Забава
Адел немало да ја купи куќата на Сталоне без статуата Роки
Адел одбила да ја купи хациендата на Силвестер Сталоне доколку не може да ја задржи неговата статуа Роки како дел од купопродажниот договор.
Поп-дивата (35) минатата година потроши неверојатни 58 милиони долари за оваа импресивна палата во Лос Анџелес и, во меѓувреме прави некои реновирања на раскошниот имот.
Сталоне (76) доби пофалби од филмските критичари за својата улога на боксерот Роки Балбоа, почнувајќи со првиот филм во 1976 година и следните продолженија, вклучувајќи ги и спин-оф филмовите „Крид“.
Веројатно сакал да ја задржи, односно дислоцира статуата со ликот што го прослави.
Но, Адел – која е свршена со спортскиот агент Рич Пол и има син Анџело (10) со поранешниот сопруг Сајмон Конецки – не била подготвена да го стави својот потпис на хоризонталната испрекината линија без статуата.
Зборувајќи за „Волстрит журнал“, Сталоне тврди дека Адел рекла: ова ќе го уништи целиот договор.
Сепак, добитничката на „Греми“ успеала да го убеди холивудскиот акционен херој да се откаже од саканиот предмет.
А во врска со реновирањето на куќата, тој ја пофали: „Ми се допаѓа тоа што го прави, таа го прави прекрасно“.
Големата куќа со осум спални соби се наоѓа на имот од три ари.
Со површина од неверојатни 1.727 квадратни метри, домот може да се пофали со 12 бањи и долг прилаз за да се обезбеди приватност.
„Лос Анџелес тајмс“ објави дека продажната цена е речиси 50 отсто пониска од оригиналната цена на Сталоне, кој првично барал 110 милиони долари.
Во куќата има уметничко студио, домашно кино, фитнес сала, бар, па дури и соба за пури. Во дворот има голем базен, гаража за осум автомобили и куќа за гости.
Меѓу соседите се Џастин Бибер и Дензел Вашингтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ѕвездата на „Чувари на плажата“ забележан во тешка состојба
Дејвид Хаселхоф, легендарниот актер од серијата „Чувари на плажата“, е виден во инвалидска количка среде тежок период од животот по смртта на поранешната сопруга.
Американскиот актер и пејач Дејвид Хаселхоф беше виден како во понеделникот се вози низ аеродромот во Канкун во Мексико додека тој и неговата сопруга се враќаа од одмор, набргу по трагичното самоубиство на неговата поранешна сопруга, американската актерка Памела Бах.
Според извор близок до актерот, Хаселхоф, најпознат по улогата на Мич Бјукенан во серијата од 1989 година, живее тешко. Подоцна истиот ден, тој беше виден како куца низ аеродромот во Калифорнија, придружуван од неговата сопруга, 45-годишниот велшки модел Хејли Робертс.
David Hasselhoff, 72, reveals health setback as he’s seen in wheelchair at airport https://t.co/xXVuhJp67V pic.twitter.com/ZC0HEcaXBM
— Page Six (@PageSix) May 8, 2025
Актерот кренал палец додека се потпирал на сопругата. Фотографиите се направени неколку недели по самоубиството на Памела, кое, според изворите, длабоко ги потресе него и неговото семејство.
Извор близок до актерот изјави за Дејли Меил:
„Дејвид живее со позајмено време и имаше живот за кој многумина сонуваат, но со децении се бореше со алкохолизам и самолекување, за што денес длабоко жали“.
И покрај се, неговиот портпарол за британски Мирор изјавил дека Дејвид се чувствува добро и го очекува операција на коленото, поради што бил во инвалидска количка.
Бах почина на 5 март на 61-годишна возраст во нејзиниот дом во Холивуд Хилс од самонанесена прострелна рана.
Забава
(Фото) Тренд кој повторно ги освојува улиците, жените ќе го носат само ова цело лето
Постојат детали во облеката кои никогаш не излегуваат од мода. Тие едноставно чекаат вистинскиот момент за триумфално да се вратат во центарот.
