Ребека Лос повторно проговори за нејзината наводна афера со Дејвид Бекам. Таа во 60 Minutes Australia изјави дека отсекогаш ја кажувала вистината за наводната афера, за која се вели дека се случила на почетокот на 2000-тите.

„Мислам дека беше потребна голема храброст за да се спротивставам на нив (Дејвид и Викторија). Отсекогаш се држев до вистината, никогаш не сум претерувала, никогаш не сум лажела за ниту еден детал. Зошто? Затоа што се борам со најмоќната двојка во медиумите кои ги имаат сите пари на светот за најдобрите ПР експерти и адвокати, а единствено што јас имам е вистината“.

Таа истакна дека за сè првпат проговорила во 2004 година, бидејќи сметала дека е „подобро овие приказни да потекнуваат од неа“.

„Тоа беше речиси начин да му се одмаздам… начинот на кој се однесуваше со мене не беше воопшто фер, се извлекуваше со се, водеше двоен живот. Знаев колку му значи неговиот имиџ. Сакав и тој да почувствува малку болка“, додала таа, нагласувајќи дека и е жал за Викторија.

Аферата наводно се случила додека Бекам настапувал за шпанскиот клуб Реал Мадрид. Поранешниот модел во едно интервју во 2004 година тврдеше дека имале афера зад грбот на неговата сопруга Викторија, но фудбалерот негираше и продолжи со животот.

Познати луѓе се почесто јавно зборуваат и ги предупредуваат младите за сопственото закрепнување од зависност и поздрав начин на живот. Еден од нив е популарниот британски актер Том Харди, кој е трезен над 20 години.

Зборувајќи со Џонатан Рос, 47-годишниот Харди искрено зборуваше за некои од најхаотичните моменти од неговото време во кое се бореше со зависност, вклучително и еден инцидент што звучи како сцена од филм – но, како што вели, била неговата реалност.

„Сум бил во секакви ситуации. Еднаш се разбудив во кревет во Лос Анџелес, каде што требаше да бидам на состанок за филмот Bulletproof Monk… Покрај мене беше човек со пиштол, гол, и мачка. Не се сеќавам на него ниту на мачката”.

Водителот Рос потоа му рекол: „Имаш среќа што се уште си тука“.

Инаку, Харди се збогуваше со алкохолот и дрогата во 2003 година, кога на 25-годишна возраст, по особено тешката ноќ, наводно завршил во локва од сопствената крв. Тогаш докторот му кажал нешто што засекогаш останало врежано во неговото сеќавање: „Ако продолжиш по овој пат, Том, нема враќање назад. Тоа е сè што треба да знаеш“.

Актерот веднаш решил да оди на рехабилитација и оттогаш не посегнал по чашка алкохол или дрога.

Некои луѓе имаат посебна харизма и неодолива енергија која ги привлекува другите, без разлика каде се наоѓаат.

Нивната душа зрачи со добрина, мудрост и моќно присуство кое инспирира. Додека некои освојуваат со својата насмевка и шарм, други привлекуваат со својата длабока интуиција и бестрашен дух.

Според астрологијата, овие хороскопски знаци се издвојуваат по својата внатрешна убавина, магнетизам и единствена енергија која никого не остава рамнодушен.

Нивното присуство ја менува атмосферата, ги поттикнува луѓето да бидат подобри и внесува светлина во животите на оние околу нив.

Вага
Вагите имаат душа која сјае како ѕвезда, освојувајќи ги луѓето со нивната топла насмевка, елеганција и внатрешен мир. Нивното присуство носи чувство на рамнотежа и хармонија, па затоа се популарни во општеството и често се оние на кои другите се обраќаат за совет или утеха.

Нивната љубезност и нежност ги прават природни миротворци, способни да ја смират напнатата атмосфера и да најдат решение дури и во најпредизвикувачките ситуации.

Автентичното сочувство што го покажуваат кон другите ги инспирира луѓето самите да бидат подобри, додека нивната благодат и шарм никогаш не престануваат да пленат.

Шкорпија
Шкорпиите често се погрешно разбрани поради нивната интензивна и продорна енергија, но оние кои вистински ги познаваат знаат дека зад нивниот мистериозен изглед се крие исклучително убава и силна душа. Нивната внатрешна сила и способност да се поврзат со потемните и посветли аспекти на животот ги прават неодоливи.

Шкорпиите живеат без страв и ги поттикнуваат другите да ја најдат својата внатрешна моќ. Нивната аура носи магнетизам кој ги привлекува луѓето, додека нивната исклучителна интуиција им овозможува да ги читаат чувствата на другите и да им пружат поддршка дури и пред тие да ја побараат.

Тие се бестрашни борци за вистината, а нивната способност да ја препознаат и разберат суштината на човековата природа ги прави исклучително привлечни и инспиративни луѓе.

Стрелец
Стрелците се родени истражувачи и мотиватори, чии души се непредвидливи, моќни и убави по својата автентичност. Тие носат светлина и ги мотивираат луѓето да ги следат своите соништа, без оглед на пречките. Нивниот неодолив ентузијазам, харизма и спонтаност ги прават омилени во општеството.

Луѓето често се опседнати со нивната слободоумна природа, бидејќи Стрелците зрачат со самодоверба и храброст да живеат според сопствените правила.

Тие не дозволуваат ограничувањата да ги задржат, а нивната внатрешна сила ги инспирира другите да бидат похрабри и поискрени кон себе.

Нивната енергија не може да се дофати, но токму тоа ги прави толку неодоливи – тие се луѓе кои не се плашат да блеснат и не ја намалуваат својата брилијантност за доброто на другите.