Бакингемската палата објави дека ќе започне истрага за наводите на британскиот весник „Тајмс“ за тоа дека Меган Маркл малтретирала некои членови на персоналот пред таа и британскиот принц Хари да ги напуштат кралските должности.

Најавено е дека тимот за човечки ресурси детално ќе испита сè, како и дека ќе бидат испитани вработените кои во тоа време работеле во палатата.

„Во Бакингемската палата не е дозволено вознемирување на работното место“, се вели во соопштението.

Целата приказна започна со пишувањето на „Тајмс“ за тоа како, наводно, поради однесувањето на Меган Маркл двајца вработени дале отказ како и дека ја потценила довербата на друга вработена.

Портпаролот на војвотката од Сасекс ги отфрли обвинувањата, пренесува Си-ен-ен.

Принцот Хари и Меган Маркл ќе разговараат за сè што е поврзано со кралското семејство во интервјуто со американската водителка Опра Винфри, кое ќе се емитува в недела.

Брендот што го носи името на поранешната sвезда меѓу дизајнерите, Емилио Пучи, во новата колекција му оддава почит на славниот креатор и неговите мотиви со јаки тонови.

Дизајнерскиот тим на брендот „Пучи“ стилски се реферира на наследството на италијанската модна куќа, а тоа се мотиви и дезени препознатливи во целиот свет.

Во текот на шеесеттите и седумдесеттите светлите нијанси беа хит, а Емилио Пучи го нудеше идеалното – тесно, кусо и привлечно.

Една од креациите што ќе ја гледаме насекаде во текот на претстојната пролет се практични панталони со џебови, во придушени нијанси на зелена боја, а освен патики, се носат и на чизми и на сандали.

Ретро панталоните инспирирани од стиловите во седумдесеттите се враќаат на сцената во низа интересни комбинации.