Викторија Џонс, 34-годишната ќерка на славниот актер Томи Ли Џонс, беше пронајдена мртва во четврток, 1 јануари, во хотелска соба во Сан Франциско, објави People.

Веста првпат ја објави TMZ, повикувајќи се на полициски извори. Противпожарната служба на Сан Франциско потврди дека добиле повик за итна медицинска интервенција во хотелот Сан Франциско Фермонт кратко пред 3 часот наутро по локално време на Нова Година.

Полициската служба на Сан Франциско, исто така, потврди дека нивните полицајци отишле на местото на настанот каде што е пронајдено мртво возрасно женско лице. Иако идентитетот не е официјално објавен, полициски извор изјави за NBC Bay Area дека се верува дека станува збор за Викторија. Причината за смртта сè уште не е позната.

Викторија е ќерка на 79-годишниот Томи и неговата поранешна сопруга Кимберли Клафли. Двојката има и 43-годишен син, Остин Џонс.

Во помладите денови, таа се обидела да глуми. Првата улога ја имала во 2002 година во филмот на нејзиниот татко „Мажи во црно II“. Три години подоцна, таа се појави во филмот „Трите погреби на Мелкијадес Естрада“, кој го режираше нејзиниот татко. Таа, исто така, се појави како гостин во епизода од популарната тинејџерска серија „One Tree Hill“ во 2003 година.

Нејзиниот татко, Томи Ли Џонс, е познат добитник на Оскар, а ја освои и престижната награда за најдобар спореден глумец во 1993 година за неговата улога во филмот „Бегалецот“. Тој е познат и по своите улоги во филмови како „JFK“, франшизата „Мажи во црно“, „Нема земја за стари луѓе“ и „Линколн“.

Претставниците на Томи Ли Џонс сè уште не дале коментар за трагичниот настан.

фото/депозитфотос

Даниел Данн со новиот сингл и видео запис „Ќе се шекнам“ ја започнува новата година. Песната е дел од EP изданието „TOP“, објавено под етикетата UP28 Music.

Автор и продуцент на песната е Александар Ристовски – Принц, кој со својата поддршка и креативна соработка придонесе Daniel Dann повторно активно да се врати на музичкото творештво и да започне со реализација на нови проекти.

Видеото е реализирано во продукција на Hit Maker, кои воедно му ја доделија и наградата за машки артист на годината. Во спотот учествуваат истакнати танчери и кореографи Даниел Коцев, Леонтина Ѓорѓиевска и Стефи Здравковска, додека за мејкапот е задолжена Марија Лазарова (Trend AS by ML).

„Среќен сум што токму со ‘Ќе се шекнам’ ја започнувам новата година. Овој проект за мене претставува нов почеток и силна мотивација со уште поголема посветеност да продолжам со реализација на следните музички проекти.“, вели Даниел Данн.

Песната „Ќе се шекнам“ од денес е достапна на сите музички платформи.

Во Торонто е отворен Музејот на лоши подароци, каде што се изложени „неуспешни“ подароци, односно оние што лицето кое ги примило не му се допаднале. Музејот ги покани граѓаните да донираат подароци кои едноставно не се за нив, на кои не им е посветено многу внимание при изборот или кои се „навистина ужасен подарок“, објавува „Торонто Сан“.

Според музејот, тие подароци „дадени од обврска, погрешна проценка или чиста апатија“ можат да најдат нов дом и да добијат шанса да блеснат, наместо да бидат закопани во длабочините на плакарот на примателот.

Иако повикот за поднесување беше објавен пред изложбата, кокураторката на музејот, Шари Касман, изјави за „Торонто Сан“ дека сите оние кои сакаат да придонесат за изложбата сè уште можат да ги донесат своите „подароци“ додека е отворена изложбата.

„Се фокусираме на сè што некој лично го смета за лош подарок и генерално не ги отфрламе апликациите освен ако предметот јасно не паѓа во духот на изложбата. Секогаш велиме дека лошиот подарок на една личност е богатство на друга личност. Затоа секој подарок во музејот е изложен со кратко објаснување зошто лицето кое го примило го сметало за лош подарок“, рече Касман.

Од подароците што се моментално изложени, Касман призна дека било „тешко да се избере“ кои се најлошите од најлошите, но конкретно спомена дека меѓу нив има античка кукла со ротирачка порцеланска глава што има три различни изрази на лицето, „од морничава до застрашувачка“.

Вториот предмет е „ѕверот од школки“, тешка скулптура направена од десетици зашилени школки што формираат „големо, шарено суштество“ што личи на полжав, а третиот најлош подарок е мала бакарна тава, каде што приказната зад подарокот е многу полоша од самиот подарок, бидејќи е купена со верување дека е со редовна големина, а се покажало дека тавата му е доставена на купувачот преку онлајн купување со дијаметар од само неколку сантиметри.

Подароците изложени во музејот се или позајмени или донирани, а донираните производи подоцна ќе бидат изложени на аукција, од која приходите ќе бидат предадени на банката за храна „Дневниот леб“. Како што објави Танјуг, изложбата ќе биде отворена до 4 јануари.