Рок легендата Тина Тарнер почина на 83-годишна возраст. По бурниот брак со Ајк Тарнер, пејачката го запознала речиси две децении помладиот Ервин Бах, со кого остана до крајот на животот, а љубовта ја покажал со еден крајно неверојатен гест.

До декември 2016 година, здравјето на Тина Тарнер се влошило толку многу што пејачката била речиси на работ на смртта. Бубрезите во тој период и „работеле со 20 проценти“. Тогаш нејзиниот втор сопруг и голема љубов, Ервин Бах, донел одлука тој да и биде донор.

На пејачката и била потребна трансплантација, а на повидок немало донор. Тина зборува за сето тоа во нејзината автобиографија „Моја љубовна приказна“, нагласувајќи како најпрво се обидела да го наговори својот сакан да се откаже од намерата „бидејќи немало смисла тој да направи нешто такво само за да го продолжи животот на една постара жена за неколку години“.

„Мојата иднина е нашата иднина, тоа е подарок на љубовта“, и рекол тој.

Тина била оперирана на 7 април 2017 година и по извесно време поминато во болница успеала добро да закрепне.

Инаку, Тина и Ервин се запознале речиси точно три децении порано. Во тоа време таа го обиколи светот со турнејата „Private Dancer“, која и остави малку време за приватниот живот… Меѓутоа, штом го здогледа, срцето почнало да ѝ чука побрзо, а рацете и биле студени.

„Тоа е она што луѓето го нарекуваат љубов на прв поглед. Боже, не бев подготвена за тоа“ признава таа во својата книга, посочувајќи како подоцна дознала дека на почетокот и него го мачеле несигурности поради неа, бидејќи и тој веднаш се заљубил.

Целото богатство Тина Тарнер му го остави на сопругот.

По смртта на музичката дива Тина Тарнер, социјалните мрежи беа преплавени со пораки од нејзините обожаватели кои споделуваа спомени од неа и нејзините песни, а едно видео стана вирално.

Станува збор за настапот на Тина Тарнер и Бијонсе на Греми наградите во 2008 година. Пејачките заедно ја изведоа Proud Mary, а видеото од настапот моментално е хит на Твитер.

RIP Tina Turner! If you love Beyoncé, you need to love Tina Turner 🫶🏾. pic.twitter.com/YCmUxBexaC

— Madam Vice President Harris is THEE GOAT! (@flywithkamala) May 24, 2023

Инаку, Бијонсе со емотивна порака се прости од својот идол.

„Моја сакана кралица, те сакам бескрајно. Многу сум благодарна за инспирацијата и за сите начини на кои го трасираше патот. Ти си сила и издржливост, ти си олицетворение на моќта и страста. Сите ние сме толку среќни што сме сведоци на твојата добрина и прекрасен дух кој ќе живее вечно“, напиша Бијонсе.

Тина Тарнер почина во својот дом во Цирих по долго и тешко боледување. Детали за нејзиниот погреб се уште не се објавени.

Музичката легенда Тина Тарнер во текот на нејзината кариера собрала огромно богатство, проценето е на приближно 250 милиони долари. „Хелоу“ пишува дека Тина Тарнер го решила прашањето за нејзиниот имот години пред нејзината смрт и дека најмногу, му оставила на својот сопруг Ервин Бах (67).

Пејачката беше во брак со германскиот музички директор и продуцент 10 години. Тие се венчаа во 2013 година по повеќе од 26 години врска. Само три недели по венчавката, Тина доживеа мозочен удар. Ервин и го спасил животот со тоа што и го донирал својот бубрег во 2017 година.

Првиот син на Тина, Крег Рејмонд Тарнер, почина во јули 2018. Минатата година почина и вториот син на пејачката, Рони. Таа имаше два сина, Ајк Тарнер, Ајк Џуниор и Мајкл, кого го посвоила откако се омажила за бившиот сопруг.

Сепак, во 2018 година, Ајк Џуниор, откри дека не разговарал со мајка си речиси 20 години.

„Тина ме воспитуваше од две години. Таа е единствената мајка која некогаш сум ја познавал. Но, не сум зборувал со мајка ми, Господ знае колку долго – веројатно од 2000 година. Мислам дека и брат ми не зборуваше долго со неа. Мајка ми го живее својот живот – има нов сопруг и таа е во Европа. Не сака да има ништо со минатото“, изјавил тој за Дејли Мејл.

Зборувајќи за неговиот брат Мајкл, Ајк Џуниор рекол дека е во установа за опоравување во Јужна Калифорнија и има потреба од медицинска помош.

„Го посетив неколку пати. Супер му е. Тина не го посетува. Се што прави е да му праќа пари“, додал во таа прилика.

Тина почина од природна смрт во средата по долга борба со рак на дебелото црево, висок крвен притисок и трансплантација на бубрег. Имаше 83 години, а во својата долга кариера создаде бројни светски хитови.

Таа продала 200 милиони плочи, била вклучена на листата на Бесмртници – најголемите уметници досега, добила дури осум Греми и била вклучена меѓу музичарите во музејот на Куќата на славните на рокенролот.