Забава
(Фото) Познатата црвенокоса актерка не се плаши да го покаже своето лице без ни малку шминка

Познатата актерка Џулијан Мур (64) ги помина изминатите неколку дена во Италија со своето семејство, споделувајќи фотографии од таму секој ден.
Оваа добитничка на Оскар се смета за една од најубавите природни жени во Холивуд, а со својата најнова фотографија без ни трошка шминка, буквално ги сруши социјалните мрежи.
Грациозното стареење е нешто за кое зборувала и претходно. Џулијан позираше во црно бикини, но фокусот беше на нејзиното лице, а таа не се срамеше да покаже како изгледа кога е далеку од рефлекторите и шминкерите.
„Постојат толку многу мислења за терминот грациозно стареење. Дали постои непристоен начин на стареење? Стареењето не е опција, никој не избира да старее, па затоа не е ниту позитивно ниту негативно, едноставно е“, изјави таа за списанието „As If“.
„Шминката треба да биде нешто што сакате да го носите, а не нешто што мора да го носите. Мислам дека идејата дека користиме шминка за да ги прикриеме недостатоците или да изгледаме професионално е застарена. Можете да бидете професионални и без шминка. Шминката треба да биде желба, а не неопходност“, нагласува таа.
Џулијан постојано повторува дека ги обожава своите пеги и природната боја на кожата и дека не сака да ги прикрива со шминка.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Методот 6-6-6 го освојува светот: доведете го вашето тело до совршенство без напор

Ако мислевте дека одењето е здодевно, можеби ќе сакате повторно да размислите и сами да се уверите дека не е.
Нов фитнес тренд што го зафаќа Тик-ток докажува дека понекогаш наједноставните работи можат да функционираат најдобро. Тоа е методот „6-6-6“ – лесен, забавен и неверојатно ефикасен и за телото и за умот.
Целиот трик е едноставен: 6 минути лесно одење за загревање, потоа 6 минути енергично одење за да ја забрзате циркулацијата на крвта и метаболизмот, и конечно 6 минути опуштање за да му помогнете на вашето тело да премине во мирна состојба на релаксација.
Флексибилно е, може да се вклучи во кое било време од денот и е совршено за сите возрасти – од почетници до искусни вежбачи.
Личен тренер од Лос Анџелес објасни за Фокс Њуз: „Одењето е мојот начин да го ресетирам мојот ум, да ја смирам мојата анксиозност и да го одржувам моето тело во движење дури и кога не вежбам интензивно.“
И затоа сè повеќе луѓе низ целиот свет избираат да го вклучат овој тренд во нивната дневна рутина.
Зошто „6-6-6“ е толку добар за вас?
Прво, се фокусира на конзистентност, а не на напор. Нема исцрпувачки тренинзи, но телото сепак губи маснотии и станува посилно – идеално за оние кои сакаат резултати без драстични напори. Студиите од Националните институти за здравје покажуваат дека редовното одење:
- го подобрува кардиоваскуларното здравје
- го намалува крвниот притисок
- помага во регулирањето на холестеролот
Иако не гради мускули како теретана, ги зајакнува мускулните влакна со бавно грчење, кои помагаат во издржливоста и спречуваат губење на мускулите со возраста. Плус, ја подобрува целокупната кондиција, согорува маснотии и го одржува телото активно.
Совети за совршен чекор
- Држете го ‘рбетот исправен, стомачните мускули навнатре, градите напред и рамената назад
- Не ги прекрстувајте нозете додека одите
- Започнете со 20 минути ако сте почетник, а искусните одачи можат да го зголемат интензитетот и времетраењето
- Најважно од сè – слушајте го вашето тело и прилагодете го темпото
Ако сакате да видите како вашето тело и расположение се менуваат практично преку ноќ, ова е вистинскиот начин да воведете движење во вашата дневна рутина. И да, одењето никогаш не било толку популарно на Тик-ток!
фото: принтскрин
Забава
(Фото) Селена Гомез се омажи: венчаница од најубавата бајка, а таа блеска од среќа

Пејачката и глумица Селена Гомез и музичкиот продуцент Бени Бланко го кажаа своето судбоносно „да“.
Раскошната церемонија беше организирана во Калифорнија, гостите беа сместени во луксузен спа-центар, од каде што автобус ги однесе до самата свадба.
Сè беше подредено на нивните желби, а како што се наведува, 300.000 долари беа издвоени само за безбедноста и приватноста на сите.
Селена блескаше во прекрасна венчаница од Ралф Лорен, а објави и неколку фотографии од свадбата на социјалните мрежи.
Елегантниот фустан имаше струкиран корсет украсен со цветни мотиви, а интересно е што оделото на младоженецот беше дело на истиот дизајнер.
Меѓу гостите беа Тејлор Свифт и Парис Хилтон.
Селена Гомез и Бени Бланко се познаваат многу години, но јавно ја потврдија својата врска во 2023 година, а Бени ја побара за жена следната година.
Како што претходно наведоа во своите изјави, тие ќе ги задржат сите детали од свадбата за себе, па затоа останаа доследни на тоа, и нема дополнителни детали во врска со нивната церемонија.
Забава
Есента пристигна, време е да се зајакне имунитетот

Со доаѓањето на есента, деновите стануваат пократки, температурите се намалуваат, а времето сè почесто е променливо. Овие услови носат поголем ризик од настинки и вирусни инфекции, па затоа потребно е навремено да се зајакне имунитетот.
Лекарите потсетуваат дека здравиот имунолошки систем е клучен за справување со сезонските предизвици. Тие советуваат редовна и разновидна исхрана богата со свежо овошје и зеленчук, кои се извор на витамини и антиоксиданси. Особено се препорачуваат намирници богати со витамин Ц, како цитрусното овошје, кивито и пиперките.
Физичката активност, дури и во поладните денови, исто така е од големо значење. Брзото пешачење, лесното трчање или вежбањето дома можат да помогнат во одржување на енергијата и подобрување на општата состојба на организмот.
Стручњаците дополнително советуваат доволно сон и намалување на стресот, бидејќи тие се меѓу најчестите фактори кои го ослабуваат имунитетот.
Есента може да биде убава и пријатна, доколку се грижиме за нашето здравје и превентивно го зајакнеме организмот за студените денови кои следуваат.
-
Вклучете повеќе овошје и зеленчук – јаболка, круши, киви, цитрусно овошје, моркови и тиква. Овие намирници се богати со витамини Ц и А, кои го зајакнуваат организмот.
-
Консумирајте намирници богати со цинк – ореви, семки од тиква, интегрални житарки и мешунки, бидејќи цинкот игра важна улога во одбраната од инфекции.
-
Додајте пробиотска храна – јогурт, кефир и кисела зелка, кои ја поддржуваат здравата цревна флора и го јакнат имунитетот.
-
Не заборавајте на топли супи и чорби, особено оние со зеленчук и домашна пилешка супа, кои се вистинска „вакцина“ од природата во студените денови.
-
Вклучете мед и ѓумбир во секојдневната исхрана, познати по своите антибактериски и антиинфламаторни својства.
Топли чаеви за есенски денови
-
Чај од ѓумбир и лимон – ја подобрува циркулацијата и ја зајакнува одбранбената моќ на телото.
-
Чај од шипка – богат со витамин Ц, помага против замор и настинки.
-
Чај од камилица – го смирува телото, го намалува стресот и помага за подобар сон.
-
Чај од мајчина душица и нане – корисен за дишните патишта и во борба со кашлица.
-
Зелен чај – природен антиоксиданс, кој го зајакнува