Забава
(Видео) Брутално убиени познат рапер и неговата ќерка (5), во нив се испукани 20 куршуми

Познатиот тексашки рапер Џ.С. Лил Рони и неговата петгодишна ќерка Р`Mани се брутално убиени во автоперална. Трагедијата се случила среде бел ден додека раперот си го миел автомобилот, а нападот бил снимен на безбедносните камери.
Полицијата добила дојава за пукање околу 11 часот, но и покрај брзата интервенција на итната помош, таткото и ќерката биле пронајдени мртви. Според властите, двајца напаѓачи се приближиле до возило „Киа“ и отвориле оган без предупредување.
Властите во Тексас успеаја да уапсат еден од осомничените за убиството, човекот по име Робисон, кој ќе биде екстрадиран во округот Тарант каде ќе се соочи со две обвиненија за убиство. Меѓутоа, вториот осомничен Џејкоб Расел сѐ уште е во бегство, а полицијата интензивно трага по него.
Безбедносните камери снимија застрашувачки сцени – раперот Џеј Ес Лил Рони се обидува да избега, трчајќи преку паркинг, додека неговите напаѓачи го бркаат и пукаат во него. Видеото од убиството брзо се прошири на социјалните мрежи, шокирајќи ги неговите обожаватели и јавноста.
Неговото семејство, пријателите и обожавателите се уште се во неверување поради бруталното убиство. Тетката на убиениот рапер, Стела Хјустон, во изјава за локалниот огранок на „NBC“, „WCAU News“, не можеше да ги сокрие солзите додека зборуваше за својот внук.
„Тој беше добро момче. Не повреди никого. Зошто би го нанел? Зошто би пукал во бебе“, рекла таа низ солзи.
Соседите кои биле во близина во моментот на нападот изјавиле дека слушнале бучава и бројни истрели. Некои сведоци тврдат дека биле испукани дури 20 куршуми.
Посебно трогателен податок е тоа што малата Р’Мани го прослави својот петти роденден ден пред нападот, несвесна дека тоа ќе биде нејзиниот последен ден на среќа и радост.
Рони беше познато име во тексашкиот хип-хоп светот, со над 151.000 следбеници на „Instagram“, 19.000 претплатници на „YouTube“ и 40.000 слушатели на „Spotify“. Меѓу неговите најпознати песни се „Hoodfame Killuminati“, „Wops“, „Stay Out My Way“ и „Crash Pt 4“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Есента пристигна, време е да се зајакне имунитетот

Со доаѓањето на есента, деновите стануваат пократки, температурите се намалуваат, а времето сè почесто е променливо. Овие услови носат поголем ризик од настинки и вирусни инфекции, па затоа потребно е навремено да се зајакне имунитетот.
Лекарите потсетуваат дека здравиот имунолошки систем е клучен за справување со сезонските предизвици. Тие советуваат редовна и разновидна исхрана богата со свежо овошје и зеленчук, кои се извор на витамини и антиоксиданси. Особено се препорачуваат намирници богати со витамин Ц, како цитрусното овошје, кивито и пиперките.
Физичката активност, дури и во поладните денови, исто така е од големо значење. Брзото пешачење, лесното трчање или вежбањето дома можат да помогнат во одржување на енергијата и подобрување на општата состојба на организмот.
Стручњаците дополнително советуваат доволно сон и намалување на стресот, бидејќи тие се меѓу најчестите фактори кои го ослабуваат имунитетот.
Есента може да биде убава и пријатна, доколку се грижиме за нашето здравје и превентивно го зајакнеме организмот за студените денови кои следуваат.
-
Вклучете повеќе овошје и зеленчук – јаболка, круши, киви, цитрусно овошје, моркови и тиква. Овие намирници се богати со витамини Ц и А, кои го зајакнуваат организмот.
-
Консумирајте намирници богати со цинк – ореви, семки од тиква, интегрални житарки и мешунки, бидејќи цинкот игра важна улога во одбраната од инфекции.
-
Додајте пробиотска храна – јогурт, кефир и кисела зелка, кои ја поддржуваат здравата цревна флора и го јакнат имунитетот.
-
Не заборавајте на топли супи и чорби, особено оние со зеленчук и домашна пилешка супа, кои се вистинска „вакцина“ од природата во студените денови.
-
Вклучете мед и ѓумбир во секојдневната исхрана, познати по своите антибактериски и антиинфламаторни својства.
Топли чаеви за есенски денови
-
Чај од ѓумбир и лимон – ја подобрува циркулацијата и ја зајакнува одбранбената моќ на телото.
-
Чај од шипка – богат со витамин Ц, помага против замор и настинки.
-
Чај од камилица – го смирува телото, го намалува стресот и помага за подобар сон.
-
Чај од мајчина душица и нане – корисен за дишните патишта и во борба со кашлица.
-
Зелен чај – природен антиоксиданс, кој го зајакнува
Забава
(Фото) Сексапилната актерка повторно воодушеви во проѕирен фустан

Холивудската актерка Дакота Џонсон се појави на Филмскиот фестивал во Цирих и воодушеви со уште еден проѕирен фустан.
Секое појавување на оваа убавица привлекува внимание, а се чини дека наскоро ќе стане синоним за чипкани, проѕирни комбинации, со оглед на тоа што успеа да ги воодушеви сите со уште еден.
Таа прошета во Цирих во син фустан чиј горен дел е направен од чипка и е проѕирен, додека долниот дел е малку поширок, направен од тил и доста волуменозен.
Како и обично, фокусот беше на природната убавина, па Дакота ниту овој пат не претеруваше со вечерната шминка, а косата ја остави да паѓа во бранови.
На својот стајлинг додаде обетки и два импресивни прстени, а сите собрани ги разоружа со насмевка.
Во текот на вечерта, таа беше наградена и со наградата „Златно око“ за животно дело, па нејзината кариера е побогата за ова значајно признание.
фото: принтскрин
Забава
(Видео) Селена Гомез се мажи овој викенд: објави снимка на социјалните мрежи

Актерката, пејачка и претприемачка Селена Гомез наговести дека овој викенд се мажи за музичкиот продуцент Бени Бланко, пишува „Дејли меил“.
Имено, Селена Гомез објави видео од маса полна со производи за шминкање на официјалниот Инстаграм профил на нејзиниот бренд за убавина „Rare“.
Покрај производите за убавина, имаше и мобилен телефон, како и црни очила за сонце и сребрена чанта.
„Јас цел викенд“, кратко напиша пејачката.
Видео материјалот ја разбуди имагинацијата на многу нејзини обожаватели, а тие сега претпоставуваат дека Селена ќе го каже судбоносното „ДА“ во текот на викендот, бидејќи… Исто како и секоја невеста, таа ќе посвети доста време на разубавување и нанесување шминка за големиот ден.
Некои американски медиуми веќе објавија дека актерката ќе се мажи овој викенд.