Грчки полицаец во атинско кафуле си ја заборавил чантата во која се наоѓал службениот пиштол, па сопственикот на кафулето преку бројот за итни случаи на полицијата го пријавил настанот и побарал да го најдат полицаецот, објавија грчките медиуми.

Според нивните информации, полицаецот не само што го заборавил службеното оружје во кафулето во центарот на Атина туку не се ни вратил да го побара.

„Ве молам, ќе можете ли да го најдете и да го известите полицаецот што си ја заборави чантата со службениот пиштол овде, да дојде да ја земе?“, рекол сопственикот на кафулето во телефонскиот повик до полицијата.

Медиумите пишуваат дека ова е еден од неколку случаи на изгубени или украдени службени пиштоли на полицајци во изминатиот период.

MSCHF, компанија со седиште во Бруклин, на пазарот пушти во продажба патики кои ги нарече Jesus shoes (Патиките на Исус), кои и покрај високата цена на продажба од 3.000 долари, се распродадоа за рекордно време.

Станува збор за преработена верзија на патиките Најк Air Max 97s со христијански симболи – крст и света вода. Тие имаат света вода од реката Јордан и се осветени од свештеник, пишуваат медиумите. Крстот, пак, е ставен врвките на десната патика.

Патиките имаат и мирис на темјан, еден од подароците што тројцата свети кралеви му ги донеле на Исус кога се родил.

Туристи кои како дел од својата тура патувале кон одморалиштето Балито во Јужна Африка биле изненадени кога на нивниот пат се појавила џиновска змија.

Медиумите јавија дека огромен јужноафрикански питон запрел неколку автомобили што се движеле кон Мозамбик.

Веднаш штом возилата запреле, змијата се сoкрила под чамец кој бил нa еден од автомобилите.

Кога туристите се обиделе да ја повлечат змијата од под чамецот со лесно влечење за опашката, таа се качила на џип во кој имало луѓе, по што настанала општа паника, а ситуацијата е регистрирана и на видеозапис.