Забава
(Фото) Тајната за совршениот есенски изглед: новиот тренд за шминкање ги освојува улиците
Како што летото се претвора во есен, нашата шминка се префрла на потопли, побогати тонови.
Таканаречениот toasty make-up тренд носи бронзени, земјени нијанси, кои совршено го надополнуваат исончаниот тен и внесуваат допир на есен во нашата рутина за убавина.
Стилот toasty make-up слави топлина, природна свежина и мекост бакната од сонцето. Замислен е како преоден изглед помеѓу летото и есента, идеален за истакнување на исончаниот тен. Овој тренд се карактеризира со богати бронзени, теракота, праска и црвеникави нијанси, кои беспрекорно се вклопуваат со кожата создавајќи sun-kissed ефект.
View this post on Instagram
Како да постигнете toasty make-up?
1. Свеж тен
Почнете со лесна подлога како BB крем или хидратантен крем во нијанса што ќе го изедначи вашиот тен и ќе обезбеди природен сјај. Користете посветла нијанса на коректор под очите и во средината на челото за да создадете свеж ефект.
2. Топол бронзер и руменило
Нанесете бронзер од теракота или праска на вашите јаболкца, на слепоочниците и на вилицата за да создадете контура и сончев изглед. Нанесете руменило во боја на праска во средината на образите и на носот за исончан ефект.
View this post on Instagram
3. Суптилен хајлајтер
Нанесете златен или хајлајтер во нијанса на шампањ на врвот на јаболкцата и на внатрешните агли на очите за природен сјај.
4. Земјени очи
Нанесете теракота, праска или бронзена сенка за очи на очните капаци. За дополнителна длабочина, нанесете кафеав ајлајнер по горната линија на трепките и завршете со неколку слоја маскара.
5. Природни усни
За усните, изберете кармин во нијанса на праска, карамела или кафеава боја. Нанесете моливче за дефиниција, а потоа додадете балсам или сјај за природен финиш.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Храната што го штити мозокот и го намалува ризикот од деменција
Научниците истакнуваат дека исхраната силно влијае на здравјето на мозокот. Лошата храна може да ја зголеми воспаленоста и да го забрза когнитивното опаѓање, додека правилната исхрана го намалува ризикот од деменција и Алцхајмерова болест.
Според експертите, најкорисни намирници за мозокот се:
Авокадо – богато со здрави масти кои ја подобруваат енергијата на мозокот и ги намалуваат васкуларните ризици.
Брокула – содржи сулфорафан, силен антиоксиданс со противвоспалително дејство.
Боровинки – богати со флавоноиди кои ја подобруваат неуропластичноста и протокот на крв во мозокот.
Јајца – жолчката е богат извор на холин, важен за памтењето и функцијата на нервниот систем.
Масна риба (лосос, сардини, скуша) – богата со омега-3 масни киселини што го намалуваат штетниот бета-амилоид.
Лиснато зеленчук (спанаќ, кељ) – полн со витамини, минерали и антиоксиданси; го подобрува когнитивното функционирање.
Туна – содржи тирозин за создавање допамин и норепинефрин и креатин за подобра хидратација на клетките.
Куркума – има силно противвоспалително и неурозаштитно дејство.
Ѓумбир – антиоксидативен и противвоспалителен, корисен за когнитивни функции.
Ферментирана храна – кефир, јогурт, кисела зелка; ја поддржува „оската црева-мозок“ и здравиот микробиом.
Забава
Скандал во Италија: Статуата на Павароти „заробена“ во мраз, вдовицата огорчена
Во италијанскиот град Пезаро избувна скандал откако бронзената статуа на Лучијано Павароти заврши заробена во мразот на новогодишното лизгалиште. Ситуацијата дополнително се влошила кога градоначалникот ги повикал лизгачите да му „дадат петка“ на тенорот додека минуваат покрај него, што ја разгневило неговата вдовица, Николета Мантовани.
Таа изјавила дека поставувањето на многу грдото лизгалиште околу споменикот е навреда и непочитување кон сеќавањето на Павароти. Фотографиите од статуата до колена заглавена во мраз предизвикаа бурни реакции на интернет.
Questa è la grandissima idea della Giunta comunale di #Pesaro che ha deciso di ridicolizzare la figura di #Pavarotti davanti al Teatro Rossini inserendo la sua statua in una pista di pattinaggio.
Maestro Pavarotti abbia pazienza: in Comune non sanno quello che fanno. pic.twitter.com/2Fn94WCqUZ
— Nardelli (@Massi_Nardelli) November 29, 2025
Мантовани изјавила дека е разочарана, лута и вознемиренам нагласувајќи дека ваквата поставеност го нарушува имиџот и почитта што тенорот ја заслужува.
Градоначалникот Андреа Бианкини подоцна се извинил, признавајќи дека градската управа направила грешка и дека не постоела намера за навреда. Сепак, преместувањето на статуата не е возможно пред отворањето на празничната атракција, бидејќи би било скапо и ризично за споменикот.
Статуата во природна големина, откриена минатата година како трајна почест на Павароти, сега е „заглавена меѓу огради и празнични светилки“, пишува Il Resto del Carlino.
Забава
Безос и Санчез донираат 102 милиони долари за помош на бездомниците
Џеф Безос и Лорен Санчез ќе донираат 102,5 милиони долари за организациите што им помагаат на бездомните семејства во САД. Санчез во емисијата Good Morning America соопшти дека парите ќе бидат распределени преку фондацијата „Day One Families Fund“ и ќе одат кај 32 непрофитни организации низ целата земја.
Таа изјави дека целта е да им се помогне на семејствата да се стабилизираат и повторно да го изградат својот живот.
„Во можност сме да донираме повеќе од 100 милиони долари и тоа за многумина претставува огромен чекор напред“, рече Санчез, додавајќи дека ова е само почеток на долгорочната иницијатива.
Донациите годинава стигнале во сите сојузни држави, со поддршка од тим локални советници кои ги препознаваат потребите на заедниците.
Безос и Санчез се венчаа во јуни во Венеција, на церемонија со многу познати личности. Тие се во врска од 2019 година, а Безос ја запроси во 2023 година.

