Забава
(Видео) Брутално убиени познат рапер и неговата ќерка (5), во нив се испукани 20 куршуми

Познатиот тексашки рапер Џ.С. Лил Рони и неговата петгодишна ќерка Р`Mани се брутално убиени во автоперална. Трагедијата се случила среде бел ден додека раперот си го миел автомобилот, а нападот бил снимен на безбедносните камери.
Полицијата добила дојава за пукање околу 11 часот, но и покрај брзата интервенција на итната помош, таткото и ќерката биле пронајдени мртви. Според властите, двајца напаѓачи се приближиле до возило „Киа“ и отвориле оган без предупредување.
Властите во Тексас успеаја да уапсат еден од осомничените за убиството, човекот по име Робисон, кој ќе биде екстрадиран во округот Тарант каде ќе се соочи со две обвиненија за убиство. Меѓутоа, вториот осомничен Џејкоб Расел сѐ уште е во бегство, а полицијата интензивно трага по него.
Безбедносните камери снимија застрашувачки сцени – раперот Џеј Ес Лил Рони се обидува да избега, трчајќи преку паркинг, додека неговите напаѓачи го бркаат и пукаат во него. Видеото од убиството брзо се прошири на социјалните мрежи, шокирајќи ги неговите обожаватели и јавноста.
Неговото семејство, пријателите и обожавателите се уште се во неверување поради бруталното убиство. Тетката на убиениот рапер, Стела Хјустон, во изјава за локалниот огранок на „NBC“, „WCAU News“, не можеше да ги сокрие солзите додека зборуваше за својот внук.
„Тој беше добро момче. Не повреди никого. Зошто би го нанел? Зошто би пукал во бебе“, рекла таа низ солзи.
Соседите кои биле во близина во моментот на нападот изјавиле дека слушнале бучава и бројни истрели. Некои сведоци тврдат дека биле испукани дури 20 куршуми.
Посебно трогателен податок е тоа што малата Р’Мани го прослави својот петти роденден ден пред нападот, несвесна дека тоа ќе биде нејзиниот последен ден на среќа и радост.
Рони беше познато име во тексашкиот хип-хоп светот, со над 151.000 следбеници на „Instagram“, 19.000 претплатници на „YouTube“ и 40.000 слушатели на „Spotify“. Меѓу неговите најпознати песни се „Hoodfame Killuminati“, „Wops“, „Stay Out My Way“ и „Crash Pt 4“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Се нижат критики за новиот имиџ на Кејт Мидлтон: „Изгледа оштетено, многу лошо“

Кејт Мидлтон се врати на кралските должности и веднаш ги изненади сите со драстична промена на својот имиџ.
Принцезата од Велс, Кејт Мидлтон, ја покажа својата летна трансформација за време на посетата на Природонаучниот музеј во Лондон.
Придружувана беше од принцот Вилијам, а ова беше и нивното прво појавување по летниот одмор.
Иако сме навикнати Кејт секогаш да привлекува внимание со својот изглед и внимателно одбрани комбинации, овој пат токму нејзината коса направи сè за неа.
Принцезата драстично го промени својот имиџ и се појави со златни прамени и многу посветла нијанса на коса.
Ако им се верува на најлојалните обожаватели на кралското семејство, ова е нејзината најсветла коса досега, но и најдолга. Сепак, не им се допадна на сите.
„Никогаш немала толку грда коса“, „Изгледа оштетена“, „Ова дефинитивно е перика“, „Кејт, навистина лоши екстензии“, беа некои од коментарите.
Сепак, тешко е да се поверува дека принцеза би се одлучила за толку лоша перика.
фото: принтскрин
Забава
Згодниот актер Џејсон Момоа и со лакирани нокти и розови папучи повторно ги освои жените

Самиот крај на Филмскиот фестивал во Венеција донесе вистинско изненадување, Џејсон Момоа во необично издание.
Холивудскиот актер се појави на осмиот ден од Филмскиот фестивал во Венеција и целосно ги изненади сите.
Тој ги шокираше сите со својот изглед, токму кога мислевме дека веќе сме виделе сè на овој Фестивал.
Имено, тој прошета во специјално „барби издание“. Џејсон избра розов костум кој го комбинираше со бела кошула, традиционално раскопчана кога е тој во прашање и сандали во иста боја.
Сепак, деталите се она што го издвојува секој стајлинг, без разлика дали е за мажи или жени, а овој пат Џејсон ги имаше налакирано ноктите.
Џејсон Момоа одамна е познат како актер кој нема предрасуди кога станува збор за облекување, па затоа појавувањето во розова боја воопшто не е шок за него, а не е ни прв пат. Уште во 2019 година, тој привлече внимание кога прошета во розов смокинг од Фенди на доделувањето на Оскарите.
Фото: ЕПА
Забава
(Фото) Српската модна инфлуенсерка блесна во Венеција

Венецискиот филмски фестивал е сè уште во тек, а парадата на славните личности на црвениот тепих е неизбежен аспект на овој настан.
Досега имавме можност да видиме креации кои го привлекуваат вниманието, но и такви кои се резервирани само за храбрите.
На црвениот тепих се појави и српската модна инфлуенсерка Тамара Калиниќ, a таа прошета во креација која привлекува погледи и воздишки.
Тамара одлучи да носи макси фустан во беж боја со цветни мотиви за посебната пригода.
Гламурозниот фустан се карактеризира со деколте во облик на срце кое ги нагласува градите. Целата креација е изработена од транспарентен материјал и открива многу за љубопитните набљудувачи.
Стајлингот го надополни со едноставна фризура, сребрени додатоци и шминка во земјени тонови кои ја истакнуваа нејзината природна убавина.
фото: принтскрин