Забава
Том Хенкс плачел зад камерата за да ѝ помогне на 12-годишната актерка да покаже емоции
Детската ѕвезда Хелена Зенгел, која се појавува заедно со холивудската легенда Том Хенкс во претстојниот филм News of The World, вели дека тој плачел за секоја сцена во која неа ја снимале одблиску обидувајќи се да ѝ помогне да покаже емоции на екранот.
Во разговор со „Холивуд репортер“ пред утрешната божикна премиера на филмот 12-годишната актерка открива дека актерот од А-листата се трудел да ја натера да го подигне својот перформанс.
„Тој буквално плачеше во секоја сцена, иако не беше во кадар – тоа го правеше кога јас бев во крупен план“, рече Зенгел, која ја игра Џоана Леонбергер заедно со капетанот Џеферсон Кајли Кид (Хенкс) во авантуристичката вестерн-драма.

Приказната на филмот следи еден ветеран од граѓанската војна, капетан Џеферсон, кој ја носи Џоана кај нејзините вујна и вујко. Тие патуваат стотици километри и се соочуваат со големи опасности додека го бараат местото што едвај може да се нарече дом.
Дејството се одвива по граѓанската војна во САД, а сторијата се фокусира на нивното епско патување низ поделената Америка. Во меѓувреме, тој чита вести во мали градови.
Хелена Зенгел, која почнала да глуми на возраст од пет години, е полна со пофалби за оскаровецот Хенкс (64) за неговата пожртвуваност како колега во филмот и желбата да ѝ помогне да биде подобра на екранот.

Детската ѕвезда, која е родена во Германија, додаде: „Да го правите тоа одново и одново за вашиот партнер, дури и кога не се гледате себеси во филмот, беше навистина неверојатно и прекрасно“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Малкумина знаат дека Џенифер Лопез има сестра – успешна новинарка и добитничка на „Еми“
Џенифер Лопез (56) и нејзината помлада сестра Линда (54) беа фотографирани од папараците додека уживаа во викендот во Хамптонс. Двете поминале ден на плажа и прошетка во есенска атмосфера, облечени лежерно, со топли џемпери и чизми.
Линда Лопез, која ретко се појавува во јавност, е успешна новинарка и телевизиска водителка, добитничка на награда „Еми“. Заедно со Џенифер ја основала семејната фондација, за помош на жени и деца до пристап за здравствена грижа.
Иако ја избегнува јавната сцена, Линда често ја поддржува својата славна сестра на хуманитарни и професионални настани.
View this post on Instagram
Забава
Шкорпиите сакаат контрола, Рибите бегаат од реалноста – најлошите навики на секој хороскопски знак
Секој хороскопски знак има свои слаби страни и навики што можат да создадат проблеми во односите или животот.
Oва се најлошите навики на секој знак.
♈ Овен – Нестрпливост
Импулсивни се и брзо „пламнуваат“ ако нешто не им оди по план.
♉ Бик – Тврдоглавост
Тешко прифаќаат промени и ретко ја менуваат еднаш донесена одлука.
♊ Близнаци – Недоследност
Започнуваат многу работи, но брзо го губат интересот и ретко довршуваат.
♋ Рак – Злопамтила
Премногу долго ги паметат неправдите и тешко простуваат.
♌ Лав – Постојана потреба за внимание
Желбата за признание лесно преминува во зависност од пофалби.
♍ Девица – Прекумерна критичност
Сè забележуваат и често претеруваат со коментари и забелешки.
♎ Вага – Одолговлекување
Стравот да не погрешат ги тера да одложуваат одлуки и шанси.
♏ Шкорпија – Поссесивност
Сакаат контрола и често ги проверуваат блиските.
♐ Стрелец – Избегнување одговорност
Бегаат кога обврските стануваат сериозни, во потрага по слобода.
♑ Јарец – Претерана посветеност на работа
Работат премногу и ги занемаруваат здравјето и личниот живот.
♒ Водолија – Емоционална дистанца
Тешко покажуваат чувства и делуваат студено, и кога не се такви.
♓ Риби – Бегство од реалноста
Сонуваат наместо да се соочат со проблемите, што ги враќа во ист круг.
Забава
Британски водител: Зависноста од порнографија ми го уништи бракот и животот
Британскиот телевизиски и радио водител Орe Одуба (39) откри дека зависноста од порнографија, која почнала кога имал само девет години, го уништила неговиот брак и длабоко го погодила психички.
Во подкастот „Треба да разговараме“ тој призна дека три децении молчел поради срам и страв, а отворено проговорил дури по разводот и смртта на својот татко.
„Требаа 30 години, две смртни случаи и еден развод за конечно да кажам што се случува“, изјави Одуба.
Тој истакна дека решил да ја сподели својата приказна за да ја подигне свеста за раната изложеност на деца на сексуални содржини.
„Ова го правам за своите деца и за сите млади кои можат да западнат во нешто што не го барале,“ рече.
Одуба се прослави во 2016 година со победата во „Стрикли кам денсинг“, а претходно работеше на детската емисија „Њузраунд“ на „Би-би-си“.

