Забава
Биографот Том Бауер ја најде својата следна тема, Меган Маркл
Том Бауер, господарот на неовластената биографија, ја подготвува својата следна книга – за војвотката од Сасекс, објавија британски медиуми додавајќи дека тој е тврдокорен новинар, кој им се спротивставува на луѓе што ја затајуваат вистината.
Познат како добар истражувачки новинар, тој ќе биде човекот што ќе пребара и интервјуира разни извори за да обелодени објективни докази за она што го пишува.
Биографот наводно почнува 12-месечно детаљно истражување, ќе разговара со пријатели, непријатели и соработници на принцот Хари и Меган за да може прецизно да ја раскаже приказната за војвотката.
Британски медиуми цитираат неименувани извори, кои откриле дека Бауер договорил шестцифрена сума за да ја раскаже приказната за Меган.
Минатите теми му беа премиерот Борис Џонсон, медиумскиот тајкун Роберт Максвел, принцот од Велс… Насловите на книгите честопати ја следат препознатливата формула на микроописот на субјектот, на пример, Борис Џонсон: „Коцкарот“, Роберт Максвел: „Конечната пресуда“, и „Принц бунтовник: Силата, страста и пркосот на принцот Чарлс“.
Том Бауер има напишано биографии и за други познати имиња, меѓу кои и Тони Блер, Ричард Бренсон и Мохамед Фаед.
Весникот „Сан“ го цитира изворот што ја откри приказната за претстојната биографија: „Ова е книга што ќе ја плаши Меган. Том е застрашувачки темелен во истражувањето. Ниту еден камен нема да остане непревртен“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кузмановиќ, по победата, истрча до својата девојка и страсно ја бакна
По блескавата игра и победата над Франција, хрватскиот голман Доминик Кузмановиќ притрча до својата девојка и страсно ја бакна.
Двојката не можеше да ги сокрие емоциите откако Хрватска се пласираше во финалето на Светското првенство во ракомет.
И на претходните мечеви девојката од трибините му даваше поддршка на Кузмановиќ.
А тој по пласманот во четвртфиналето на Светското првенство истрча до својата девојка која беше на трибините.
И победата над Словенија ја прослави со бакнеж. Истото го направи откако ги победија Унгарците. Убавата бринета која го заведе Доминик по професија е економист, а Доминик нема фотографии со неа на својот Инстаграм профил, па не се знае многу за неа, пренесуваат хрватските медиуми.
Забава
Ричард Гир неодамна се пресели во Шпанија, сега таму ќе добие филмска награда
На американскиот актер Ричард Гир, кој неодамна се пресели во Шпанија, ќе му биде врачена меѓународната награда на најважната церемонија на доделување филмски награди во земјата, „Гоја“, следниот месец, објави Шпанската филмска академија.
Актерот ќе ја добие меѓународната награда на церемонијата во Гренада, што ќе се емитува на националната телевизија на 8 февруари, се вели во соопштението.
Академијата го пофали Гир за неговиот „извонреден придонес во кинематската уметност глумејќи во некои од најлегендарните филмови во историјата на кинематографијата“.
Таа исто така ја пофали „општествената посветеност што ја покажал и лично и професионално“ за разни цели, како што е помошта на бегалците и бездомниците. Академијата го истакна „интензивниот активизам на Гир во име на тибетската автономија и зачувувањето на тибетската култура“.
Ричард Гир (75) и неговата сопруга Алехандра Силва (41) минатата година се преселија во Мадрид со двата сина.
„Посреќни сме од кога било“, изјави актерот во интервју за шпанското издание на магазинот „Ел“ на прашањето за нивниот нов живот во Шпанија.
Забава
(Видео) Позната актерка: Сите ги коментираа моите гради кога имав 16 години
Актерката Џенифер Лав Хјуит гостуваше во поткаст во кој присети на времето кога била сексуализирана во медиумите како тинејџерка.
„Кога имав 16 години, возрасните зборуваа за моите гради на ток-шоуа и луѓето ми се смееја. Тоа беше целосно прифатена култура, но кога ќе седнете и ќе погледнете каде сме сега во споредба со местото каде што бевме тогаш, навистина е зачудувачки“, опиша Џенифер.
„Гледајќи наназад, мислам дека беше навистина чудно да се стане секс симбол пред да знам што значи тоа. Не знаев што значи да се биде секси“, истакна таа. Рекла и дека добила непријатни коментари за појавувањето на насловната страница на магазинот „Максим“ на 17 години, истакнувајќи дека тоа и било „малку одвратно“.
Оваа 45-годишна актерка е најпозната по улогите во серијалот филмови I Know What You Did Last Summer. Откако се појави во нив, таа вели дека добивала шеги како „Знам што правеа твоите гради минатото лето“.