Забава
Шармот на едноставноста: Мишел Фајфер со истата блага насмевка за домашно селфи

Таа триумфално се врати во Холивуд во 2017 година, откако направи долга пауза од снимање филмови за да помине повеќе време со своите деца.
Но, Мишел Фајфер повторно ја стави актерската кариера во мирување поради пандемијата на Ковид-19 која ја десеткуваше филмската и телевизиската продукција.
И покрај сè, ѕвездата на „Опасни врски“ и „Фантастичните браќа Бејкер“ ужива во своето лето и сподели селфи на Инстаграм, на кое позира во едноделен костим за капење и очила за сонце со златни рамки додека се сонча во својот дом во Лос Анџелес.
Секогаш прекрасната Фајфер, препознатлива по дискретниот шарм и едноставноста, има беспрекорна кожа на возраст од 62 години.
Својот голем пробив во Холивуд го направи во раните 80-ти со „Брилијантин 2“ и култниот „Лице со лузна“ (1983).
Нејзините успеси продолжија да се редат со филмовите “Бетмен се враќа“, „Френки и Џони“ „ Духови од минатото“, „Вештерките од Иствик“, „Мажена за мафијата“, „Време на невиност “, „Волк“, „Јас сум Сем“, „Темни сенки“ и многу други.
Во 1993 година, таа се омажи за писателот и продуцент Дејвид Е. Кели и заврши со филмови да се фокусира на одгледување на нивните две деца.
Својот камбек во Холивуд го направи по пауза од 20 години, во 2017, со филмовите „Мајка!“ и „Убиство во Ориент експрес“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Харви Вајнштајн низ солзи зборуваше за обвинувањата на Гвинет Палтроу

Кон средината на април започна ново судење за озлогласениот продуцент Харви Вајнштајн, кој е обвинет за силување.
Toj моментално отслужува казна на островот Рајкерс, каде што се осврна на обвинувањата на актерката Гвинет Палтроу дека сексуално ја нападнал.
„Дефинитивно флертував со неа“, рече тој, инсистирајќи дека обвинувањата за злоупотреба се лажни.
„Сè е измислено. Дури и не ја допрев“, додаде Вајнштајн. За време на интервјуто со политичкиот коментатор Кендинс Овенс, продуцентот се расплака, велејќи дека обвинувањата го „скршиле“.
Палтроу претходно тврдеше дека Вајнштајн ја злоставувал во неговата хотелска соба во 1996 година.
„Беше чудно. Бев сама во собата со него. Тој целосно ме шокираше“, рече актерката.
Според нејзините тврдења, Вајнштајн ѝ пришол облечен само во бањарка и ја прашал дали може да ја масира или дали може да го гледа додека се тушира.
Во април, американските медиуми објавија дека Вајнштајн боледува од хронична миелоидна леукемија, или рак на коскената срцевина. На почетокот на декември минатата година, тој заврши во болница поради „алармантни резултати од крвните тестови“, како што тогаш изјави неговиот адвокат Имран Ансари.
Кон крајот на минатата година, Вајнштајн поднесе тужба против градот Њујорк, обвинувајќи ги властите за небрежност и необезбедување соодветна медицинска нега. Неговите адвокати тврдат дека затворскиот објект не успева да обезбеди соодветна грижа за неговото влошено здравје, а особено го истакнаа студот и недостатокот на чиста облека.
Забава
(Видео) Дензел Вашингтон ги загуби нервите на црвениот тепих во Кан, се расправаше со фотографот

Добитникот на Оскар, Дензел Вашингтон се најде во центарот на вниманието поради расправијата со фотограф на црвениот тепих на Канскиот филмски фестивал. Дензел дојде на фестивалот за премиерата на неговиот нов филм Highest 2 Lowest.
Дензел (70) разговараше со колегата од бендот кога фотографите ги повикаа. Според очевидци, фотографот сакал да го привлече вниманието на Дензел и го фатил за рака. Ова го направи Дензел нервозен. Актерот се свртел кон фотографот и го предупредил да престане.
Denzel had to get somebody together at Cannes 👀 pic.twitter.com/bKmMYPucap
— chris evans (@notcapnamerica) May 19, 2025
Фотографот, како што се гледа на видеото кое стана вирално на социјалните мрежи, се смешкаше и повторно посегна по раката на актерот, но Дензел наеднаш му ја тргна раката и повтори: „Застани“. Тој беше видно вознемирен.
Забава
(Видео) Кејти Пери го прекина настапот и му се обрати на обожавател: „Тргни се од мојот сопруг“

Кејти Пери остави еден обожавател без зборови среде концертот, со прилично неочекувана забелешка. На нејзината светска турнеја „Лајфтајмс“, која ќе вклучува 84 концерти, таа беше во одлично расположение, а за време на настапот во Невада, реши да се пошегува – на средина од песна.
За време на изведбата на нејзиниот сингл од 2024 година „I’m His, He’s Mine“, Кејти, облечена во трико и мрежести чорапи, отиде до работ на сцената и застана.
In my homewrecker era @katyperry 😤 https://t.co/WowsaAFHS3 pic.twitter.com/74WnszK3Aw
— kyle (@SomeonesNewMuse) May 19, 2025
Таа виде обожавател како пишува на мобилниот телефон и му се обрати директно со многу јасна порака. „Знам зошто си тука“, рече таа со насмевка и театарска сериозност. „Слушај… Ако продолжиш да му пишуваш пораки на мојот сопруг… Го правиш ова со месеци, откако настапувам овде. Не дојде поради мене“, додаде таа.
„Ако продолжиш да му пишуваш на мојот сопруг, ќе те избркаме. Сериозно, најди свој живот“, продолжи таа, а потоа го повтори насловот на нејзината песна: „Тој не те сака, Кајл. Јас сум негова жена. Јас сум негова, тој е мој… Тргни се, сериозно.“
Кајл ја сподели снимката на Икс, а подоцна објасни дека сè започнало затоа што сакал Кејти да отпее една од неговите стари песни што ги обожава, поради што се обратил до нејзиниот сопруг Орландо за помош.