Бјелогрлиќ и почна да го испрашува додека го снимаше. Актерот првично одговори учтиво, мислејќи дека е негов обожавател. Меѓутоа, кога сфатил дека станува збор за провокација, Бјелогрлиќ, според снимката што се шири на социјалните мрежи, рекол: „О, ти си овој човек“, одеднаш станал и му го исфрлил мобилниот телефон од раката. На ова, тик-токерот одговорил: „Што е?“, продолжувајќи да го снима и велејќи дека е „нервозен“.
Овој инцидент се случува откако Драган Бјелогрлиќ беше осуден на 21 ноември 2024 година на шестмесечна условна казна затвор, за насилно однесување, објавува српски Блиц.
Забава
Почина ќерката (42) на актерот и комичар Мартин Шорт
Ќерката на познатиот актер и комичар Мартин Шорт, Кетрин Шорт, почина на 42-годишна возраст. Семејството ја потврди веста во соопштение за медиумите.
„Со длабока тага ја потврдуваме смртта на Кетрин Хартли Шорт. Семејството Шорт е скршено од оваа загуба и бара приватност во овој момент. Кетрин беше сакана од сите и ќе биде запаметена по светлината и радоста што ги донесе на светот“, се вели во соопштението на семејството за „Пипл“.
Противпожарната служба на Лос Анџелес потврди дека реагирала во дом во Холивуд Хилс во 18:41 часот во понеделник, 23 февруари, по пријава за исчезната жена. Канцеларијата на мртовечникот на округот Лос Анџелес извести за „Пипл“ дека смртта е прогласена за самоубиство.
Мартин и неговата покојна сопруга, Ненси Долман, ја посвоија Кетрин. Долман почина во 2010 година од рак на јајниците. Тие беа во брак 30 години. Двојката, исто така, посвои два сина, Оливер Патрик (39) и Хенри Хејтер (36). Кетрин ретко се појавуваше во јавноста.
Таа беше лиценциран клинички социјален работник и работеше со скратено работно време во „Амае Хелт“, каде што обезбедуваше услуги за заедницата, водеше групи за поддршка на семејствата и вршеше психотерапија. Дипломирала психологија и студии за род и сексуалност на Универзитетот во Њујорк во 2006 година, а магистрирала социјална работа на Универзитетот во Јужна Калифорнија во 2010 година.
Британската влада ќе објави доверливи документи за назначувањето на поранешниот принц Ендру
Британската влада ќе објави доверливи документи за назначувањето на поранешниот принц Ендру за трговски претставник, што е резултат на жестока...
(Видео) Во своето обраќање до нацијата, Трамп го спомена и убиството на Украинката: „Ќе обезбедиме правда“
Американскиот претседател Доналд Трамп во своето обраќање пред Конгресот ја спомена 23-годишната Украинка Ирина Заруцка, која беше брутално убиена во...
Трамп за Венецуела: Добивме 80 милиони барели нафта од нашиот нов партнер
Американскиот претседател Доналд Трамп ја опиша Венецуела како „сојузник“ на САД во своето обраќање за состојбата на нацијата во вторник,...
(Фото) Откриена најголемата колонија на корали во светот во близина на Австралија
Тим од мајка и ќерка, и двете граѓански научници ја откри најголемата позната корална колонија во светот покрај брегот на...
(Видео) Расте бројот на жртви по обилни дождови во Бразил
Бројот на жртви од обилните дождови што ја погодија југоисточната бразилска држава Минас Жераис се искачи на најмалку 25, а...
(Видео) Трамп: „Победуваме толку многу што веќе не знаеме што да правиме со тоа“
Американскиот претседател Доналд Трамп прогласи „златно доба“ за Америка во своето обраќање за состојбата на нацијата во вторник. „Нашата нација...
ДУИ обвинува за притисок врз судството: Изјавите на Филков за куќниот притвор се директно мешање во постапката
Демократската унија за интеграција (ДУИ) изрази длабоко незадоволство поради, како што наведуваат, заканите упатени кон судии и обвинители од страна...
Одземени лиценците за канабис на шест фирми: не им работеле камерите, немале обезбедување, едно имале на хартија друго во магацин
На шест од досега провери 13 компании им се одземени лицентие за одгледување канабис за медицински цели. Министерот за здравство,...
Битолчанец пријавен за обид за убиство на своите деца и напад врз полицајци
СВР Битола поднесе кривична пријава против В.Ф. (42) од Битола поради постоење основи на сомнение за сторени кривични дела „убиство“...
Ми се гади од лицемерието, Артан Груби во куќен притвор, јас 28 месеци во притвор: Јане Ченто за правосудните аршини
По одлуката на надлежните институции, поранешниот прв вицепремиер Артан Груби да биде ставен во куќен притвор со 24-часовен надзор, по...
Беким Сали во работна посета на Украина: „Изразена солидарноста и поддршката кон украинскиот народ“
Првиот вицепремиер и министер за европски прашања, Беким Сали, денес престојува во официјална работна посета на Киев, Украина, каде ќе...
Обвинителството за куќниот притвор на Груби: Се водиме исклучиво од законските основи
Јавното обвинителство како единствен и самостоен орган, при одлучувањето и предлагањето на мерките за обезбедување во сите случаи се води...
(Видео) Зеленски го покажа својот бункер од почетокот на војната и им испрати порака на Украинците
Украинскиот претседател Володимир Зеленски објави видео порака по повод четвртата годишнина од почетокот на целосната инвазија на Русија врз Украина,...
Артан Груби ќе одговара за милионскиот криминал, следува одговорност, велат од ВМРО-ДПМНЕ
По повеќе од година дена поминати во бегство на граничниот премин Блаце е приведен поранешниот вицепремиер во коалицијата на СДС...
„Али Ахмети чека политичка егзекуција од поранешниот најблизок соработник, Артан Груби знае премногу“, велат од ВЛЕН
„Стариот лисец Али Ахмети од вчера, од мајстор на политичкиот занает, стана ранет играч кој чека политичка егзекуција од поранешниот...
Штедачите на Еуростандард банка: Пет и пол години од пропаѓањето на банката, случајот сè уште нема судска разрешница
Поминаа повеќе од пет и пол години од пропаѓањето на Еуростандард банка, а случајот сè уште нема судска разрешница. Голем...
Зеленски: Вашингтон треба да биде со демократска земја која се бори против еден човек
Соединетите Американски Држави „треба да застанат покрај демократска земја која се бори против еден човек“, рече украинскиот претседател Володимир Зеленски,...
Ник Рајнер негираше вина по обвинението за убиството на мајка си и татко си
Ник Рајнер (32), син на познатиот холивудски режисер Роб Рајнер и фотографката Мишел Сингер Рајнер, се изјасни за невин во...
(Видео) Бомбашки напад во Москва: Убиен полицаец, двајца повредени
Еден полицаец беше убиен, а двајца други беа ранети во експлозија рано утрово во центарот на Москва, откако вооружен човек...
Германија: Нема да го молиме Путин
Германскиот министер за надворешни работи Јохан Вадефул изјави дека е начелно отворен за разговори со Москва за одржлив мир во...
