Забава
Три хороскопски знаци на кои им се заканува раскинување за време на полна месечина

Според астролозите, на овие знаци на Зодијакот им се заканува раскинување за време на полната месечина во Водолија на 18 август 2024 година.
Ова може да биде крај за некои парови бидејќи имаат големи шанси да раскинат за време на полна месечина. Но, можеби не е толку лошо како што изгледа на прв поглед.
Полната месечина во Водолија ќе биде под влијание на Плутон. Тој секогаш има најзначајно влијание врз животот на луѓето, буквално подредувајќи ги сите аспекти. Оваа планета сега ги става нашите соништа, амбиции и планови во прв план – и каде промената е неизбежна. Тие се неизбежни бидејќи всушност ќе придонесат за развој.
Знаци на кои им се заканува раскинување за време на полна месечина во Водолија
Лав
Полната месечина се случува во вашиот партнерски сектор – тоа значи дека врските се на прв план, особено оние во малку непријатни сојузи. Ако вашата врска е на „стаклени нозе“, можеби ќе одлучите да раскинете. Бидејќи полната месечина се случува во моментот на транзит на Плутон од Водолија до Јарец – има работи што и двајцата треба да ги завршите. Имено, до ноември треба да одлучите дали ќе бидете заедно или вашите патишта засекогаш ќе се разминуваат.
Вага
Со полна месечина што се случува во вашиот љубовен сектор, Универзумот сака да размислите повторно како ја перципирате вашата среќа воопшто. Во вашиот случај, важно е вашата среќа да биде приоритет. А ако вашиот емотивен партнер не ве поддржува, туку само ви ја троши енергијата, подобро е да раскинете. Драги Ваги, наскоро ќе се уверите дека тоа е најдобро за вас.
Шкорпија
Полната месечина се појавува во вашиот дом и семеен сектор. Што значи тоа? Можеби ќе одлучите да се оддалечите од партнерот, да живеете подалеку од него или генерално да ја промените структурата на вашиот семеен живот. Да, за некои Шкорпии полната месечина може да донесе позитивни промени во личната сфера, но во најголем дел оваа лунарна фаза е под ваша контрола. Вашиот владетел Плутон сака да го промени начинот на кој живеете, што значи дека многу ќе се сменат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Hitech
„Чат ГПТ“ ќе може да се користи за генерирање еротска содржина

„Опен АИ“ објави планови за ублажување на ограничувањата на својот четбот „Чат ГПТ“, вклучително и дозволување еротска содржина за потврдени возрасни корисници, во согласност со она што компанијата го нарекува „третирај ги возрасните корисници како возрасни“.
Планот на „Опен АИ“ вклучува објавување ажурирана верзија на „Чат ГПТ“, што ќе им овозможи на корисниците да ја приспособат личноста на нивниот ВИ (вештачка интелигенција) асистент – вклучувајќи опции за поприродни, „човечки“ одговори, поинтензивна употреба на емотикони или попријателско однесување. Најзначајната промена се очекува во декември кога „Опен АИ“ планира да воведе посеопфатен систем за верификација на возраста, што би дозволил еротска содржина само за корисници што потврдиле дека се полнолетни. Компанијата не објави веднаш детали за методите за верификација на возраста или дополнителни заштитни мерки за таква содржина.
Во септември „Опен АИ“ лансира специјална верзија на „Чат ГПТ“ за корисници под 18 години, која автоматски пренасочува кон содржина соодветна за возраста и блокира експлицитен и сексуален материјал.
Компанијата исто така објави развој на технологија што ја проценува возраста на корисникот врз основа на тоа како комуницира со „Чат ГПТ“.
Во објава на „Икс“, извршниот директор на „Опен АИ“, Сем Алтман, рече дека построгите заштитни мерки воведени поради проблеми со менталното здравје го направиле четботот „помалку корисен и забавен за многу корисници што немаат проблеми со менталното здравје“.
Построгите безбедносни контроли беа воведени откако Адам Реин, тинејџер од Калифорнија, изврши самоубиство оваа година; Неговите родители поднесоа тужба во август, тврдејќи дека „Чат ГПТ“ му дал конкретни совети за тоа како да го направи ова. Само два месеци подоцна, Алтман изјави дека компанијата успеала во ублажување на сериозни проблеми со менталното здравје.
Федералната трговска комисија на САД (FTC) исто така почна истрага за неколку технолошки компании, вклучувајќи ја и „Опен АИ“, за тоа како четботовите со вештачка интелигенција може негативно да влијаат врз децата и тинејџерите.
Забава
Почнува „ПМГ рекордингс-фестивал 14“ во МНТ и во „Јавна соба“

