Забава
(Видео) Бред Пит го прави своето филмско деби во поранешна Југославија за 1.523 долари

Својата прва улога во професионалната кариера Бред Пит ја остварил во американско-југословенски филм, во кој глумел заедно со Милена Дравиќ.
Актерот роден во Оклахома, подоцна преселен во Беверли Хилс, Калифорнија, шест години студирал глума. Во 1988 година ја добива првата главна улога во „Темната страна на сонцето“ (The Dark Side of the Sun), во која глуми млад Американец, чие семејство го носи на Јадран за да се излечи од кожна болест.
Филмот е снимен во Котор и неговата околина во летото 1988 година, а поради распадот на Југославија, бил објавен дури во 1997 година.
Американско-југословенскиот филм е во режија на Божидар Николиќ, сценариото го напишаа Ендрју Хортон и Жељко Мијановиќ според приказна на Никола Јовановиќ. Главните улоги во филмот ги толкуваат Бред Пит, Шерил Полак и Гај Бојд.
Пит го игра Рик Клејтон, млад човек кој боледува од ретка болест на кожата и кој учи важни животни лекции на Јадранот. Милена Дравиќ глуми негова мајка. Заедно со нив во филмот глумат и Горица Поповиќ и Соња Савиќ.
Режисерот Николиќ од 400 кандидати за главна улога го избрал Бред Пит. Актерот бил многу среќен поради изборот иако за седум недели снимање му платиле само 1.523 долари.
Неколку години подоцна почна неговиот подем како актер – „Интервју со вампирот“ (1994), „Легенда за есента“ и „Седум“. Во 1997 година ги сними „Семе на злото“ и „Седум години на Тибет“ и стана еден од најпопуларните холивудски актери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.