Забава
Алек Болдвин тврди дека не е виновен за смртта на Халина Хачинс

Алек Болдвин и понатаму инсистира на тоа дека не е виновен за смртта на снимателката Халина Хачинс.
63-годишниот актер поднесе барање за арбитража тврдејќи дека неговиот договор го штити од финансиска одговорност за смртта на камерманката, која беше застрелана среде снимање на нискобуџетски вестерн во Ново Мексико минатиот октомври. Во документите тој потенцира дека настаните што доведоа до трагедијата немаат никаква врска со него.
Во судските документи до кои дојде „Ентертејнмент тунајт“ стои: „Ова е редок случај кога системот паѓа и некој треба да биде прогласен за правно виновен за трагичните последици. Тоа лице не е Алек Болдвин“.
Семејството на загинатата Хачинс неодамна поднесе тужба против Болдвин и другите продуценти на Rust тврдејќи дека одговорните не се придржувале кон правилата за безбедност при снимање. Но, Болдвин негира дека бил невнимателен на сетот откако претходно негира дека го повлекол петлето на пиштолот. Тој вината ја префли на оружарката Хана Гутиерез-Рид и на помошник-режисерот Дејв Холс, кој му рекол дека оружјето нема вистински куршуми, а го спомна и Сет Кени, кој ја набавил муницијата за филмот.
„Во овој момент две работи се јасни: Некој е виновен што донел жива муниција и што тоа доведе до оваа ужасна трагедија, а тоа е некој друг, не е Болдвин“, се наведува во барањето за арбитража.
„Болдвин е актер. Тој не тврдел дека пиштолот е ладен кога всушност содржел жив куршум; тој не го наполнил пиштолот; тој не ги проверувал куршумите во пиштолот; тој не ги купил куршумите; тој не ги направил куршумите и не тврдел дека се безопасни; тој не бил задолжен за безбедноста на огненото оружје на сетот; тој не ги ангажирал луѓето што ги снабдувале куршумите или го проверувале пиштолот; и немал никаква улога во управувањето со реквизитите на филмот.
„Секоја од тие работи ја вршеше некој друг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Дејвид Бекам прогласен за витез

Британскиот крал Чарлс на својата роденденска забава го прогласи поранешниот фудбалер Дејвид Бекам за витез за неговиот придонес во британското општество, според традиционалниот список на добитници на титулата витез објавен во петокот.
„Никогаш не замислував дека ќе добијам таква чест“, изјави Бекам за новинарите, кој пораснал во скромна околина во источен Лондон во семејство на патриотски и горди британски родители и баби и дедовци.
50-годишниот поранешен фудбалер, кој се пензионира во 2013 година, и неговата сопруга Викторија, моден дизајнер и поранешна членка на популарната британска група „Спајс грлс“, сега ќе станат сер Дејвид и леди Викторија.
Бекам, икона во светот на фудбалот и модата, со години е номиниран за витез, а сега конечно е почестен за своите заслуги во спортот и хуманитарната работа. Поранешниот англиски репрезентативец играше 115 пати за својата земја и освои многубројни трофеи со „Манчестер јунајтед“, а беше и многу активен во хуманитарната област. Во соработка со УНИЦЕФ тој водеше кампањи за организацијата што работи со името Malaria No More и работи на искоренување на маларијата во целиот свет.
Во јуни 2024 година кралот Чарлс официјално го назначи за амбасадор на својата фондација (Фондацијата на кралот).
Тој и неговата сопруга се блиски со кралот и неговото семејство многу години. Тие беа поканети на свадбата на принцот Вилијам и Кејт Мидлтон во 2011 година, како и на свадбата на принцот Хари и Меган Маркл во 2018 година. Бекам претходно го доби Орденот на Британското Царство (OBE) за заслуги во спортот во 2003 година, кој му го додели кралицата Елизабета II.
Забава
(Фото) Додека многумина чекаат повторно да ја видат во бикини на плажа, таа беше фотографирана на улиците на Лондон

Познатата пејачка Рита Ора често привлекува внимание со својот изглед.
Таа е секогаш тема кога станува збор за прекрасен изглед, а постојано покажува дека обожава да истакнува сè што поседува.
Додека многумина чекаат повторно да ја видат во бикини на плажа, овој пат таа беше фотографирана на улиците на Лондон.
Како и секогаш, екстравагантната Рита избра асиметрично здолниште со процепи, со кое носеше градник со детали од тантела, но преку сè имаше и јакна.
Пејачката го комплетира својот моден изглед со розови сандали со пердуви, меѓутоа сите многу повеќе гледаа во горниот дел и во нејзините обликувани стомачни мускули.
Впечатливиот накит и очилата за сонце се неопходен дел од секој нејзин миоден изглед.
Забава
(Фото) Бред Пит и Бредли Купер на двоен состанок во Њујорк

Џиџи Хадид и Бредли Купер беа видени како уживаат во вечерно излегување со Бред Пит и неговата партнерка Инес де Рамон. Четворката беше фотографирана како го напушта ресторанот „Коут Корејн Стекхаус“ во Њујорк.
Ова излегување се случи кратко откако Хадид и Купер официјално ја потврдија својата врска. Двајцата за прв пат беа видени заедно во Њујорк во 2023 година, додека Пит и де Рамон за прв пат беа видени заедно во 2022 година на концертот на Боно во Лос Анџелес.
Купер и Пит се пријатели со години. Уште во 2020 година Пит јавно му се заблагодари на Купер што му помогнал да се откаже од пиењето, а познато е дека самиот Купер се борел со зависност до 29-годишна возраст. „Се отрезнив благодарение на овој човек и оттогаш сум подобар секој ден“, рече претходно Пит за Купер.
Пит повторно го пофали Купер на церемонијата на доделување награди на Филмскиот фестивал во Санта Барбара во 2024 година. Покрај нивното блиско пријателство, тие делат и страст за трки – Купер е виден на многубројни трки на Формула 1, а Пит игра возач на Формула 1 во претстојниот филм.