Забава
Селена Гомез верува дека славата во детството го забавила нејзиниот развој: Беше многу тешко време

Поп ѕвездата Селена Гомез неодамна откри дека мисли оти нејзината детска слава го запрела нејзиниот развој во дваесеттите.
Имено, во интервју за магазинот „Ел“, пејачката и актерка се осврнала на влијанието на славата во нејзиното детство и открила што би сакала да знае пред да зачекори во светот на познатите.
„Не се каам за ништо и имам фантастично семејство и правилата ги поставуваат моите родители и јас го ценам тоа. Сепак, мислам дека не би го направила тоа на многу млада возраст ако размислував за себе“ изјави Гомез.
Гомез објасни дека имало многу работи и ситуации поради кои се чувствувала како да заостанува зад другите.
„Додавањето голем притисок од другите луѓе не ми помогна да развијам чувство за себе во моите дваесетти. Тоа беше многу тешко време. Јас живеам со него секој ден“, изјави таа.
Поп ѕвездата призна дека се труди позитивно да гледа на светот и да се фокусира на проектите што ги сака.
„Се трудам да останам позитивна за се’ и да се фокусирам на работите што навистина ме прават среќна. Сепак, би им рекла на другите дека можеби треба да почекаат и да живеат малку“, додаде таа.
Инаку, Гомез својата актерска кариера ја започна со појавувањето во серијата „Barney & Friends“ во 2002 година кога имаше 10 години. Само пет години подоцна таа стана ѕвезда како главна актерка во „Волшебниците од Вејверли Плејс“ на каналот Дизни.
Таа подоцна ја прошири својата кариера во музичката индустрија со потпишување со Холивуд Рекордс и формирање на сопствен бенд. Во исто време, таа продолжи да снима филмови и музика. Поради болест, извесен период ја паузираше кариерата, но неодамна се врати и моментално работи на филмот „Емилија Перез“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Наука
230 милиони луѓе живеат во опасност од топењето на ледените покривки

Ново истражување покажува дека светските ледени покривки на Гренланд и Антарктикот се топат и се поместуваат. Ова може да предизвика пораст на нивото на морето и големи миграции од крајбрежните области.
Научниците сакале да дознаат која е „безбедната граница“ на глобалното затоплување за опстанокот на ледените покривки. Тие ги користеле податоците од сателити, климатски модели и други извори, дури и ДНК од октоподи.
Резултатите се загрижувачки. Дури и ако светот успее да го ограничи затоплувањето на 1,5 степени Целзиусови, ледениот покрив може да продолжи да се топи брзо. Тоа ќе доведе до зголемување на нивото на морето, што ќе има сериозни последици.
Ледените покривки на Гренланд и Антарктикот имаат доволно мраз што може да го подигне нивото на морето за околу 65 метри. Топењето на мразот е главната причина за порастот на морската вода. За последните 30 години, порастот на морето се забрзал двојно.
Околу 230 милиони луѓе живеат на помалку од еден метар надморска височина. Зголемувањето на морето ќе ги натера многу да се иселат од крајбрежните области.
Научниците велат дека е тешко точно да се предвиди кога ќе дојде до голем колапс на ледените покривки. Но, знаат дека опасноста постои и дека „безбедните“ температурни прагови сè повеќе се намалуваат.
Првично се мислеше дека покривките ќе се дестабилизираат при зголемување од околу 3 степени, но сега истражувачите сметаат дека не е доволно е ни 1,5 степен.
За да се спречи брз колапс, светот треба да го ограничи затоплувањето на најмногу еден степен над прединдустриското ниво. За тоа е потребно драстично намалување на согорувањето на фосилни горива. Сепак, тоа изгледа тешко, бидејќи многу земји, вклучително и САД, сè уште користат нафта, јаглен и гас.
Забава
(Видео) Чанта „Јастог“ – модно парче или луксузен фетиш за мажи?

