Забава
Бритни Спирс ја удрил телохранителот на НБА-ѕвезда: „Трауматските искуства не се нови за мене“
Бритни Спирс поднела пријава во полиција по жестока реакција на член на обезбедувањето на кошаркарска ѕвезда.
Бритни се обидувала да му честита на Виктор Вембањама за неговиот успех во НБА кога наводно еден од неговите телохранители ѝ удрил шлаканица.
Таблоидите веднаш ја пренесоа веста за немилата случка.
Пејачката (41), која успеа да ја врати контролата над својот живот и финансиите кога судот во 2021 година го укина спорното старателство на татко ѝ, му пришла на спортистот зад грб кога го забележала во ресторан во Лас Вегас во четвртокот вечерта.
Телохранителот, а и спортистот, тврдат дека таа го зграпчила одзади, но таа вели дека само го чукнала по рамото бидејќи опкружувањето било многу гласно.
„Трауматските искуства не се нови за мене, ги имам доживеано многу. Не бев подготвена за она што ми се случи синоќа. Го препознав спортистот во лобито на хотелот додека одев на вечера. Подоцна отидов во ресторан во друг хотел и повторно го видов,“ напиша Бритни на „Инстаграм“.
„Решив да му пријдам и да му честитам на успехот. Беше навистина гласно, па го чукнав по рамото за да му го привлечам вниманието“.
Бритни додава дека Виктор дал изјава во која тој тврди дека го зграпчила, но таа е децидна дека тоа било едноставно тапкање по рамото. Таа, воедно, го потсетува дека порано, кога ќе ја опкружиле десетици фанови, никој од нејзините телохранители не реагирал така.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
В сабота јубилејна 20-та „Бела ноќ“ во Скопје
„Бела ноќ“ по 20-ти јубилеен пат ќе се одржи во сабота (05.10.2024) на неколку локации низ Скопје, настанот претставува симбол на културно-уметничкиот живот на скопјани, и со низа активности секоја година ја збогатува понудата на културно-уметнички настани во Скопје.
Скопјани и посетителите ќе имаат можност да уживаат во театарски спектакл на отворено, музички настани, изложби, проекции, работилници и други културно-уметнички перформанси на десетици локации низ градот.
Централната манифестација ќе започне со настап на француската театарска група „Compaigne des quidams“ со дефиле и спектакл на отворено кој ќе започне од Музеј на град Скопје преку улица Македонија, Плоштад Македонија, преку Камени мост па се до паркот Ибни Пајко каде ќе кулминира со 3Д мапинг.
Покрај театарскиот спектакл, ќе се одржи и концерт на музичкото училиште „Ентерпрајз“ на истата локација, а на „Школка“ во Градски парк ќе се одржи поп рок концерт на Култи Ватор. Во клуб ресторан МКЦ ќе се одржи меѓународен фестивал на електронска музика со настап на Ди џеј Томи Бојаџи (Македонија), ди џеј Dee (Србија), ди џеј Geri Kacerija (Албанија) како и видео артистот Петар Џон.
Под браната Матка ќе се одржи ЕХО фестивал на планински филм со ноќно кино на кое ќе се прикажуваат победничките филмови од минатите изданија. Друштвото на ликовни уметници на Македонија ќе се претстават со „Осветлено илуминирано урбано наследство во Куќата на ДЛУМ („Илинденска“ бр. 63).
Во „Лабораториум“ ќе се одржи мултимедијален микс на културни и уметнички изразувања кои го отелотворуваат духот на Скопје и неговата креативна заедница под наслов „Стоногалка“, а во кафулето „Излет“ ќе се одржи изложба на постери илустрации и стрипови на Славица Купенкова.
Низа активности и настани ќе понудат и културните институции во Скопје, па така во библиотека „Браќа Миладиновци“ – Друштвени игри за раскажување приказни, во „Музеј на македонската борба“ – изложба „100 години од смртта на Арсени Јовков, изложба „Анатомија на муралот – Илинден 1903, Борко Лазески“, изложба за жените во македонската историја под наслов „ И тие се херои“.
Во „Културно информативен центар“- КИЦ – изложба на слики „ Еffortles“, групна изложба на фотографии на Зрно Фестивал „ Танцот на фотоните, групна изложба по повод наградата Борко Лазески со „ Резонанца“, концерт на Ана Мазнејкова на пијано под наслов „ Годишни времиња“.
Во национална галерија „Даут Пашин Амам“ – изложба „Сенки во облаците“ на Емил Шулајковски, јубилејна изложба по повод 120 години од раѓањето на Томо Владимирски.
Во Музеј на современа уметност – самостојни изложби на победниците 14 тото меѓународно Биенале на млади уметници, изложба на Серхат Емрулаи со инсталацијата „ Се селиме на нова локација, изложба на Наџа Крачуновиќ „ Во име на мајка, во презиме на татко“, изложба (исцртување на ѕидови) на Дан и Лиа Пержовски
Во Дом на култура „Кочо Рацин“ – изложба под наслов „Бескрајна приказна за една точка“ на Марија Чепишева. Во Македонски народен театар МНТ-Театарска претстава„ Кец на десетка“. Во „Детски културен центар Карпош“ ДКЦ -натпревар „Инструменти на моите предци“ и ликовна изложба, а во Кинотека на Македонија – проекција на филмот „A Bucket od Blood“ од Роџер Корман.
Целосната програма со распоред, локации и учесници може да се погледне на www.univerzalna.com.mk/belanok. Сите настани се од отворен карактер и се бесплатни за посетителите.
Настанот е во организација на ЈУ Универзална сала, a финансиран од Град Скопје.
Забава
Гвинет Палтроу објави фотографија со својот сопруг: „Колку романтично“, напишаа обожавателите
Актерката Гвинет Палтроу и Бред Фалчук викендов ја прославија 6-годишнината од бракот, а Гвинет објави фотографија на Инстаграм по повод овој настан. На фотографијата таа и Бред седат на даска за веслање и се бакнуваат, а во описот на објавата напишала само: „6“.
Многумина забележаа дека Гвинет, која е свртена со грбот на фотографијата, изгледа прекрасно во црно дводелно бикини.
Објавата има над 100.000 лајкови на Инстаграм. „Колку романтично“, „Преслатки сте“, „Спонтана фотографија, прекрасни сте“, се само дел од коментарите.
Забава
Објавени фотографии од тајната венчавка на Ребел Вилсон и Рамона Агрума во Италија
Ребел Вилсон стапи во брак со Рамона Агрума минатиот викенд. Ребел и Рамона првиот заеднички одмор го поминаа во Италија, па таму се одржа и свадбата.
Објавени се фотографии од свадбата на Сардинија. Девојките блескаа во венчаници. Ребел својот фустан го украси со ремен, а Рамона имаше циркони на венчаницата.
Свадбата се одржа во кругот на најблиското семејство и пријателите.