Забава
Популарните пејачки Мадона и Бритни го повторија бакнежот

На венчавката на популарната поп-пејачка Бритни Спирс, одржана оваа недела, Бритни и Мадона го повторија својот познат бакнеж од сцената, кој го разменија на доделувањето на МТВ наградите во 2003 година, пренесуваат агенциите.
Според написите, Бритни и Мадона потоа го изведоа хитот на Мадона „Like a Virgin“ заедно со Кристина Агилера. За време на настапот, кој го следеа поранешното момче на Бритни Спирс, Џастин Тимберлејк и тогашниот сопруг на Мадона Гај Ричи, Мадона ги бакна Бритни и Кристина во уста.
Оваа недела Мадона на социјалните мрежи објави фотографии на кои таа и Бритни повторно се бакнуваат, овој пат на свадбената прослава на поп принцезата. Бритни Спирс се омажи за Сем Асгари, фитнес тренер и модел, во нејзиниот дом во Лос Анџелес.
„Бритни изгледаш толку среќно и заљубено. Ти и Сем, ти посакувам се најдобро! Минатата ноќ беше забавна и испотена“, изјавила Мадона.
Мадона објавила и заедничка фотографија на која Донатела Версаче, Парис Хилтон, Селена Гомез и Дру Баримор позираат со Бритни облечена во раскошна венчаница од Версаче.
Бритни и нејзиниот сопруг се запознале на снимањето на спотот на „Slumber Party“ во 2016 година, а се вериле во септември минатата година. Во таа прилика пејачката изјавила дека запросувањето било „прилично доцна“. Свадбата се одржа неколку месеци по завршувањето на тринаесетгодишното старателство што го контролираше животот на Бритни Спирс. Тој контроверзен договор беше раскинат од Врховниот суд на Лос Анџелес во ноември минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Зеленски се сретна со Шон Пен, кој снима филм за Украина

Украинскиот претседател Володимир Зеленски на својот официјален Фејсбук профил сподели видео од средбата со Шон Пен.
„ Актерот и режисер Шон Пен снима документарен филм за војната во Украина. Од првиот ден на целосната инвазија, тој беше во Киев и со свои очи виде што е руска агресија. Наскоро целиот свет ќе може да ja види целата вистина за војната благодарение на неговиот филм. Шон, ти благодарам што ја поддржуваш нашата држава и нашиот народ!“, напиша Зеленски на видеото.
Пен се сретна со Зеленски во февруари, ден пред инвазијата и денот кога започна инвазијата.
„ Јасно беше дека сум во присуство на нешто… Тоа беше нешто ново за современиот свет во смисла на храброст, достоинство и љубов. Тоа беше извонреден момент. Начинот на кој ја обедини таа земја. Бев импресиониран и трогнат од тоа и преплашен од него и за Украина“, рече актерот за украинскиот претседател.
Тој исто така спомна дека неговата непрофитна организација прави се што може за да им помогне на луѓето во Украина, кои живеат во „мрачна нова реалност“.
Забава
Промоција на албумот на Влатко Илиевски со необјавени песни

По компилацијата со најголемите хитови на Влатко Илиевски – „За љубов се пее до крај“, објавена во 2020 година, на иницијатива на семејството на Влатко, на 2 јули ќе биде промовиран уште еден негов албум – „Последно танго“, составен од досега необјавени песни.
На денот кога Влатко ќе го прославеше својот 37. роденден, 2 јули 2022, точно напладне во ресторанот на ФК „Работнички“ во Градскиот парк, во присуство на неговите најблиски соработници и пријатели, првпат ќе бидат претставени песните, кои пред неговото трагично заминување беа подготвувани за неговиот нов студиски албум. Нешто што несомнено претставува музички тестамент на нашиот Влатче, велат организаторите на настанот.
Станува збор за колекција од 14 песни, кои авторски ги потпишуваат Кристијан Габроски, Владимир Дојчиновски, Ристо Самарџиев, Дарко Тасев, Весна Малинова…, како и легендарниот лидер на „Дивље јагоде“ – Зеле Липовача.
Зеле и Влатко, на радост на многубројните фанови, заедно го снимија големиот хит на „Дивље јагоде“ – „ Не желиш крај“.
Албумот содржи досега необјавени песни на носач на звук (некои фестивалски, две со златните славејчиња…), од кои половина се сосема нови и никогаш не се најдоа ниту на носач на звук ниту во радискиот етер, стои во соопштението.
Забава
Хуманитарен концерт во чест на Тоше на денот на неговиот прв концерт

В среда, 29 јуни, во спомен-куќата ќе се одржи хуманитарен концерт „Детска насмевка за овој свет“, кој ќе биде во чест на Тоше и од млади таленти ќе се интерпретираат негови песни.
Настанот ќе се одржи во спомен-куќата „Тодор Проески“, со почеток во 19.30 часот, а како организатор се јавува Play Without Boundaires со поддршка на спомен-куќата.
„29 јуни е ден што е особено значаен за Тоше, посебен ден во неговата кариера, ден на кој е запишан неговиот прв концерт на Градскиот стадион, кој сега е именуван по неговото име. Талентитани уметници, како Никола Зацески, Денис Димоски, Марија Груевска и Елена Петреска, ќе ги изведуваат безвременските хитови на Тоше, поддржани со музичките групи ‘Инвиктус’ и ‘Мелем’. Собраните средства ќе бидат искористени за набавка на неопходна медицинска опрема за тестирање слух кај новороденчиња во Македонија“, велат организаторите.