Забава
(Видео) Елтон Џон ја заврши прошталната турнеја, ја крена целата публика на нозе со I’m still standing
Опкружен со фанови од целиот свет, кои сакаа да го слушнат и видат својот идол на неговиот проштален концерт, по половина век настапи, сер Елтон Џон во саботата вечерта ја воодушеви публиката во Стокхолм и рече збогум.
Британецот ја почна прошталната турнеја во 2018 година, а ја заврши пет години подоцна во Стокхолм. Концертот го отвори со Bennie and the Jets, една од своите најпопуларни песни.
На последниот настап беа изведени 23 хита од разни периоди од неговата долга кариера, меѓу кои Rocket Man, Tiny Dancer, I Guess That’s Why They Call It the Blues и Philadelphia Freedom. Трипати излезе на бис за Cold Heart, Your Song и Goodbye Yellow Brick Road.
„Настапувањето за вас беше мојата причина да живеам и вие бевте апсолутно брилијантни. Вечерва беше волшебно. Не можам да ви кажам колку ќе ми недостигате и колку вашата поддршка ме направи понизен. Тоа ќе остане со мене засекогаш“, рече 76-годишниот музичар.
Кога почна песната I’m still standing, околу 30.000 гледачи во арената „Теле 2“ станаа на нозе.
На концертот Елтон ѝ оддаде почит на Арета Френклин со тактови на Border Song.
Во текот на петгодишната турнеја, прекината поради Ковид-19, неговите настапи ги следеа 6,25 милиони луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Никогаш не им е досадно: Клуни и Пит одлично се забавуваат на премиерата на нивниот нов филм
Бред Пит (60) и Џорџ Клуни (63) прошетаа на црвениот тепих во театарот TLC во Лос Анџелес на премиерата на нивниот нов филм Wolfs и одлично се забавуваа.
Пит и Клуни ја задржаа својата насмевка на лицата за време на ова појавување. Сите присутни беа воодушевени од нивните шеги, кои покажаа дека на двајцата никогаш не им е здодевно заедно.
Тие изведуваа различни пози, правеа шеги и се смееја од уво до уво.
Бред пред премиерата на филмот упати и комплименти кон својот колега. На прашањето на списанието People дали има некој совет за идните најсекси мажи во светот, избор кој списанието го одржува секоја година, а титулата ја носат и тој и Клуни, Пит се пошегува и покажа кон Џорџ: „Ова е најсекси мажот на светот“.
Забава
(Видео) Лејди Гага за гласините дека е маж: Еве зошто никогаш не зборував за тоа
Лејди Гага се појави во втората епизода на Што е следно? Иднина со Бил Гејтс и зборуваше за гласините што ја следеа на почетокот на нејзината кариера. Во тоа време, едно од најчестите тврдења беше дека 38-годишната пејачка всушност е маж.
Во 2011 година, таа изјави за Си-ен-ен: „Зошто, по ѓаволите, ќе го губам своето време испраќајќи соопштенија за печатот за тоа дали имам или немам пенис? На моите обожаватели не им е гајле, а ниту на мене“.
lady gaga talks about her crazy rumor that she was a man (2024) pic.twitter.com/53ERX4rAi4
— Gaga Crave 🌷 (@AMENARTPOP) September 18, 2024
Сега после 13 години повторно ја допре таа тема.
„Кога бев во раните дваесетти, се шушкаше дека сум маж. Отидов низ целиот свет, правев турнеи, промовирав албуми и речиси во секое интервју ми кажуваа дека има гласини дека сум маж и ме праша што имам да кажам за тоа. Причината што не одговорив на прашањето е што не се чувствував како жртва на таа лага“, изјави Гага.
„Но, размислував за тоа. Што е со дете кое е обвинето за такво нешто, кое би помислило дека јавна личност како мене треба да се срами? Имаше фотошопирани фотографии на Интернет и луѓето велеа: „Знаете дека постои гласини дека си маж што имаш да кажеш на тоа?“, се присети Гага.
„Сум била во ситуации кога корегирањето на гласините не било во најдобар интерес – размислував за доброто на другите луѓе. Затоа во тој случај се обидов да бидам провокативна на друг начин. Се обидов да користам дезинформации“, заклучил музичарката.
Забава
Џастин Бибер шокиран од обвинувањата против Диди, тврди дека немало да соработуваат доколку тој знаел
Џастин Бибер жали што соработувал со Шон „Диди“ Комбс пред помалку од една година. Тој тврди дека никогаш не би го направил ова доколку знаел за наводите кои излегоа на виделина, пишува Дејли Мејл.
„Тој беше вклучен на последниот албум на Диди, и ако знаеше нешто од ова, нема шанси да го стори тоа“, тврди изворот. Бибер сè уште бил дете кога се спријателил со Комбс, појавувајќи се на неговиот албум од 2023 година The Love Album: Off the Grid со песната Moments.
По објавувањето на албумот во октомври, Бибер размислуваше за неговата прва средба со Комбс. „Се сеќавам дека отидов во канцеларијата на брат ми Диди за да му пуштам песна што му ја напишав кога имав 14 години“, напиша тој на Инстаграм.
Во март повторно се појавија стари снимки од Бибер и Комбс, набргу откако полицијата упадна во домовите на Комбс во Мајами и Лос Анџелес. Во една од нив, Комбс е виден како стои до 15-годишниот Бибер и вели дека „ќе поминат 48 часа заедно и ќе направат нешто што не може да го открие“.
Видеото објавено на социјалните мрежи оваа година предизвика голем број критики и загрижености.