Забава
Бред Пит мора да достави документи до судот кои би можеле да докажат насилство врз Анџелина

Холивудската актерка Анџелина Џоли постигна своевидна судска победа во спорот против нејзиниот поранешен сопруг Бред Пит. Имено, утврдено е дека Пит мора да му ги предаде на судот сите документи кои можат да докажат дека бил насилен кон неа и нивните деца.
Поранешните сопружници во моментов сè уште спорат околу лозјето Миравал во Франција. Како дел од таа борба, судот сега одлучи дека Пит мора да ги предаде сите потенцијални докази за насилство.
Џоли побара од судот да го принуди нејзиниот поранешен да открие се што се случило помеѓу 14 септември 2016 и 31 декември 2018 година. Ова вклучува е-пошта, пораки и други видови писмени комуникации, но не ги вклучува комуникациите помеѓу него, неговите адвокати или терапевтот.
За потсетување, Џоли го обвини Пит дека во 2016 година ја полил со вино неа и едно од нивните деца во приватен авион. Дополнително, Џоли тврди дека ја малтретирал во некои претходни прилики, но Бред Пит ги негираше сите обвинувања.
Во јули оваа година таа поднесе докази до судот во кои се тврди дека Пит се обидел да ја принуди да потпише договор за тајност вреден 8,5 милиони долари. Со него, тврди Џоли, сакал да ги прикрие „годишните злоставувања“, па нејзиниот тим побарал Пит да открие „приватни комуникации од трета страна“ за спорниот лет, кој актерот наводно ги поседува.
„Неговите постапки и наштетија на Анџелина и нивните деца и се клучни за овој случај. Но, сакам да нагласам дека Анџелина никогаш не сакала ништо од ова. Таа никогаш не поднела тужба, ги оставила сите нивни имоти и таа е таа што се обидела да го продаде својот бизнис “, изјави адвокатот на Џоли, Пол Марфи.
„Господинот Пит до денес не одговараше за своите постапки и цело време ги контролираше Миравал и винаријата, но тој сè уште бара повеќе. Таа сака ова да престане, децата сакаат да престане, а г. Пит треба да се фокусира на заздравување на семејството, а не на тужби“, додаде адвокатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.