Неколку пати во годината на социјалните мрежи почнува да кружи кастинг листата за култниот филм на Квентин Тарантино, Pulp Fiction („Евтини приказни“). И секоја година оваа листа станува вирална.

„Мојот список со желби за екипата на ‘Евтини приказни’ кружи на интернет. Не знаев точно кого сакам за оваа или онаа улога, па направив огромен список со еден куп имиња”, рече тој во поткаст, додавајќи дека единствено сакал имињата да бидат одобрени.

Списокот содржи имиња на актери кои Тарантино ги имал предвид за одредени улоги во филмот, од фаворити до втор и трет избор, а на фановите едно име им паднало в очи.

Џони Деп бил на кастинг листата за улогата на Пампкин, но како втор избор. Миленик на Тарантино од самиот почеток бил Тим Рот, кој на крајот ја доби улогата.

Интересно, Тарантино откри во поткастот дека Деп не бил неговиот прв, па дури ни втор избор (тоа бил Кристијан Слејтер), но неговото име го форсирале од раководството на студиото.

Деп бил причина за конфликт меѓу Тарантино и коосновачот на „Орион пикчрс“ и поранешен директор на „Тристар пикчрс“, Мајк Медавој, кој не сакал да го одобри снимањето.

Интересно е тоа што Тарантино сметал дека Деп нема да биде доволно профитабилен, па го прашал Медавој: „Со Џони Деп во улога на Пампкин во овој филм, во воведната и завршната сцена, мислиш ли дека ќе заработи пари на благајните? Тој во тоа улога?“

Медавој одговорил: „Нема да заработи ниту цент, но ќе ме направи среќен“.

На крајот, Тарантино успеа во својата визија. „Мирамакс“ го презеде филмот, а Тим Рот ја доби улогата.

Едно од продолженијата со највеќе одлагања во историјата на блокбастерите, „Аватар: Патот на водата“ конечно пристигна на големото платно.

Потенцијалниот хит ја доби својата долгоочекувана светска премиера во вторникот во Лондон.

Очите на филмофилите и филмскиот свет синоќа беа насочени кон британската метропола, каде што се прикажа „Аватар 2“, филм кој киносалите со нетрпение го очекуваат оваа година, надевајќи се дека конечно ќе ја заборават пандемијата и ќе заработат милијарди.

„Аватар: Патот на водата“, во режија на Џејмс Камерон, ќе почне да се прикажува на големото платно во Франција во среда, на 14 декември, а два дена подоцна во САД, со тројна амбиција: – да биде подобар од првиот, кој постигна најголем успех во историјата на светските киноблагајни, – да покаже дека киното не е мртво, и, трето, да создаде серијал кој ќе биде легендарен исто како „Војна на ѕвездите“.

13 години по оригиналниот филм, кој заработи три милијарди евра, продолжението повторно се одвива на Пандора, светлосни години оддалечена од Земјата, во еколошки обоена научнофантастична приказна. Како и првиот, снимен е во 3Д формат и трае три часа и 12 минути.

Заплетот на филмот се чува во тајност, но се знае дека треба да се открие ново племе на домородни вонземјани кои живеат во морето, со учество на ликовите од првиот дел, Џејк Сали (Сем Вортингтон), Нејтири (Зое Салдана) и нивните деца.

Во филмот глуми и Кејт Винслет, четвртина век по „Титаник“, уште еден планетарен успех на Џејмс Камерон.

Мараја Кери доби стрип кој го раскажува нејзиниот живот и кариера, објави „Тајделвејв комикс“.

Стрипот посветен на американската пејачка и актерка е дел од  серијалот Female Force („Женска моќ“), во кој се прикажуваат кариерите на многу успешни жени во својата дејност.

На 22 страници, стрипот ја раскажува приказната за детството на Мараја и нејзиниот пат до славата. Издавачот Дарен Г. Дејвис објасни зошто стрипот за неа е објавен токму сега.

„Нејзината приказна инспирира и затоа претпразничниот период е вистинско време да се најде во продавниците стрип посветен на кралицата на Божик, чиј хит од 1994 година, All I Want for Christmas Is You, веќе 25 години редовно се емитува на радио станиците и на адвентите.“

Во серијалот „Женска моќ“, суперѕвездите на кантри музиката Доли Партон и Лорета Лин и пејачките Барбара Стрејсенд и Стиви Никс добија свои стрипови.

Стрипот за Мараја Кери со тврда или мека корица е достапен од среда, 7 декември.