Забава
Анџелина Џоли проговори за разводот

Анџелина Џоли прв пат проговори за разводот со Бред Бит и како разделбата влијае врз нивните шест деца.
Славната актерка и режисерка моментално се наоѓа во Камбоџа каде го промовира својот нов филм. Во интервју за BBC таа со солзи во очите зборуваше за својот приватен живот.
„Не сакам многу да зборувам за тоа, освен да кажам дека ова е многу тежок период и дека ние сме семејство, засекогаш ќе останеме семејство,“ рече Џоли.
„Беше многу тешко. Многу луѓе се нашле во таква ситуација. Целото мое семејство помина низ многу тежок период.“
Таа ги поднесе документите за развод во септември и бараше полно старателство врз нивните деца, а Бред сеуште води битка на суд. Токму затоа нејзините коментари дека тие и понатаму ќе бидат семејство ја изненадија јавноста.
„Мојот фокус е на моите деца, на нашите деца. Ние сме семејство и така ќе биде засекогаш. Се надевам дека ова ќе не зближи на некој начин и ќе не направи посилни“, рече таа.
Џоли во саботата по прв пат се појави официјално во јавноста после разводот. Таа присуствуваше на премиера на својот филм “First They Killed My Father” кој говори за животот во Камбоџа во време на режимот на Пол Пот и Црвените Кмери.
Со неа беа и децата Медокс (15), Пакс (13), Захара (12), Шајло (10) и осумгодишните близнаци Нокс и Вивиен.
Актерката го усвои Медокс во 2002 година во Камбоџа, каде што тогаш го снимаше филмот Томб Рајдер. крај/мф/вс
https://www.youtube.com/watch?v=u5K5YhQwVUY
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.