Забава
Бар Рафаели осудена за затајување данок, мајка ѝ оди во затвор
Поранешната девојка на Ди Каприо е осудена на девет месеци општествено корисна работа, а мајка ѝ Ципи мора да биде зад решетки.
Израелскиот супермодел, ТВ-презентерка и актерка Бар Рафаели (35) и нејзината мајка и модна агентка Ципи Левин (65) се осудени за затајување данок во родниот Израел, а убавата манекенка се појави на суд со бела заштитна маска на лицето.

Израелскиот суд ја осуди Бар Рафаели по четири точки на кривичното дело затајување данок, а сето тоа го наруши угледот на поранешната национална икона и амбасадорка на оваа земја.
Рафаели влезе во судот во Тел Авив со бела маска на лицето, што одговараше на нејзината бела блуза, долу носеше светлосини фармерки, а косата ѝ беше врзана во пунџа.

По неа, влегле таткото Рафи, мајката Ципи и адвокатите. Рафаели (35) и мајка ѝ ги признале кривичните дела за избегнување данок на приход од речиси 10 милиони долари, што таа ги заработила додека работела како модел во САД.
Ќерката и мајката потпишале спогодба со обвинителството поради затајувањето данок, врз основа на која ја прифатила вината со цел да избегне затвор, но мајка ѝ не можела да го заобиколи затворот.
Според договорот за признавање вина, Рафаели ќе издржува казна од девет месеци општествено корисна работа, а мајка ѝ Ципи е осудена на 16 месеци затвор.
Исто така, треба да ѝ платат глоба од 1,5 милион американски долари заостанат данок на државата.
Обвинителите велат дека убавицата криела десетици милиони долари заработка од израелската даночна администрација во текот на три години, од 2009 до 2012 година, кога таа живеела на релација САД – Израел и во време кога била во сериозна врска со холивудскиот актер Леонардо ди Каприо (45).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Ај Кју со „Pay the Price“ го продолжуваат музичкиот континуитет
Дуото составено од Бојан и Марија го продолжуваат својот музички пат со песни испеани на англиски јазик, а најнова во низата е песната „Pay the Price“. Музиката и аранжманот е целосно дело на Бојан, а текстот го напишаа заедно со Марија и уште една нивна редовна соработничка од Лондон.
Песната опишува едно типично секојдневие на партнери кои живеат заедно и низ шармантен и духовит начин ги доловува ситуациите кои се предизвици на партнерите.
Песната е снимена во Лондон во студиото во кое творат последните неколку години и на оваа песна ја продолжија соработката со ко-продуцентите од Шведска и Италија.
Забава
(Видео) Враќање во иднината со Јован Јованов и Елвир Мекиќ
Јован Јованов и Елвир Мекиќ повторно ги споија своите гласови и енергија, 16 години откако ја испеаја „Слаба точка“.
Музички позрели од претходно, а сепак со истата страст, тие ја снимија песната „Адреналин“, која ќе биде вистински хит, а ќе почнете да си ја пеете и да играте во нејзин ритам уште на првото слушање.
Премиерата на песната е закажана за 01.11.2025 (сабота) во 15:00 часот.
Забава
Заборавете на црното: овој капут е хит за зимата и тешко е да се победи
Оваа сезона, ќе се оддалечиме од вечниот класик – црниот капут, кој е неопходен дел од зимскиот гардеробер, и ќе носиме таков што е малку потежок за одржување, но ја воздигнува секоја комбинација во студените денови.
Постигнувањето елегантен зимски изглед често се сведува на едно клучно парче облека – совршениот капут. Бидејќи ја дефинира целата силуета, добриот капут ви овозможува да носите речиси сè под него, а сепак да изгледате беспрекорно. Токму затоа модните експерти посветуваат посебно внимание на изборот на идеалниот модел секоја сезона.
Оваа зима, еден стил и една боја особено се издвојуваат и привлекуваат внимание со својата ненаметлива софистицираност, а тоа е кремастиот капут.

Фактот дека капутите во оваа боја се вистински хит го потврдија бројни познати личности, вклучувајќи ги Селена Гомез, Ема Вотсон и други, кои избраа вакви капути за различни пригоди во изминатите неколку недели, а истиот тренд го прифатија и бројни инфлуенсери.
Одлична алтернатива на белата
За разлика од чисто белата, кремастите нијанси нудат помек и потопол изглед и создаваат посуптилен контраст на потемните бои, внесувајќи доза на елеганција што е тешко да се победи.

Секако, клучниот предизвик со овој тренд е одржувањето. Бидејќи кремастите палта се чувствителни на нечистотија, се препорачува да се чуваат за суви денови и посебни пригоди, додека за дождливи и ветровити денови, потемните модели се сепак попрактичен избор.
Свежо, елегантно и несомнено софистицирано, кремастото палто е парче кое веднаш го воздигнува секој зимски гардеробер. Од популарни брендови до дизајнерски класици, понудата е побогата од кога било досега оваа сезона.
фото: принтскрин

