Забава
Холивудска агенција го критикува „Дизни“ во спорот за „Црна вдовица“
Една од најголемите холивудски агенции за таленти во петокот (30 јули) упати остри критики на сметка на филмското студио „Дизни“ во ескалирачкиот јавен спор околу тврдењата на Скарлет Јохансон дека изгубила пари со стримувањето на нејзиниот филм „Црна вдовица“.
Брајан Лорд, ко-претседател на Агенцијата за креативни уметности (Creative Arts Agency), го обвини „Дизни“ дека го нападнал ликот на актерката и открил дека ѝ биле платени 20 милиони долари за филмот „во обид да го наоружа нејзиниот успех како уметник и деловна жена“.
Изјавата на Лорд, кој исто така ја застапува Јохансон, доаѓа еден ден по веста дека sвездата на „Црна вдовица“ поднела тужба со која го обвинува „Дизни“ за прекршување на договорот со неа со објавување на филмот од 9 јули на својата стриминг-платформа во исто време кога се прикажуваше во кината, со што го намали нејзиниот очекуван удел од профитот на киноблагајните.
Тужбата предизвика шок во Холивуд додека медиумските компании се обидуваат да ги зголемат своите стриминг-услуги, нудејќи премиум содржини во исто време или речиси во исто време кога филмовите се прикажуваат во киносалите, иако многу од нив се затворени среде пандемија на Ковид-19.
Јохансон (36), една од најпопуларните актерки во Холивуд и меѓу оние со најголема заработка, сними девет Марвелови филмови со „Дизни“.
„Дизни“ возврати во четвртокот со соопштение во кое тужбата на Јохансон ја нарече неоснована. Исто така, откри дека таа добила 20 милиони долари за филмот. „Тужбата покажува бесчувствително игнорирање на последиците од пандемијата,“ наведе компанијата.
Деталите за холивудските филмски договори и какви било спорови обично се решаваат зад затворени врати.
Еден ден по соопштението на компанијата, Брајан Лорд коментираше: „Дизни бесрамно и лажно ја обвини госпоѓа Јохансон дека нема чувство за глобалната здравствена криза.“
„Дизниевиот директен напад врз нејзиниот лик и сè друго што имплицираа е под нивото на компанијата со која многу од нас во креативната заедница успешно соработувавме со децении,“ додаде Лорд.
„Црна вдовица“, сторија за поранешна руска атентаторка која потоа станува одмаздник, заработи 80 милиони долари на киноблагајните во САД и Канада во текот на првиот викенд. Филмот генерираше и дополнителни 60 милиони долари преку Дизниевиот стриминг-сервис „Дизни плус“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Ве прават да изгледате барем 10 години помлади: Ова се боите на косата за жени во педесеттите години
Постојат нијанси кои се покажаа како особено ласкави, омекнувајќи ги цртите на лицето и враќајќи им топлина, што ги прави идеални за жени над педесет години.
На која било возраст, бојата и стилот на косата се лична одлука – и навистина, сè е дозволено. Најважно е да го пронајдете она со што се чувствувате најдобро, без разлика дали ќе одлучите да ја прифатите вашата седа коса или да си играте со топли бакарни, нежни руси или темно кафени тонови.
По 50-тите години, косата станува моќна алатка за изразување стил, но и суптилен сојузник во создавањето свеж, одморен изглед.
Експертите се согласуваат за едно: возраста не е ограничување. Напротив, многу жени имаат поголема самодоверба и храброст да експериментираат. Сепак, постојат нијанси кои се покажаа како особено ласкави, омекнувајќи ги цртите на лицето и враќајќи им топлина.
Медено руса
Медено русата е една од оние бои кои го освежуваат лицето речиси веднаш. Благодарение на топлите, златни подтонови, кожата изгледа посветла и поздрава, а целокупниот впечаток е помек и понежен. Оваа нијанса особено им одговара на жените со потопол, маслинесто или златен тен.
Пепелаво руса
За жените кои сакаат постудени тонови, пепелаво русата може да биде исклучително елегантен избор. Изгледа уредно, рафинирано и модерно, особено ако е добро прилагодена на тенот. Најдобро стои на светла или неутрална кожа, и важно е да не биде премногу светла.
