Забава
Памела Андерсон зборуваше за врската со Лијам Нисон: Не можеш, а да не го сакаш

Познатата актерка Памела Андерсон отворено проговори за врската со нејзиниот колега Лиам Нисон, со кого глуми во филмот „Голиот пиштол“ и хемијата што постои меѓу нив.
Љубовната врска меѓу Памела Андерсон и Лиам Нисон позитивно ги изненади нивните обожаватели, а актерскиот пар е коментиран низ целиот свет како исклучителен спој, особено затоа што љубовта се случи во нејзината седма и неговата осма деценија од животот.
Тие станаа омилени преку ноќ, а поранешната секс бомба отворено проговори за нивната врска и хемијата што ја имаат.
Извори тврдат дека тие се во врска веќе некое време, а се појавија заедно на промоциите на новиот филм „Голиот пиштол“, кога разменија нежности на црвениот тепих пред целиот свет.
Памела во интервју за списанието „OK!“ раскажа како била многу нервозна пред снимањето, а Лиам знаел како да ја смири и ја изненадил со својот грижлив и топол пристап.
„Тој е вистински господин, прекрасен е, несебичен и ме поддржуваше цело време. Толку е внимателен што едноставно не можете, а да не се заљубите во него“, рекла актерката, која тврди дека имаат посебна хемија.
„Зад камерата, тој може да биде вистински шегаџија, го има тој момчешки хумор. На снимањето бевме претежно сериозни, но за време на пробите често се смеевме и се шегувавме“, рекла таа.
Дека Лиам е стар романтичар и господин е потврдено и од медиумските извештаи – дека тој редовно ѝ испраќа цвеќе, дека поминува време со неа, нејзините синови и кучиња, и дека најмногу сака да поминува време со неа во Канада, каде што можат да бидат сосема сами и да уживаат во мирна средина.
„Пем готви и работи во дворот, што е едноставно и не е толку типично за познатите холивудски ѕвезди, а на Лиам навистина му се допаѓа. Дури и самиот ѝ помага со тоа“, открил изворот.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Нов скандал околу осрамотениот војвода, наводно сите морале да му носат девојки, претпочитал балерини

Принцот Ендру наводно ги молел своите вработени и пријатели да му најдат девојки и имал посебна преференција кон балерини и русокоси, открива неговиот биограф во нова книга, објавува „Пејџ сикс“.
Осрамотениот војвода, кој се откажа од своите титули поради скандалот со Џефри Епштајн, наводно барал од сите околу него за да си најде девојки. Ова, според авторот и историчар Ендру Лоуни, понекогаш довело до тоа да спие со жени за кои „дури и не сфатил дека се проститутки“.
Во својата нова книга, насловена: Подемот и падот на Јоркшката куќа, Лоуни пишува дека дури и телохранителите на Ендру, платени од британските даночни обврзници, биле вклучени во оваа мрежа.
„Тој ќе забележеше атрактивна балерина во Кралскиот балет, а потоа ќе го испратеше својот телохранител да ја покани на состанок со него. Други ситуации вклучуваа испраќање помошници да поканат девојки на неговата маса во лондонскиот ноќен клуб „Чајнавајт“ или во неговиот хотелски апартман кога беше во странство“, рече Лоуни.
Авторот, исто така, наведува дека „персоналот на Ендру често барал атрактивни жени да бидат поканети на настани, а приватната секретарка навела дека тој претпочита русокоси“.
Додека патувал низ светот во својата поранешна улога како британски трговски претставник, од која поднесе оставка во 2011 година поради неговите врски со Епштајн, Ендру, наводно, претпочитал хотели пред кралски резиденции за да има поголема слобода.
Ендру, исто така, наводно ги искористил своите кралски врски, како што е неговото покровителство на Англискиот национален балет.
„Неговиот главен интерес биле танчерките, а не самиот балет“, напиша Лоуни.
Жртвата на Џефри Епштајн, Вирџинија Џуфре, која изврши самоубиство во април на 41-годишна возраст, тврдеше дека била принудена да спие со Ендру три пати како малолетничка. Таа го повтори тврдењето во своите мемоари, објавени постхумно оваа недела. Ендру, која ѝ плати на Џуфре спогодба од повеќе милиони долари во граѓанската тужба во 2022 година, продолжува да ги негира обвинувањата.
Само неколку дена пред објавувањето на книгата, Ендру објави дека се откажува од своите титули, вклучително и онаа на војвода од Јорк, бидејќи обвиненијата против него го одвлекуваат вниманието од работата на Неговото Височество и кралското семејство.
Забава
(Видео) Нова песна од Тарабунов – „Љубов“: Вулкан од емоции, сведоштво за љубовта и зрелоста на еден автор

Во време кога искреноста ретко ја среќаваме во музиката Александар Тарабунов – Тара ни ја подава својата душа – сурова, чиста, автентична. Со новата песна „Љубов“, овој талентиран изведувач и автор ја отвора вратата кон своето најинтимно, најзрело и најкомплетно музичко дело досега.
Создадена во еден здив, во тишината на едно дождливо попладне, песната „Љубов“ не е само уште една баладa, таа е емотивна ерупција, вулкан од страст и жив доказ за уметничката зрелост на Тара.
Песната е напишана, компонирана и изведена од самиот автор што ја прави уште посилна, уште повистинита. Слична е приказната и кога станува збор за видеото зашто истото е работено по идеја на Тара, а реализирано со помош на Никола Марковски.
„Трепериш ко капка утринска… Ѕвезден прав ни спои патишта…
Во сите мои животи знам ќе те пронајдам…“ Секоја строфа носи по еден универзум на чувства, а секој стих е сведоштво за една љубов која не боли, туку спасува.
„Љубов“ го претставува Тара во едно сосема ново музичко светло, искрен, ранлив, но и моќен во својата тишина. Со оваа песна, тој не само што ја отвора својата душа, туку ја става љубовта на пиедесталот каде што и припаѓа како суштина, како судбина, како најголема тајна на животот.
„Сите кои ја слушнаа песната пред нејзиното официјално објавување беа искрено воодушевени. Секој ја доживеа на свој начин, но сите се согласија во едно дека ова е песна што останува. Верувам дека и судот на публиката ќе биде идентичен. „Љубов“ нека биде химна за вљубените, песна за опуштена вечер со чаша вино во рака и доза на романтика. Затоа што музиката освен што се слуша и се чувствува“, вели Тара.
„Љубов“ не е само песна. Таа е момент. Вистина. Воздишка. Спомен. Ветување…
Со полни гради ја вдишуваме, и не престануваме да ја слушаме. Тара е тука, поинаков, посилен, поискрен. Ова е неговото време. Ова е „Љубов“.
Забава
Вечно младолики: хороскопски знаци кои изгледаат одлично без разлика на годините

Некои луѓе едноставно зрачат со младешка енергија, без оглед на тоа колку години имаат. Нивната свежина не доаѓа само од генетиката, туку и од оптимизмот и начинот на кој го живеат животот. Астролозите велат дека токму овие три знаци најчесто изгледаат вечно млади.
Близнаци
Нивната постојана љубопитност и духовитост ги прават живи и полетни. Никогаш не паѓаат во рутина и зрачат со позитивна енергија што ги прави вечно млади во духот.
Вага
Вагите имаат природен вкус за стил и рамнотежа. Секогаш изгледаат уредно, смирено и со елеганција што не старее. Нивната убавина доаѓа од внатрешниот мир.
Стрелец
Оптимисти и авантуристи по природа, Стрелците со својот ентузијазам и насмевка секогаш оставаат впечаток на младост. За нив годините се само бројка.