Забава
Четиригодишно девојче изодело 8 км низ снежна тајга во Сибир барајќи помош за својата баба на умирање
Четиригодишно девојче одело речиси осум километри низ сибирска тајга полна со мечки и волци за да ѝ помогне на својата баба која била на умирање, објави RT.
Ова се случило во руската република Тува во јужен Сибир минатиот месец, но властите го потврдија случајот во неделата.
Четиригодишното девојче, идентификувано од страна на локалните медиуми како Саглана, живее со нејзините баба и дедо во зафрлено село. Нејзиниот дедо, наводно, бил слеп веќе неколку години, а 31-годишната мајка на девојчето живее одделно.
Едно утро, Саглана се разбудила и видела дека баба ѝ е неподвижна. Таа морала да побара помош во најблискиот град, оддалечен околу осум километри, објавија локалните медиуми.
Проблемот е во тоа што таа морала да оди низ снежни шуми од тајга, по голем студ рано наутро за да стигне таму.
И покрај сите опасности кои демнат при одењето низ сибирските шуми познати по волците и мечките, таа стасала до дестинацијата за неколку часа.
Лекарите кои ја прегледале веднаш откако таа пристигнала, рекле дека страда од „општа хипотермија”, се вели во соопштението на полицијата.
За жал, лекарите кои отишле да ѝ помогнат на бабата на девојчето, не можеле да ја спасат. Жената во нејзините 60-ти починала од срцев удар.
Луѓе на социјалните медиуми искажаа пофални зборови за девојчето и за нејзината храброст.
„Добро направено, девојче “, „Ви посакувам добро здравје“, „Таа е достојна за медал“, „Еве еден херој!“, пишуваа луѓето на своите твитер профили.
Иднината на нашата област лежи во овие мали херои “, изјавија локални жители за новинската aгенција Tuva online..
Други пак, се прашуваaт како дедото на детето ѝ дозволил да оди сама на таков опасен пат и зошто семејството немаат мобилни телефони.
Во меѓувреме, локалните власти отворија случај против мајката на девојчето, која се сомничи за небрежност.
„Таа била свесна дека старите луѓе не биле во можност да се грижат за безбедноста на детето”, се вели во соопштението, пренесува RT. /крај/мф/вс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) ДНК снима спот за „Чаршија“ во Чаршијата: гости се Мишел Трајковски и Бока Конга
Вчера на социјалните мрежи ДНК ја промовираа својата најнова песна со наслов „Чаршија“, песна на која гостуваат: познатиот хармоникаш Мишел Трајковски и Бока Конга.
Станува збор за уште една песна која во стилот потсетува на претходните „Ако утре ме нема” и „Животе брате”.
Во ова најново музичко остварување на ДНК свој допринес даде еден од нашите најдобри хармоникаши, Мишел Трајковски и „мајсторот“ за конги, популарниот Бока Конга.
„Мислам дека со Лазе уште еднаш успеавме да создадеме нешто што ќе и се допадне на публиката. Очигледно е дека го сакаат овој звук и навистина ни е драго што е така“, накусо изјавија момците од ДНК.
Инаку и за оваа песна се сними видеоспот во турската чаршија во Скопје, во кој покрај Панчо и Андреј се појавува и познатата водителка Вера Мештеровиќ, моделот Драгана Спасовска, диџеите Irie Scratch, Nasty и други…
Како режисер на спотот се потпишува Огнен Шапковски, додека директор на фотографија беше Кристијан Теодоров.
Забава
Семејството на Метју Пери зборуваше првпат по неговата смрт
Една година по неговата смрт, семејството на Метју Пери зборуваше јавно. Очувот на Пери, новинарот Кит Морисон, и сестрата Кејтлин дадоа интервју за канадскиот „Хелоу“ и ги открија плановите за Фондацијата „Метју Пери“ во Канада.
Според официјалната веб-страница на организацијата, Фондацијата е создадена за да обезбеди „сеопфатна поддршка на поединците што живеат со нарушувања од зависноста по третманот“.
„Работата што ја работам сега е многу себична затоа што се чувствувам како да седам до Метју и да работам со него секој ден на нешто што му беше важно“, рече Кејтлин (43), која работи како извршен директор на Фондацијата.
„Благословена сум што преку оваа фондација секогаш можам да го имам блиску до мене“, додаде таа.
„Би сакал да биде запаметен по тоа што им помага на луѓето што се борат со зависноста“, додал очувот на актерот. Неговата смрт, велат, била неверојатен шок за нив.
„Кога Метју ненадејно умре, тоа беше неверојатно шокантно… Секој што изгубил дете, ќе ви каже дека, дури и ако сте некако подготвени за оваа можност, тоа е поразително“, изјави Морисон.
„Она што решивме да го изввлечеме од целата трагедија беше да направиме нешто корисно“, додаде тој.
Пери почина на 54-годишна возраст во октомври минатата година од акутните ефекти на кетаминот и други фактори што го натераа да ја изгуби свеста и да се удави во џакузито, според обдукцијата во декември. Актерот јавно ја призна децениска употреба на супстанции, вклучително и во годините кога го играше Чендлер Бинг во хит телевизискиот серијал од 90-тите, „Пријатели“.
За потсетување, еден од двајцата лекари од Калифорнија, кои се меѓу петтемината обвинети за неговата смрт од предозирање, во средата се изјасни за виновен за нелегална дистрибуција на кетамин. Марк Чавез се изјасни за виновен пред Окружниот суд на САД во Лос Анџелес. При изрекувањето на пресудата, тој може да добие и до 10 години затвор.
Другиот лекар обвинет во случајот, Салвадор Пласенсија, се изјасни за невин, како и кообвинетата Јасвен Санга, позната како кралица на кетаминот. Личниот асистент на Пери, Кенет Ивамаса, кој призна дека му ја вшприцал дрогата на Пери, и наводниот посредник, кој рекол дека набавил кетамин од Санга, веќе се изјаснија за виновни за обвиненијата со кои се соочуваат.
Забава
(Видео) Помладиот колега на Никол Кидман за еротската сцена: Се срамев, снимавме без проба
Актерот Харис Дикинсон (28) признал дека му било непријатно да сними непланирана интимна сцена со актерката Никол Кидман (57) во филмот Babygirl. Во таа сцена морал, без претходна проба, да танцува гол на песната на Џорџ Мајкл, а истакнал дека му е срам, пишува „Дејли мејл“.
„Режисерката Халина Рејн ја пушти песната и рече: ‘Само танцувај’. И танцував, претходно испив малку виски, но тоа беше непријатно“, рече актерот нагласувајќи дека Никол Кидман му била голема поддршка и ја опиша како исклучително срдечна личност.
„Таа создава атмосфера на снимањето и прави сите да се чувствуваат удобно, ранливо и смешно бидејќи е исклучително храбра“, додаде Дикинсон.
И Никол Кидман неодамна проговори за своето искуство со снимањето на овој филм. Таа призна дека сцените со Харисон Дикинсон и Антонио Бандерас, кој го игра нејзиниот сопруг, понекогаш биле премногу напорни. Рекла дека се чувствува фрустрирано и повремено мислела оти повеќе не сака да снима такви сцени.