Цимет кафеава
Потемните бои не се забранети по 50-тата година, но клучот е во топлината. Цимет кафеавата внесува длабочина без да создава премногу остар контраст на лицето. Оваа нијанса изгледа природно, елегантно и многу ласкаво, особено со маслинеста и неутрална кожа.
На кои бои е подобро да се каже не?
Иако нема правила, одредени нијанси можат да го нагласат она што би сакале да го ублажиме:
– интензивната црна често создава силен контраст што може да ги нагласи брчките и заморот на лицето
– многу светла, ладна руса може визуелно да го „испере“ тенот и да ја направи кожата безживотна
– претерано светлите бои, како што се изразената црвена или огнениот бакар, често изгледаат вештачки и можат да изгледаат премногу агресивно во споредба со природниот тон на кожата.
Забава
(Фото) Таа не излегува од дома без длабоко деколте: Софија Вергара повторно ги привлече сите погледи
Софија Вергара, која секогаш привлекува погледи со своите модни комбинации, и овој пат успеа да го воодушеви љубопитниот свет. Неодамна се појави на премиерата на документарецот за Парис Хилтон „Infinite Icon: A Visual Memoir“ во Лос Анџелес, а за таа пригода одлучи да облече секси креација.
По црвениот тепих прошета во тесна кожна облека која ја следи линијата на нејзиното тело и ги прегрнува нејзините облини. Бордо креацијата ја истакнува нејзината витка фигура, но и нејзините бујни гради. И токму во овој дел лежи целиот шарм на оваа облека – длабоко деколте кое ги истакнува нејзините најголеми атрибути.
Својот стајлинг го комплетираше со минималистичка шминка во природни тонови, а косата ја стилизираше на наједноставен начин – се одлучи за меки бранови кои паѓаа по рамената.
Фотографиите ги сподели и на социјалните мрежи, а сите ѝ кажаа едно – дека е вистинска бомба.
Забава
(Видео) Мишел Обама помина низ пекол како прва дама на САД, сега има порака за сите млади жени
Мишел Обама, поранешна прва дама и сопруга на поранешниот американски претседател Барак Обама, неодамна се појави во подкастот на Алекс Купер „Call Her Daddy“. Таа зборуваше за своето минато и нејзината темна страна.
Мишел рече дека медиумите секогаш издвојувале неважни детали кога пишувале вести и наслови за нејзините јавни појавувања.
„Насловот би бил сè што носев – не моето образование, не мојата професионална кариера, туку мојот изглед“, рече таа. „Беше очигледно – луѓето немаа поим што правев пред да станам прва дама“, рече таа.
Потоа го потсети светот дека е адвокатка која дипломирала на Универзитетот Принстон, а исто така го завршила и Правниот факултет Харвард.
„Работев во професијата. Бев консултант во канцеларијата на градоначалникот на Чикаго. Водев непрофитна организација. И одеднаш моите чевли станаа најважното нешто за мене“, рече таа. „Треба да бидеме повнимателни за рамнотежата и пораките што ги испраќаме – и ги апсорбираме“.
Конечно, таа им се обрати на младите жени што сака да ги охрабри да преземат големи чекори. „Ни требате. И знајте дека – можеби нема да успеете секогаш, можеби и ќе паднете, но продолжете понатаму“, заклучи таа.
Руте: Не разговарав со Трамп дали Гренланд ќе остане под Данска
Генералниот секретар на НАТО, Марк Руте, доцна синоќа изјави дека на состанокот со Доналд Трамп не било разговарано дали Гренланд...
(Видео) Поплави и одрони на Нов Зеланд: се трага по исчезнати лица
Службите за итни случаи на Нов Зеланд бараат неколку лица, вклучувајќи и едно дете, кои се водат како исчезнати откако...
(Видео) Републиканците бараат да им се суди на Бил и Хилари Клинтон за нивната поврзаност со Епштајн
Републиканскиот комитет на Претставничкиот дом на САД препорача поранешниот претседател Бил Клинтон и поранешната државна секретарка Хилари Клинтон да се...