Ресите се токму таков детаљ – со богата историја, носталгичен шарм и огромен стилски потенцијал кога станува збор за мода.
Некогаш беа резервирани за тематски забави, каубојки и диско расположението од седумдесеттите, но денес се враќаат со стил – поелегантни, посмели и посовремени од кога било.
Од ревиите на престижните модни куќи до уличната мода на трендсетерките кои ги диктираат правилата на стилот, ресите станаа симбол на движење, слобода и софистициран израз.
1. Јакна со реси – моментален гламурен ефект
Едно парче – бесконечна трансформација. Кожна јакна со реси е клучен сојузник за вечерни излегувања со став. Замислете целосно црн аутфит, чизми со високи потпетици и светло црвен кармин – ефектот е неодолив. За дневни опции, изберете кафеава јакна од велур, која лесно можете да ја комбинирате со фармерки и мокасини. Ресите додаваат динамика на секој чекор – и на секоја модна приказна.
2. Елек со реси – слоевит и впечатлив
Ако сакате да носите повеќе слоеви, елекот со реси е впечатливо парче што ги истакнува дури и наједноставните комбинации. Носете го врз бели кошули, тесни здолништа или лелеави фустани – ефектот е шик и осмислен. Велур за бохо нота, тексас за урбана атмосфера. Удобно, ефикасно и совршено за целиот ден.
3. Горен дел со реси – сензуална едноставност
Одличен избор за вечерно излегување кога сакате да оставите впечаток без многу напор. Без разлика дали е краток, кој „танцува“ со секој чекор, или подолг со реси кои елегантно паѓаат по телото, овој вид топ зрачи со луксуз и флуидност. Носете го со панталони со низок струк, сандали или мини здолниште и чизми за поефективен изглед. Тука, ресите ја преземаат главната улога.
4. Чанта со реси – бохо елеганција во движење
Без разлика дали е мала или голема, плетена или кожна – чанта со реси е најлесниот начин да внесете допир на боемски шарм во вашиот секојдневен стил. Совршено се комбинира со лелеави фустани во земјени тонови, широки панталони, миди здолништа или обични фармерки и бела маичка. За дневни прошетки, изберете плетена чанта во потемни нијанси, а за навечер, кожна чантичка со долги реси. Ефектот е загарантиран.
5. Фустан со реси – женственост во движење
За посебни пригоди или кога само сакате да блеснете, фустан со реси е гламурозен избор. Од оние инспирирани од стилот на Чарлстон од дваесеттите години, до модерни силуети што ја следат линијата на телото – ресите овде создаваат хипнотичка игра на светлина и движење. Идеално за вечерни прослави, коктел забави или дури и софистицирани пролетни свадби.
6. Здолниште со реси – динамичност и елеганција
Мини, миди или макси – здолништето со реси додава драма на секоја облека. Комбинирајте го со едноставни маички и дискретни сандали за да ги задржите ресите во фокус. Одењето станува танц, а стилот – несомнено препознатлив.
7. Чевли со реси – суптилен, но впечатлив детаљ
Од елегантни сандали до мокасини, обувките со реси додаваат софистицирана разиграност на секој чекор. Идеално за оние кои сакаат да усвојат тренд без да претеруваат, а сепак да не останат незабележани.
8. Ремен со реси – ефект од сон
Кој рече дека ременот не може да биде IT парче? Модели како оној од модната куќа „Алаја“ покажуваат дека дури и најненаметливиот изглед може да блесне со ремен со долги реси. Носете го преку панталони, здолништа, преголеми сакоа или кошули – веднаш ја преобликува фигурата и додава допир на висока мода.
Ресите се повеќе од само моден тренд оваа сезона – тие се став, чувство на слобода и израз на индивидуалност. Без разлика дали ги избирате во големи дози или како суптилен акцент, внесете движење, ритам и личност во вашиот пролетен стил.
