Забава
Верни до крај: хороскопски знаци што не ги изневеруваат партнерите

Некои хороскопски знаци по својата природа се лојални. За нив довербата е основата на секоја врска, а верноста е нешто што не може да се преговара. Кога сакаат, сакаат длабоко и искрено, а изневерувањето не им е опција – едноставно е против сето она во што веруваат. Запознајте ги трите хороскопски знаци кои секогаш ќе останат со партнерот бидејќи нивната лојалност и љубов се на прво место.
Бик
Биковите се познати по својата стабилност и лојалност, а штом се обврзат на врска, тоа е сериозна работа. За Биковите љубовта е како градина која бара внимателно грижа, па затоа попрво ќе ја вложат својата енергија во решавање на проблемите отколку да бараат возбуда надвор од врската. Бикот сака чувство на сигурност и стабилност, а изневерувањето само би уништило се што изградиле со годините. Овој знак е склон кон долги врски бидејќи ја цени довербата и емоционалната поврзаност. Биковите не сакаат драма – сакаат мир и спокојство, а знаат дека тоа ќе го имаат само со партнер на којшто може да му веруваат и кој ја враќа истата лојалност.
Рак
Раковите се длабоко емотивни и лојални на своите партнери, а кога ќе се заљубат, тоа е со целото срце. Овој знак сака да дава љубов, но и да се чувствува сакан, па изневерувањето не е опција за Ракот. Сакаат дом полн со љубов и хармонија, а најважно им е да почувствуваат емотивна врска со партнерот. Раковите веруваат во безусловна љубов и поддршка, па дури и кога ќе наидат на потешкотии во врската, попрво би разговарале и ќе се обидат да ги поправат работите отколку да бараат некој друг. Нивната емпатија и чувството за одговорност кон партнерот ги прави еден од најверните знаци во зодијакот. За Ракот љубовта е семејство, а во семејството нема место за неверство.
Јарец
Јарците се сериозни и одговорни, а измамата едноставно не е нивен стил. Кога Јарецот влегува во врска, тоа го прави со долгорочни планови и јасни цели. Искреноста и доверливоста се свети за нив, а нивната верност е резултат на длабоката почит кон партнерот. Јарецот се води по принципот дека стабилноста и доследноста се клучни за среќна врска, па нема да ризикуваат се што постигнале за минлива авантура. Дури и кога работите стануваат предизвикувачки, Јарците се подготвени да вложат труд и да најдат решенија, бидејќи за нив љубовта не е само чувство – тоа е обврска што ја сфаќаат сериозно. Кога Јарецот ве сака, можете да бидете сигурни дека сте го нашле вистинскиот партнер за живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Николина Пишек покажа како ја уредила својата вила во Загреб вредна 1,7 милиони евра

Николина Пишек на Инстаграм покажа како изгледа внатрешноста на нејзината куќа во Загреб.
Дневната соба е уредена во неутрални тонови. Посебно се истакнуваат сивиот кауч украсен со шарени перници и големото растение во керамичка саксија.
Николина ја сними и златната масичка. Внимание привлече и кујната со минималистички дизајн и уметничките дела на ѕидовите.
Куќата има 420 метри квадратни и градина од 1460 метри квадратни, која е изградена во 2012 година. Има голема дневна соба, кујна, пристап до базен, 3 спални соби и простор за персонал.
Николина ја купила вилата во Загреб со нејзиниот покоен сопруг Видоје Ристовиќ. Таа почна да ја уредува минатата година.
Забава
Мелинда Гејтс: Разводот од Бил беше мојот одговор на предавствата во бракот

Мелинда Френч Гејтс, поранешна сопруга на милијардерот Бил Гејтс, отворено проговори за разводот во својата книга „The Next Day“. Вели дека се почнало да се одвива во тајност, една година пред да стигне официјалната потврда за разводот.
За ова, таа даде интервју и за магазинот „Пипл“, каде што рече дека веќе во 2019 година почнала да има кошмари „за убава куќа која се урива околу неа“. Таа пишува дека подоцна ги сфатила како потсвесни сигнали дека има проблеми во нејзиниот брак.
Во февруари следната година, парот беше на одмор во Ново Мексико. Последната ноќ од патувањето, Мелинда му рекла на Бил дека сака да живее одвоено и дека ќе живее со нивната најмлада ќерка Фиби. „Тоа беше еден од најстрашните разговори што некогаш сум ги имала“, истакнува Мелинда, додавајќи дека Бил имал разбирање и покрај се. Поради се почнала терапија која ја опишала како нејзин одговор „на предавствата во бракот и обидот да не се изневери самата себе“.
Да потсетиме, Бил еднаш го опиша разводот како една од најголемите грешки во неговиот живот. „Има повеќе, но ништо не е важно. Разводот беше болен за Мелинда и мене најмалку две години“, истакна тој. Мелинда потоа рече дека знаела дека „ќе биде добро сама“ откако ќе се разведе.
Бил Гејтс и Мелинда Френч Гејтс се венчаа во 1994 година, а заедно ги имаат ќерките Џенифер (28) и Фиби (22) и синот Рори (25). Тие ја потврдија веста за нивниот развод во мај 2021 година по 27 години брак. Тие наводно биле разделени една година пред потврдата.
Забава
(Фото) Џорџ Клуни изгледа непрепознатливо со новата боја на коса

Џорџ Клуни се појави со Џулија Робертс пред театарот Winter Garden на њујоршкиот Бродвеј, каде што се фотографираа со обожавателите и даваа автограми.
Клуни повторно го привлече вниманието со својот нов имиџ, а луѓето не можат а да не се изненадат колку поинаку изгледа со новата боја на коса. Шеесет и четиригодишниот актер ја обои препознатливата седа коса во кафена боја за шоу на Бродвеј.
Покрај новата боја на коса, Клуни го промени и стилот и сега го носи таканаречениот „имиџ на италијанската мафија“, со залижана коса и очила за сонце со сино-виолетови стакла.
Клуни глуми во претставата Good Night, and Good Luck, адаптација на истоимениот филм од 2005 година, за кој тој го напиша сценариото, го режираше и глумеше. Претставата имаше претпремиера на 12 март, а официјалната премиера е закажана за 3 април.