Забава
Браќата Картер во војна, Арон се заканува, а Ник бара забрана на пристап

Поранешниот член на популарната музичка група „Бекстрит бојс“ Ник Картер за британски „Мирор“ изјавил дека добил смртни закани од неговиот помлад брат Арон.
Ник побарал судска забрана за Арон, кој не смее да му се приближи на помалку од 100 метри, ниту на пејачот ниту на неговото семејство во семејната куќа во Лас Вегас.
„По долго размислување, јас и мојата сестра побаравме судска забрана за Арон. Тој не смее да ни се доближи на помалку од 100 метри“, изјавил Ник.
Ник објаснил дека бил загрижен од однесувањето на Арон, кое на моменти станало вознемирувачко, особено кога ги добил смртните закани.
„Немавме избор. Морам да се заштитам себеси и моето семејство“, објаснил Ник, кој се надева дека неговиот брат Арон ќе побара стручна помош.
„Го сакам мојот брат и искрено се надевам дека ќе ја најде помошта што му е потребна, пред да си наштети себеси или на некој друг“, изјавил Ник.
Арон, пак, вели дека немал намера да нашети на никого, особено не на своето семејство.
„Шокиран сум од обвинувањата против мене. Јас не сакам да му наштетам на никого, особено не на моето семејство. Не можам да дозволам никој да ја преземе контролата врз мојот живот“, напишал Арон на социјалните мрежи.
Тој нагласил дека повеќе не сака да има никаква врска со неговиот брат и дека ќе се грижи само за себе.
„Ник, држи се подалеку од мене. Ќе си го вратам животот во нормала“, изјавил Арон.
Тој се прослави со преработка на хитот на „Бич бојс“ – „Surfin’ USA“, и колку повеќе станувал популарен, толку повеќе се борел со зависноста од дрога и алкохол. Неодамна призна дека боледува од четири психички болести. Поранешната тинејџерска ѕвезда во американската телевизиска емисија The Doctors призна дека боледува од шизофренија, акутна анксиозност, манична депресија и биполарно нарушување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.