Тиктокерот Кан стана вирален откако ја интервјуираше Џенифер Лопез на улица, а она што најмногу привлече внимание не беше само средбата со познатата пејачка и актерка, туку тоа што не ја препозна.

Додека поминувал покрај неа, инфлуенсерот спонтано и упатил комплименти за нејзиниот стил на облекување, а потоа ја запрел и ја прашал што работи. Таа за момент се изненадила пред да одговори дека е пејачка. Секако, корисниците на „Тик-ток“ забележале како Џенифер била целосно збунета од ситуацијата.

Сите детали од таа средба беа објавени во видео кое е прегледано речиси 10 милиони пати, а тиктокерот и постави уште неколку прашања на Џенифер Лопез. Освен што ја прашал што работи за живот, тој ја прашал и како се вика, што ѕвездата уште повеќе ја изненади.

@hikhann_ What do you do for a living? #foryoupage #whatdoyoudoforaliving #viralvideo #clout #foryourepage #viral #fyp #foryou #tiktok ♬ original sound – Khan

Инфлуенсерот потоа ја праша Џенифер што сака во нејзината работа, а таа одговори дека сака се во врска со тоа. Интервјуто не заврши тука – следното прашање беше што ја мотивираше да го избере овој пат во кариерата, на што Лопез одговори: „Тоа е само нешто што морав да го направам“. Потоа ја допреа темата самодоверба, а Џеј Ло го сподели својот совет.

На крајот од интервјуто, тиктокерот ја праша Џенифер кој е најдобриот совет што го добила, а таа откри дека нејзината мајка и рекла: „Работи напорно и биди добра личност“.

На многумина им беше смешно што во еден момент покрај нив поминаа девојки и почнаа да ја викаат, а таа со насмевка ги поздравуваше. Ниту во тој момент тиктокерот не претпоставуваше дека е голема ѕвезда.

Во коментарите под видеото се крена голема дебата – едни напишаа дека е очигледно дека само се преправа и има намера да ја испровоцира, а други излегоа во негова одбрана. „Можеби човекот навистина не знае која е таа“, напиша некој.

„Овој тип го тестира нејзиното трпение. Навистина многу се трудеше да биде учтива“, „Беше изненадена, но сепак го продолжи разговорот“, „Нејзиниот говор на телото вели дека е многу навредена“, „Тој ѝ го сруши егото за две минути“, „Ова е најдоброто нешто што сум го гледал во изминатиов период“, беа коментарите.

Кејт Мидлтон, принцезата од Велс, откри како се справува со стресот откога минатата година ѝ беше дијагностициран рак. На јутјуб-каналот на Кејт и Вилијам, како и на „Инстаграм“, објавено е кратко видео, на кое принцезата се дружи со извидници на езерото Виндермер во Велика Британија.

Кејт за време на разговорот со главниот извидник Двејн Филдс рече дека чувствува длабока духовна и емоционална поврзаност додека е во природа, што ѝ дава „чувство на мир во многу зафатен свет“.

 

View this post on Instagram

 

A post shared by The Prince and Princess of Wales (@princeandprincessofwales)

Како што рече, не сите гледаат на ист начин на поминувањето време во природа, но нагласи дека тоа ѝ е многу важно. Покрај чувството за поврзаност, таа вели дека наоѓа рамнотежа и во природата.

Да потсетиме, принцезата во јануари објави дека ракот, кој ѝ беше дијагностициран минатата година, е во ремисија. „Олеснување е што сега сум во ремисија и останувам фокусирана на закрепнувањето. Како што знае секој кому му е дијагностициран рак, потребно е време да се приспособи на новата нормала“, рече таа во изјавата објавена на „Инстаграм“.

Има луѓе кои на стрес реагираат со длабок здив, шолја чај и зборовите „ох, се ќе биде во ред“. А потоа, тука се и овие хороскопски знаци кои се разгоруваат побрзо од запалка на ветрот, особено ако им кажете: „Ајде, смири се“.

За нив емоциите се како молња, а кога нешто не оди како што планирале – подобро е да се тргнете од патот.

Овен
Овните немаат нерви и толку. Чекање, комплицирање, пасивна агресија? Тоа не доаѓа предвид. Ако нешто не им се допаѓа, веднаш ќе го кажат тоа. Ако нешто ги фрустрира, сите во собата ќе знаат. И ако им кажете да се смират – ќе бидат погласни.

Не знаат да молчат и да голтаат. Веднаш реагираат, па можеби утре ќе се извинат, но денес? Денес е војна. Со Овенот знаете за што сте, но знаете и дека нервите ќе ви се тресат штом почнат да превртуваат со очите.

Близнаци
Близнаците се секогаш вклучени, но никогаш стабилни. Нивниот мозок работи со 300 на час, а нивното расположение се менува одвреме-навреме. Кога се нервозни, зборуваат дури и побрзо од вообичаено, скокаат од тема на тема и реагираат на секој предлог за смирување како да сте им кажале да го избришат Инстаграмот. Ако сакате мирен Близнак, фатете го додека спие. Можеби.

Девица
Девицата не вика и не фрла работи, но одвнатре? Еруптира како вулкан. Нејзината нервоза доаѓа од перфекционизмот. Ако нешто не оди според планот, ако некој не ги почитува правилата, веднаш е под стрес. И ако потоа ѝ кажете: „Опушти се, не е крај на светот“, ќе го добиеш тој поглед кој вели: „Во мојата глава, светот завршува токму сега, ти благодарам“. Девицата веројатно ќе ја задржи присебноста, но на пасивно-агресивен начин ќе ве потсети дека била во право. И дека сте биле неорганизирани.