Вучиќ: Отсега па натаму, историјата ќе се пишува поинаку
Претседателот на Србија, Александар Вучиќ вчера, на маргините на Светскиот економски форум во Давос, Швајцарија, изјави дека е сигурно дека...
Откриено е што може да добие Трамп на Гренланд
Американскиот претседател Доналд Трамп вчера објави дека постигнал рамковен договор со НАТО „во врска со Гренланд“, а според „Њујорк тајмс“,...
(Видео) Путин пресмета колку ќе чини Гренланд
Рускиот претседател Владимир Путин се обиде да ја дистанцира Москва од дебатата за Гренланд. „Што ќе се случи со Гренланд...
Снег со слаб интензитет провејува во Струмица, Крушево и Ѓавато кој не се задржува на коловозот
АМСМ информира дека сите државни патишта се проодни и безбедни за сообраќај. Сообраќајот се одвива непречено, но поради врнежите од...
(Видео) Ѓорѓиевски: Додека градот спие, ние сме будни, грижата за граѓаните не познава пауза
Заедно со дежурната зимска служба на Град Скопје, во текот на целата ноќ сме на терен, на улиците и булеварите...
Трамп објави договор со НАТО за Гренланд и ги одложи царините за Европа
Претседателот на САД, Доналд Трамп, објави дека по состанокот со генералниот секретар на НАТО, Марк Руте, е формирана рамка за...
Мицкоски на средба со сопственикот на компанијата „Фор-ај-џи“, ќе се инвестираат 100 милиони евра во развој на третиот мобилен оператор во Македонија
Премиерот, Христијан Мицкоски, во рамки на форумот во Даовс се сретна со сопственикот на компанијата „Фор-ај-џи (4iG)“, која ќе инвестира...
(Видео) Филипче: Нема да го поддржиме законот за „Безбеден град“
Ние сме конструктивна опозиција, но не сме контролирана опозиција, посочи претседателот на СДСМ, Венко Филипче, во одговор на новинарско прашање,...
Минчев најави реформа во администрацијата: Нема доживотни функции, нема недопирливи
Министерството за јавна администрација денес ја започна јавната дискусија по нацрт-верзијата на Законот за високи раководители во органите на државната...
(Видео) Ѓорѓиевски: Скопје чисто и проодно, фрлени се 300 тони сол
Градоначалникот на Град Скопје, Орце Ѓорѓиевски, објави видео од чисти улици и кажа дека се фрлени 300 тони сол. „Скопје,...
Со новиот закон ќе биде забрането пушењето цигари пред игротеки и на места каде што се чека во редица за билети
Со новиот предлог-закон за заштита од пушењето е предвидено регулирање на пушењето на отворени јавни простори каде има присуство или...
МВР предупредува: Не наседнувајте на лажни пораки во име на директорот на БЈБ и од Единицата за сајбер безбедност
Во МВР пристигнуваат пријави од граѓани за добиенa електронска порака наводно во име на директорот на Бирото за јавна безбедност...
Објавено колку Македонци живеат во Германија
Повеќе од 14 милиони странци живеат во Германија, а Украинците станаа втора најголема група странски државјани и наскоро би можеле...
Понудил за 100 евра да избрише судска казна од 200 евра: уапсен вработен во Основен суд во Гостивар
Вчера во 20:10 часот, полициски службеници од Полициското одделение Ростуше го лишија од слобода А.Ј.(49) од село Присојница, општина Маврово...
(Фото) Ѓорѓиевски: Од раните утрински часови, екипите на Град Скопје се постојано на терен
Соочени со зимските услови и снежните врнежи, Град Скопје навремено и одговорно ги презема сите неопходни мерки за обезбедување безбедно...
Обвинителството да ги истражи наводите за мафијашките притисоци, уцени и злоупотребата на системот од Филипче и Заев за остварување на клановските цели, бара ВМРО-ДПМНЕ
„Нема пора во општеството каде што СДС под менторство на Зоран Заев и Венко Филипче со мафијашки методи не владееле....
Граѓаните поблиску до ЕУ роаминг без дополнителни трошоци, велат од Министерството за дигитална трансформација
Министерството за дигитална трансформација известува дека измените и дополнувањата на Законот за електронски комуникации (ЗЕК) се влезени во владина процедура...
