Презентерката Венди Вилијамс (55), една од најпопуларните радио и телевизиски ѕвезди во Америка, ги налути гледачите со своето однесување во своето ток-шоу The Wendy Williams Show, кое се емитува од 2008 година. Таа се исмевала со вродената мана на актерот Хоакин Феникс (45).

„Неговите продорни очи го прават привлечен, но во исто време тој изгледа многу чудно со таа лузна на горната усна. Како се вика тоа? Дали е тоа зајачка уста, расцеп на устата и непцето?“, праша Вилијамс. Притоа таа направила гримаса покажувајќи го тоа на себе.

Прв реагирал Адам Бигил (31), играч на американски фудбал, кој и самиот се родил со т.н. зајачка уста, а поради оваа вродена малформација морал да се оперира и неговиот мал син Бију.

Day 3
We are still waiting for a @WendyWilliams apology to the cleft community.

Outside of that, seeing everyone come together on social media to rally around her comments and actions has been truly amazing.

It’s clear we are making progress towards being able to #endbullying pic.twitter.com/lIXUa5i1vs

— Adam Bighill (@Bighill44) January 12, 2020

„Нејзините постапки се грозни, неприфатливи и навредливи и јавно повикуваат на малтретирање“, напиша спортистот на „Твитер“, а набргу потоа и пејачката Шер (73) ја нападна Венди Вилијамс.

Today is Beau’s big day. He is getting his lip repaired today in Winnipeg by the fantastic Dr. Ross. Thanks to everyone who has reached out, and in advance, thanks for any of your well wishes for Beau. He is so loved! #cleftstrong #1in700 #cleftcutie pic.twitter.com/n3MxaLvl5f

— Adam Bighill (@Bighill44) January 15, 2020

„Венди, засрами се! Која си ти воопшто? Треба да бидеш отпуштена“, рече Шер, која со години волонтира во Американското здружение за нега на деца со краниофацијални нарушувања.

Вилијамс на крајот се извини на „Твитер“ за суровите коментари што ги дала на сметка на Хоакин Феникс.

. @Bighill44 We’re thinking about Beau today as he is in surgery. I want to apologize to the cleft community and in Beau’s honor, our show is donating to @operationsmile and @AmerCleftPalate and encourage our Wendy Watchers to learn more and help support the cleft community.

— Wendy Williams (@WendyWilliams) January 16, 2020

Таа исто така вети дека ќе донира пари за операции за да им помогне на семејствата што се борат со такви состојби.

Балеарските Острови во Шпанија забранија среќни часови и понуди на неограничени пијалаци во некои од најпопуларните туристички места, во обид да се стави крај на т.н. „пијан туризам“.

Владата на островите – во кои спаѓаат Ибица и Мајорка – во петокот објави дека ги спроведува забраните за пет години во Аренал, Сант Антони де Портмани и Магалуф.

„Ние ги запираме ‘среќните часови’ и алкохолoт без ограничувања во областите кои се најпогодени од (нецивилизирано) однесување“, се вели во извештајот, тврдејќи дека ова е првата европска туристичка дестинација што го сторила тоа.

Покрај тоа, како што се намалуваат понудите што ги охрабруваат туристите да консумираат огромно количество алкохол, владата исто така забранува таканаречени „забави на брод“, како и „скокање помеѓу балкони“ во хотелите.

Баровите и пабовите кои нема да успеат да ги исполнат наведените услови се соочуваат со казни до 60.000 евра и затворање за најмногу три години. Во меѓувреме, на продавниците повеќе нема да им биде дозволено да продаваат алкохол по 21:30 часот навечер.

Балеарските Острови се меѓу најпопуларните туристички дестинации во Шпанија, со 13,8 милиони посетители во 2018 година, од околу 9 милиони во 2009 година. Многумина се млади луѓе од други европски нации кои се собираат на забави на острови како Ибица и Мајорка.

Европската вселенска агенција од Куру, Француска Гвајана, во четвртокот ја лансираше ракетата „Ариана Пет“ во вселената. Ова е прво лансирање во вселената за 2020 година, а со „Ариана Пет“ се пренесуваат два телекомуникациски сателити, Конект и ГСАТ-30, во нивните планирани трансфер орбити.

Платформата „Спејсбас Нео“ е резултат на европска соработка со учество и придонес од 17 земји членки на Европската вселенска агенција, со повеќе од 90% од платформата составена во Европа. Досега единаесет сателити на „Неосат“ се веќе продадени, од кои седум се „Спејсбас Нео“. Проектот за партнерство ЕСА создаде исклучителен поврат на инвестициите во државите учеснички на програмата и нивните индустрии.

Сателитот „Конект“ изграден е од „Талес Аленија апејс“ за „Еутелсат“, неговиот комерцијален оператор и е првиот сателит од новата производна линија „Спејсбас Нео“, развиен во рамките на проект управуван од страна на  француската вселенска агенција и ЕСА. Сателитите се дизајнирани да траат до 15 години.

Летот ВА251 беше 107-та мисија на „Ариана Пет“.

„Трката околу вселената“ меѓу САД и Европа продолжува и понатаму. Имено, на 25 јули 2018 година беа лансирани последните четири сателити на системот „Галилео“. Овој проект е од исклучително значење бидејќи има поголема точност од сегашната верзија на американскиот ГПС-систем.