Иако оваа година не беше номиниран за ниту една награда, актерот Џеф Голдблум успеа да привлече внимание на Оскарите и да стане вирален со еден потег.

Пред почетокот на гламурозната церемонија на доделувањето на Оскарите, 72-годишниот актер е снимен како прелистува низ својот телефон и веројатно имал добра причина за тоа.

Имено, тој мораше да ги провери своите фотографии на црвениот тепих, каде позира пред да започне доделувањето на наградите.

Актерот беше снимен како прелистува фотографии на Инстаграм на кои е означен, а луѓето на Икс почнаа да се потсмеваат со него.

„Самољубието во најдобро издание. Џеф Голдблум кој најмногу се цени себеси – тоа е енергијата што ни треба на сите“, „Класичен Џеф Голдблум! Ако не можете да се восхитувате на самите себе, кој ќе се восхитува?“, „Џеф Голдблум се однесува како да е возач на автобус во друга временска линија, кој се разбудил едно утро во оваа временска линија како Џеф Голдблум. Никогаш не е несреќен што е Џеф Голдблум“ и „Ова е најјаката работа било кога“, се само дел од коментарите.

Актерката Деми Мур, ѕвездата на хорор-филмот „Супстанција“, беше една од фаворитките за освојување „Оскар“ за најдобра женска улога, но победата сепак ѝ побегна и статуетката отиде во рацете на 25-годишната Мајки Медисон за нејзината улога во филмот „Анора“.

На социјалните мрежи вирално стана видеото од студената реакција на 62-годишната актерка.

Читачот од усни, Никола Хиклинг, за „Дејли мејл“ откри што рекла актерката во тој момент.

„Деми рече ‘убавo’, но не се насмевна кога го кажа тоа“.

jack antonoff’s reaction to mikey madison winning best actress over demi moore 😭😭 pic.twitter.com/5va9W4PMx0

— madison ☾ .*･｡ﾟ (@LDRcoven) March 3, 2025

Иако многумина беа воодушевени од победата на Мајки, обожавателите на Деми Мур се собраа на социјалните мрежи и се пожалија дека актерката е изоставена.

Имено, Деми ги освои сите главни награди за улогата во филмот, освен БАФТА, поради што многумина ѝ предвидуваа дека таа ќе добие „Оскар“ првпат, а фановите го опишаа нејзиниот пораз како „најголемата неправда во историјата на ‘Оскарите’“.

My heart broke as much as Demi Moore’s did when she didn’t hear her name. This was her year for sure. Horror always getting unfairly treated! #Oscars #Oscars2025 pic.twitter.com/HWlQzBbcef

— BLURAYANGEL 🦇 (@blurayangel) March 3, 2025

„Моето срце се скрши кога Деми Мур не си го слушна името. Ова беше нејзина година. Хоророт секогаш добива нефер третман“, гласи еден коментар.

Инаку, во својот говор Медисон им се заблагодари и на другите актерки номинирани во таа категорија, меѓу кои и Деми Мур.

„Сакам да ја истакнам внимателната, интелигентна, убава и неверојатна работа на моите номинирани колеги. Почестена сум што сум во ваше друштво. Ова е остварување на сонот, веројатно утре ќе се разбудам мислејќи дека сонувам“, рече таа.

Адриен Броди го доби својот втор „Оскар“ за најдобар актер благодарение на улогата во „Бруталист“, во режија на Брејди Корбет.

Кога Броди се качи на сцената во театарот „Долби“ во Холивуд, тој направи нешто необично – плукна гума за џвакање и ја фрли кон својата девојка Џорџина Чепмен пред да го почне својот говор.

@news.com.au Adrien Brody threw his gum to his girlfriend right before he went on stage to accept his Oscar for Best Actor. #adrienbrody #oscars #oscars2025 #entertainment #celebrity #actor #movies #tv ♬ Eewh – Internet Cultura

Овој потег предизвика големи критики, а клипот бргу се прошири на социјалните мрежи, каде што корисниците ги коментираа неговата грубост и необично однесување на „Оскарите“. „Можеше да ја стави во џебот, ова беше чудно“, „Непристојно, многу грубо“, се само дел од коментарите на социјалните мрежи.