Забава
„Имав тешка година, поминав низ многу терапии“: Џеј Ло ја соголи душата
Дури и пред да се појави официјалната информација дека Џенифер Лопез и Бен Афлек се разведуваат, долго време се шпекулираше дека не е сè како што треба меѓу нив.
Тие разочараа многу фанови со нивниот развод, а потоа започнаа многу други натписи. Афлек наводно поминува сè повеќе време со својата поранешна сопруга Џенифер Гарнер, но Џеј Ло откри и дека е подготвена за нова љубов.
Сепак, темата за нивниот развод е сè уште актуелна, а како причина за разделбата се наведуваат непомирливи разлики.
Во интервју за „Ел Паис“, Џеј Ло откри како им кажала на своите деца дека се разведува.
„Имав навистина тешка година. Се случија неочекувани работи. Читав многу книги и работев многу на тоа да се запознаам себеси. Медитирав, се молев многу. Сакав да го подобрам мојот однос со Бога и цврсто да ја поврзам семејната единица што ја сочинуваат моите деца и мене, моите близнаци.“
Лопез продолжи: „Им реков: ‘Ви ветувам, ова е тежок период, но ќе видите дека кога сè ќе заврши, ќе излезам посилна и подобра’. Им го ветив тоа – и го исполнив. Сега и тие го чувствуваат тоа, и тоа ми носи мир.“
„Прочитав многу книги за детството, бракот, врските, различните стилови на љубов, мозокот, науката… Низ годините поминав низ индивидуална терапија, брачна терапија, семејна терапија. Пробав сè, секогаш барам нешто. Мислам дека клучот е да се запознаеш себеси.“
Џенифер исто така истакна дека разводот е тежок период, но дека е многу поважно како се однесува човекот во тие моменти и што носи со себе како искуство.
Уапсен убиецот кој вчера пукаше во Штип
Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент...
„Пукање во кафич во Штип додека ВМРО-ДПМНЕ и ЗНАМ туркаат закон за либерализација на трговијата со оружје“, велат од партијата Левица
„Вчерашните страшни сцени со пукање во кафич во центарот на Штип дополнително ја вознемири јавноста, додека премиерот Мицкоски и министерот...
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „Рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице е повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
Коцевски тврди дека истрагата за Кочани не е селективна, а можно е да биде проширена
Jавниот обвинител Љупчо Коцевски тврди дека нема никаква селективност во истрагата што се води за трагедијата во дискотеката „Пулс“ во...
Дурмиши ги предупреди трговците: Ако има енормно зголемување на цените, ќе има поригорозни мерки
Нови поригорозни мерки ќе бидат воведени доколку Државниот пазарен инспекторат утврди енормно зголемување на цените на производите по укинувањето на...
Димитриевски: Цел на лагите на СДСМ не сум јас, туку ЗНАМ како најбрзорастечка партија во Македонија
Претседателот на Движењето ЗНАМ – За наша Македонија, Максим Димитриевски, денеска одржа прес-конференција. „Од моментот на влез во политиката до...
Апасиев од Москва: „Нашите дедовци, партизаните, се бореа рамо до рамо со народите на Советскиот Сојуз“
На покана на претседателот на Комунистичката партија на Руската Федерација (КПРФ), Генадиј Зјуганов, претседателот на Левицата, Димитар Апасиев, заедно со...
Филипче за можната коалиција со ДУИ и со Таравари: Ќе разговараме со сите политички партии
Лидерот на опозицискиот Социјадемократски сојуз (СДСМ) не ја исклучи можноста за коалиција со Демократската унија за интеграција (ДУИ) и со...
30-годишник призна вина за ширење омраза: коментирал објави за Парадата на гордоста во Скопје и повикувал на насилство
Постапувајќи по поднесен обвинителен предлог од Основното јавно обвинителство Скопје, Основниот кривичен суд Скопје донесе пресуда со која осуди едно...
Изгоре стан во Кичево, загина жена
Жена загина синоќа во пожар во својот стан. Пожарот избил на улицата 4 Јули во Кичево, а починатата е 72-годишна...