Модно парче или луксузен фетиш за мажи? И чини повеќе од 15.000 евра
Чантата „Јастог“ (чанта во облик на јастог) од Луј Витон, која дебитираше во јануари, повторно ги преплави социјалните мрежи и модните портали.
Иако не е нова чанта, интернетот повторно полуде по ова бизарно парче, кое всушност е комбинација од статусен симбол и моден хумор.
Чантата е дизајнирана од Фарел Вилијамс во соработка со легендарниот јапонски дизајнер на улична облека Ниго, а беше претставена на машката ревија на Луј Витон за есен 2025 година.
Louis Vuitton FW25 Lobster bag by Nigo 🦞 pic.twitter.com/YdfT8U49uc
— Ovrnundr (@Ovrnundr) January 24, 2025
Чантата е, како што пишуваат странските медиуми, најголемата ѕвезда на колекцијата, иако е само дел од поширок „змиски момент“ што се протегаше низ целата линија – од приврзоците во облик на клешти до декорациите на популарните чанти „Keepall“.
Овој моден хит чини огромни 18.000 долари, но за најлојалните обожаватели на Луј Витон (и колекциите на Фарел), ова очигледно не е пречка.
Интересно е што јастогот како мотив не е ништо ново во модата – уште во 1937 година, Елса Скјапарели соработувала со Салвадор Дали на иконски фустан со принт од јастог, а темата за луксузни ракообразни животни повремено се враќа на модните писти преку работата на дизајнери како што се Џон Галијано, Том Браун и Филип Трејси (кои исто така создадоа декорација во форма на јастог за Лејди Гага во 2010 година).
Откако Фарел Вилијамс го презеде кормилото на машката мода на Луј Витон во 2023 година, тој воведе голем број интересни шари во чантите на брендот – како легендарната Millionaire Speedy со дијаманти или чантата со шари од вафли, која, иако никогаш не влезе во производство, предизвика многу реакции.
Судејќи според социјалните медиуми и модните портали, чантата со јастог повторно стана „ИТ“ парче ова лето. Одговорот на прашањето „зошто сега?“ може да лежи во комбинацијата од славата на Фарел, уличната естетика на Ниго и – секако – вечната моќ на Луј Витон да ги претвори обичните (или не толку обични) животни во луксузни фетиши.
Забава
Кисела Вода организираше бесплатна заедничка полуматурска забава

Синоќа во спортската сала на ООУ „Невена Георгиева Дуња“ се одржа првата бесплатна, заедничка полуматурска прослава за сите ученици од деветто одделение во Општина Кисела Вода. Настанот беше дел од проектот „Мисија Полуматура“, по иницијатива и организација на градоначалникот Орце Ѓорѓиевски и општината, што претставува нов пристап во одбележувањето на еден од најзначајните моменти за секој деветоодделенец.
На забавата настапуваа DJ Napster, дуото Два Бона и бендот Хепи Енд. На сцената настапија и самите полуматуранти, кои добија простор да го покажат својот талент.
Пред салата беше поставена и фото кабина и “дрво за пораки”, каде беа овековечени стотици насмевки и среќни спомени кои ќе ги следат полуматурантите во нивниот понатамошен живот.
„Јас, и како градоначалник и како човек, верувам дека секое дете, без разлика од која средина доаѓа, заслужува еднаква можност за радост, за убави спомени, за достоинствено одбележување на важните животни моменти. И токму затоа, вечерва – сите деветтоодделенци се еднакви. Без разлики, без поделеност. Оваа иницијатива не произлезе од некаков формален план или стратегија – произлезе од срце. Од вистинска потреба да покажеме дека можеме поинаку. Дека можеме да изградиме општина која навистина ги слуша младите – но уште поважно – општина која реагира и реализира. Ни беше важно не само да организираме прослава, туку да создадеме простор во кој вие, младите, ќе бидете активни креатори. И вие тоа го направивте“, рече градоначалникот Орце Ѓорѓиевски во своето кусо обраќање пред полуматурантите.