Од 16 до 18 октомври, љубителите на новиот звук ќе се сретнат во Јавна соба и МНТ, каде ќе се одржи „ПМГ Рекордингс Фестивал 14“ – тридневен музички настан, кој носи современа фузија на електроника, поп, поезија и трап.
Фестивалот започнува утревечер, 16 октомври, во 21 часот во Јавна соба, со настап на Александар Велики, кој ќе го отвори фестивалот со динамичен концертен настап со интелигентна мелодичност и танцова атмосфера. Истата вечер ќе настапат и Donplaya & Prince$$ Donatsu, највлијателното трап-дуо од Битола, чии уникатен израз ги спојуваат музиката, уметноста, рапот и комедијата, оставајќи силен белег врз новата генерација.
Влезот на настанот е бесплатен.
Втората фестивалска вечер, на 17 октомври, ќе се одржи на малата сцена во МНТ со почеток во 20 часот и ќе биде посветена на електронската музика во дијалог со поезијата. L.O.V.D ќе ја претстави својата авторска електронска продукција во живо, додека Поетроника, проектот на Оливер Митковски и Андреја Салпе, кој во поетско-звучен амбиент на уникатен начин ја претставуваат македонската поезија придружена од електронска музика. Вечерта ќе ја заокружи Blackstate, со моќен настап што ги спојува синт попот, експерименталната електроника и хардкор-панк естетиката во моќен музички израз за сложените емоции на современото време.
Билети: mnt.mk
Големото финале следува на 18 октомври во Јавна соба, со настап на хрватскиот MANGROOVE – еден од најреномираните поп-состави во регионот, кои првпат ќе настапат пред македонската публика. Нивниот настап ќе биде кулминација на фестивалот, исполнет со енергија, свежина и емотивност. Вечерта ќе ја отвори Марија Каева, со својот електро-поп настап преполн со синглови и мелодии од албумот „Фортуна“.
Билети: bileti.drugastrana.mk
„ПМГ Рекордингс Фестивал“ го основа Мирко Попов во 2008 година. Со 13 реализирани изданија, фестивалот ја поддржи и промовира новата и квалитетна музичка продукција. Подготовките за 14-то издание започнаа во 2023 година со Попов, а годинашнава реализација е резултат на работата на тимот на фестивалот, заедно со музичарите и партнерите, со програма посветена на неговиот роденден.
Фестивалот се реализира со поддршка на Министерството за култура и туризам, во организација на здружението „Крај Вардарот“, а партнери се Јавна соба и Македонски народен театар.
Забава
(Фото) Холивудската актерка во јавност по долго време, сите се прашуваат: „Чие лице е ова?“

Актерката и кантавторка Менди Мур присуствуваше на доделувањето на наградите „Step Up’s Inspiration“ во Лос Анџелес кон крајот на септември оваа година, а деновиве нејзините фотографии се проширија низ интернет.
За таа пригода, таа одлучи да облече црно кожно мини здолниште кое совршено го комбинираше со бел сатенски топ. Облеката ја истакна нејзината видливо витка фигура, а целиот стајлинг го комплетираше со впечатлива шминка и црвен кармин.
Сепак, токму нејзината физичка трансформација крена најмногу прашина.
Обожавателите на актерката беа збунети од нејзината промена на изгледот, три години откако заврши со снимањето на серијата „This Is Us“. Некои дури рекоа дека воопшто не ја препознале на фотографиите, и почнаа да шпекулираат дека Менди направила козметички процедури.
„Искрено сум збунета, не можам да разберам како ова може да биде истата личност. Менди Мур беше природна убавица, зошто би морала да се подложи на процедури до тој степен што стана непрепознатлива?“.
„Жал ми е, но дали некој друг ја видел Менди Мур во последно време? Ова е толку различно од лицето со кое е родена“, „Не сум изненадена дури ни од знаците на стареење, туку од фактот дека оваа личност воопшто не личи на Менди“, беа некои од коментарите на социјалните мрежи.
Менди и претходно предизвика шпекулации за козметички процедури, но никогаш не призна во јавноста. Пред седум години, таа коментираше за гласините дека имала операција на носот.
„Се сеќавам дека видов објава во која пишуваше дека имам операција на носот. Помислив, чудно е – носот ми е прилично несовршен… Не знам, можеби беше чудна фотографија, можеби шминкерот погрешно ми стави шминка или нешто слично. Луѓето мислат дека секој во Холивуд имал операција на носот или нешто слично, но тоа не е секогаш точно“, рече таа во тоа време.
фото: принтскрин